Read zande Yesaya 24 Bible Online

Yesaya 24 - zande bible

Yesaya 24

¹Mo ngére, Yekova asa kpotosende ni ku he, ki sa ha ni kungba he, ki sa kpakpuhe asa ki gbandaka araki auru he yasika

²Si adu wa gere, wa si ka du fu aboro, kina wo si ka du fu boromotumo; wa si ka du fu kanga, kina wo si ka du fu bairani a; wa si ka du fu moyambu nga degude, kina wo si ka du fu nairan a; wa si ka du fu bangbehe, kina wo si ka du fu babagihe a; wa si ka du fu bafu mounda, kina wo si ka du fu borobape, wa si ka du fu badi mokiisa, kina wo si ka du fu bafu mokiisa.

³Kpotosende adu adu were ni ku he ni gbarasigbarasi he dunduko; mbiko Yekova gumba gi pai re.

⁴Kpotosende nakpara ni nunga ki nipaya, zegino naruna ki nipaya; bakindigi pa aboro nga ga kpotosende yo naruna

⁵I birikosi kpotosende be agu yo naraka rogo; bambiko i gu auru ndika nga ga rugute, ki sa rugaapai, ki gbarasi pa nyenye zungahe

⁶Si du riti motiwa kpotosende ti ni, araki rogo ho du na ngbanga ku ri yo; si du gbi araki rogo kpotosende ti ni, kina umba aboro ki nye

⁷Vovo imekakue nakpara ni nunga, bakakue naruna, kpoto agu yo yo du na ngbarago nauko auko

⁸Gu ngbarago nga ga woro agaza si ongo, woro agu yo nangi digi, gu ngbarago nga ga woro akundi si ongo

⁹I ambira nga imekakue nibi bia berewe te; banpiro du ni hihn he fu agu yo nambira ha

¹⁰Gu bakporo nga ga kungba pai kuadi ku sande, i kisi abambu dunduko ya ka boro rimi nga ku rogo ho wa sa ya.

¹¹Kpe du ngba agene bakporo mbiko zanga imekakue; angbarago dunduko si nyasi; gu wasa nga ga kpotosende si go

¹²I mbu bakporo ni bate, i mangi ngbadimo bakporo ni gbarasigbarasi he

¹³Bambiko were si ka adu kpotosende no dagba arika aboro, wa zigizo yo ngua eraya, wa dungura futu bakakue ho regbo kata ha nanyasi ni.

¹⁴I tumba fugoyo ku an, i ngbiko ni ngbarago; mbiko gu taarimo nga ga Yekova, i poi ku an mbiti baime yo

¹⁵Si du oni taasi rimo Yekova ku uroyo; ki fu taarimo fu rimo Yekova ga aYisaraere Mbori, rogo aringara du ti ngba gango baime

¹⁶Ani gi pa abia tuturũ ti digida kpotosende yo, nga bia taarimo fu Ruru Ko. Ono mi ayá, “Mi naruna aruna, mi naruna. Na gberẽ he fere! Airabiriki mangi pai ni biriki, ii, airabiriki mangi pai ni biriki ki susi.”

¹⁷Ako baraki auru kpotosende gunde, na due, na gbina, da ku ri ro!

¹⁸Gu ni nikaora be tatangba nga ga gunde ni ati ku due yo; na gu ni nakura due yo ni azia ti gbina Bambiko angbadimo ngbangbaturũ za, mburu kpotosende nakio

¹⁹Kpotosende kuadi du, kpotosende sari kpaa, kpotosende wo ki gbisi

²⁰Kpotosende natataraga wa bakpibuda, ki mwo koyo na kono wa dondomo; gaha samungu adu rõrõi ku auru he, si nati, ka si aguari nga baha berewe ya.

²¹Ti gu rago re Yekova ambusa gu rimbasa aboro nga ga ngbangbaturũ yo du ari yo gbe, na abakindo nga ga kpotosende yo ri kpotosende no

²²I adúngura yo wa sa wa i mdungura zizi aboro ku due yo; ki kisi yo ku bambukisa yo, fuo dungu arame i ambusa yo

²³Si du diwi ki du ni mumungo ru, uru ki du a na zee; bambiko Yekova nga ga arimbasa ko azoga rago ri Bagangara Siona yo na ku Yerusarema yo, ko ayugo gako taarimo, ku bara bangiri gako abaakumba.