Read zande Yesaya 23 Bible Online

Yesaya 23 - zande bible

Yesaya 23

¹Gu pa rungo du fu Tura. Ako oni yóro wawa, oni nga ga Taresisa abaakurungba, mbiko i gbarasi Tura, si zanga bambu, na basorosa akurungba a! I akusi paha fu yo ringara Kupurio yo

²Ako oni rú zaa, oni nga araki rogo ringara du ti ngba gango baime, Ako agu ababagiahe nga ga Sidona yo, naye na ahe fu roni nga agu yo nasusa ri dungu abaime;

³gaoni gene bi amará nadu mbiko zende ahe nga ga Siora, nangia gu zuzu ahe du mbiko di nga Nire; oni adu ni ababagiahe fu arikaaboro.

⁴Ako Sidona, mo du na zee, mbiko baime fura, nga gu nyanyaki ba nga ga baime, niya: “Mi aima nga be vunga te, mi abatika nga a te, mi ambu nga ti paranga akumba te, mi ambu nga ti ngasu ade a te.”

⁵Ho pande he ka da ni ku Ezipeta yo, i adú na kere ima mbiko pande gu pai nga ga Tura.

⁶Oni si ku Taresisa yo, Ako araki rogo aringara du ti ngba gango baime oni yóro wawa!

⁷Gaoni bakporo ngbarago nga gere? naenge bakuru yo mbata, anduhe atindi he tuturu ku sa yo si sungu yo?

⁸Da naberẽ gi pai re kuti Tura nga bafu akpakpari bakindo, du gaha abaira ababagiahe ni abazogo, du gaha ababagiahe ni irisiirisi aboro auru kpotosende?

⁹Yekova nga ga arimbasa ko ko naberẽ gi pai re, ka gbirisa gu ruka nga ga ataarimo dunduko, ka payasi pa gu irisiirisi yo dunduko nga ga kpotosende yo

¹⁰Ako aboro Taresisa, mo fu ku ri ga ringara wa di nga Nire, bambiko d igisaro ho berewe te

¹¹Ko taĩ beko ku ri baime, ko zigizo angbi; Yekova rú ndika tipa Kanana ka gbarasa gaha nyanyaki aba.

¹²Ko ki ya: “Ako oni rungosirungosi aboro nga aboro Sidona, oni angi nga berewe te; oni gúari, oni si ku Kupurio yo, oni adú nga na ongoda yo a te.”

¹³Mo bi nga gu ringara nga ga aKasado! Agi aboro re nadu; aboro Asuro te. I rmgbisi Tura si du tipa anya nvuo I adua gayo ababandarago, i agbarasi gaha abambu abakindo ki buna ha dã.

¹⁴Ako ga Taresisa abaakurungba oni yóro wawa, bambiko i gbarasi ga nyanyaki ba.

¹⁵Ti gu rago re bangirise ago ti Tura gará ki du 70, wa kina rago bakindo sa. Ti digida garã 70 pai adú fu Tura wa du he rogo bia nga ga debari:

¹⁶“Ako debari, mo gu bangirise nago ti ro! Mo dí kundi, mo ké pati bakporo kirikiri, Mo bi wene dodoroma bia, mo bi badungu abia, ya i tingidi pa ro.”

¹⁷Fuo nyasa garã 70 Yekova aye ka bi pa Tura, si akáraga tihe fuo gaha sunge ngbehe, ki mangi bari na angbi dunduko nga ga zegino auru kpotosende

¹⁸Ono gaha pa bagaahe na gaha pa ngbehe adu ni kparakpara ziazia pai fu Yekova; i abanda nga ha te, i aiga nga ha a te, mbiko gaha bagaahe adu tipa agu yo naraka bara bangiri Yekova, i ki ri he rengbe arengba ki bi bawene aroko.