Read zande Yesaya 22 Bible Online

Yesaya 22 - zande bible

Yesaya 22

¹Gu pa rungo du fu gu ngboongboorago yuguyugupai. Gini pai namanga ro awere, ya mo ndu na gamo aboro dunduko ku ri abambu yo,

²Ako mo hi ahi be wawa nga bakporo gbarakagbaraka pai, nga bagbata ngbarago? I aimo nga gamo aboro ni basape te, i akpi nga ti ngba vura a te

³Gamo abazogo oro dunduko wa sa, i adu ni zizi yo be abaaguanza. Gamo yo dunduko i abi yo i vodi yo wa sa, wa i aoro ku sa yo tuturu

⁴Si du ya mi ti ni wẽ: “Mo dí bangiro ti re, mi kpári kpenunga; ka mo ngarãsi nga re tipa pa gbu gimi aboro ya.”

⁵Bambiko rago gbarasahe na rago simba he ku sande na rago baka bangirise du be Gbia MBORI nga ga arimbasa ko, rogo ngboongboorago yuguyugupai yo, na pa kuadi ngapa bakporo, na akpe ku ri abaagangara yo.

⁶Erama atindi kpokoro wa sa na aboro ngbagidavura na abanduri afarasi, Kire ki kusi avurakube

⁷Si du ga bawene ngboongboorago ahi ahi be angbagidavura, abanduri afarasi ki mbakadi tiyo ki rundu ti angbadimo bakporo

⁸Ko ki di gu ũdadahe ti Yuda ku sa yo. Oni angere ni gu rago re sa gu úvura nadu rogo Bambu Bire,

⁹oni abi gu sapusapu rago du ti gu bakporo nga ga Dawidi ya si adu ni dungu he, oni adungura aime mungapadioyo wasa,

¹⁰oniagediabambu Yerusarema yo, oni ki kuadi abambu ku sande ka nyakasa ngapa bakporo

¹¹Oni ki mbakadi baigaime a dagba agu angapa bakporo du ue tipa agu aime nga ga kuru munga Ono oni angera nga koyo du gu ko ni namangi gi te re, oni afu nga irisa fu gu ko nambakadi he bakuru yo a te.

¹²Ti gu rago re Gbia MBORI nga ga arimbasa ko ayambu roni sa kpe na sa rungo, na ka kpe rironi na ka ukadi mbuzaroko;

¹³oni ngere, ngbarago na pa du pusia pusia ki du, na pa imo abaabagara na imo akandoro, na pa ri pasio na mbira imekakue “Ani ri he ki mmbiri he, mbiko gba ani mkakpika.”

¹⁴Ono Yekova nga ga arimbasa ko yugu tiko fere rogo gumbapai ku ture yo: “Ni rengo i atúmo nga roni be gi irairapai te re dati kpio roni”, wo poi Gbia MBORI nga ga arimbasa ko.

¹⁵Ya Gbia MBORI nga ga arimbasa ko wẽ, “Mo ye, mo ki ndu fuo gi babandaamarã re, koyo du Sebena ni, du ku ri kporo, ki ya fu ko:

¹⁶Gine mo amanga erẽ? da du mo na ni erẽ ya mo ge mura erẽ tipa ro, mo gu ge murã tipa ro ku an gbe, ki nise baraka tipa ro rogo mbia yo?

¹⁷Ako mo nyanyaki boro, mo ngére, mi nga Yekova aba ro ni bakere ome ku sa yo Mi azia ro nyanyaki,

¹⁸ki mikipo ro ki ba ro, mo ki wirigi wa badupo, ku rogo bakere ringara; yo mo ka kpi ni, yo gamo angbagidavura taarimo ka du ni, mo nga uzee fu ga bairaro kporo

¹⁹Mi abá ro ku sa yo ti ga basunge, i ki do ro ti ndikidi sunge

²⁰Ti gu rago re mi ayamba gi moyambu nga Eriyakima nga wiri Erekiya,

²¹mi aukadi ko ni ga gbanga baukadi, ki nyakasi ko na ga giri dimose, mi afu ga zogarago ku be ko ko adu ni ba fu araki Yerusarema yo na fu angbatunga aYudo

²²Gu rifungura nga ga ga Dawidi bambu ru mi aása ha pagorõko; ko aza he, ka boro aréngba nga na kisa ha wa sa ya; ko akisa he, ka boro arengba nga na za ha wa sa a ya

²³Mi abánga ko wa naen ku rogo ndikidi ba, ko adú ni mbatabakindo nga ga taarimo fu ga bako kporo

²⁴1 amaa gu taarimo dunduko nga ga ga bako kporo ku ri ko, atitako na agu yo enge ti ko, na rukutu apere dunduko, tona ti ainga na agu apere dunduko nga akambu imekakue

²⁵Ti gu rago re, wo poi Yekova nga ga arimbasa ko, gu neri nga gu ru i abanga ru ku rogo ndikidi ba ru, u agúari ba ru; i amó ru amo u ki ti, gu tindiro naadu auru ru i abá ha aba ku sa yo, mbiko Yekova gumba ha.”