Read zande Yesaya 25 Bible Online

Yesaya 25 - zande bible

Yesaya 25

¹Ako Yekova, mo nga gi Mbori; mi akiisa pa ro, mi asambua, rimoro; bambiko mo mangi iiriwo apai, gu rugapai naadu mbata a rogo yososopai yo na rengo

²Bambiko mo asa bakporo ni guguda, ki gbarasi bakporo nyanyaki ngapa; bambu bakindo nga ga kungba aboro adu nga ni bakporo berewe te, i adúa nga ha berewe wa sa te.

³Si du nyanyaki aboro ka taasa rimoro ti ni; gu bakporo nga ga arikaaboro nga airakigisa agunde ti ro

⁴Bambiko mo adu ni nyanyaki ba fu rungorungo yo, ni nyanyaki ba fu irazingohe rago gam rungo, ni bagbuko be bakamikami yuge na ni nzereme be faarago; bambiko gu iiriwo pai airakigisa namanga ha si wa bakamikami yuge nayada ngapa bakporo,

⁵wa faarago ugu rago. Mo nazeresa woro kungba aboro; wa faarago nizere be kirima dubo, mo za gu bia nga ga airakigisa aboro.

⁶Ri gi bagangara re Yekova nga ga arimbasa ko amanga pumbo fu aboro dunduko nga agu anahe du na kina ku nzeme ti ni, nga pumbo imekakue ri agbooro ho, na agu anahe hi ahi be nzeme meme, na imekakue ri agbooro ho i atogosi he ziazia

⁷Ko agbárasa gu ũdadahe ba yo ho ku ri aboro dunduko, ri gi bagangara re nga gu ũdadahe gbaragi yo ho ku ri arikaaboro dunduko

⁸Ko adigisa pa kpio nye anye kindi, Gbia MBORI awega aume ti bangirise ku sa yo dunduko, na gu gbarasarimo nga ga gako aboro ko adia ha auru kpotosende ku sa yo dunduko; mbiko Yekova gumba ha.

⁹I agúmba ha ni gu rago re, “Oni ngere, gaani Mbori du re; ani asungudi ko, ko batasi rani, Yekova du re; ani asungudi ko; ani du na ngbarago ki ningi rogo gako bata.”

¹⁰Bambiko be Yekova adu ri gi bagangara re, i asimba Moaba ku rogo gu ba ko, wa i msimbi nganziri morú ku rogo due regbo anya yo.

¹¹Moaba azáraga abeko dagba ha yo wa gu ni nawagia mzaraga beni ka wagia; Yekova azogosa gako enda ku sande wa sa na gu birĩ nga ga beko.

¹²Gu sosono nyanyaki agbata du ti ngapa gako bakporo ko abafa ha ki zogosi he, ki ba ha ku sande, kina boro ku nvutu yo.