Read zande Yesaya 3 Bible Online

Yesaya 3 - zande bible

Yesaya 3

¹Bambiko, oni ngére, Gbia nga Yekova nga ga arimbasa ko, nadia ũngba Yerusarema yo na Yuda yo na ũsongodahe, gu ũngba nga ariahe dunduko, na gu ũngba nga ime dunduko;

²na nyanyaki aboro na aborosovura, abasapungbanga na anebi, airasoroka na abaakumba,

³abarutirivura ku ri aborosovura 50 na agu yo du ni insiirisi yo, na abororondo na abangbasia seka ahe na abainigumbapai a

⁴Mi afú aparanga aboro i du ni gayo abazogo, i azóga yo a wa du pa sino agudit

⁵Aboro adu ni rungosirungosi yo, gu ni arungosi gu kura ni, gu ni sa kuti kurani; aparanga adu na enda fu abaakumba, na payasipayasi aboro fu insiirisi aboro

⁶Ho boro ka zia winnani ni dimo ku bani yo, niya: “Wa du mo na remu; mo ka du ni bazogoram, agi agberãrago re ki du ni rugurugu he mbiko ro”;

⁷ni kina gu rago re ni atuka ngbani, niya: “Mi adu nga ni bahusi boro te; wa adu nga riahe kpure yo na remu a ya; oni asá nga re ni bazogoaboro te.”

⁸Bambiko i gbarasi Yerusarema, Yuda ti; bambiko fugoyo du kuti Yekova na gayo mangapai, ka wi ngbako gako taarimo zíngi.

⁹Gayo pa kparaka aboro nadu ni dezirepai kuti yo; i nataka pande gayo ingapai wa Sodomo i aoka nga ha te. Na gberẽ he fu mbisimoyo! Bambiko i mangi gbigbitapai kina kuti yo.

¹⁰Oni yá fu ruru aboro rago angba fu yo, bambiko i an zuzu gayo mangaapai

¹¹Na gberẽ he fu gbegberẽ boro! Rago agberá fu ni, bambiko i amanga kina gu pai fu ni beni anamanga

¹²Pa gimi aboro ― agude nga arungosi yo, ade nazoga yo. Ako gimi aboro, agu yo nangbe fu roni ku mbata yo i naingisa roni, ki gbarasi gene gaoni nduge.

¹³Yekova naru ku an ka za yo, ki niru ka sapa ngbanga gako aboro.

¹⁴Yekova mo ka sara ngbanga abaakumba na abazogo gako aboro: “Kina roni nga agu yo riti ati bakakue, gu gbugbu ahe nga ga rungorungo aboro si rogo gaoni abambu yo

¹⁵Gini pai nga ha oni nakuadi gimi aboro ti ni, ni tira kpakpu rungorungo aboro wa i nasa he ti mbia?” wo poi Gbia MBORI nga ga arimbasa ko.

¹⁶Yekova aya a: Bambiko wa awiri bakporo Siona naenda nga ade ki nita ki niremena ti goyo, na sanza bangirise, nita ndu ni sikpa tiyo ku ari, woro nduyo ki nidu wa woro nzoro;

¹⁷si du mi nga Gbia ka mbũra ri awiri Siona ti ni nga ade na ayuhe, mi nga Yekova akusa gu payo gbu agbu.

¹⁸Ni gu rago re Gbia adia gu he i afonga nduyo na ni, na gu tutu remu vodari, na gu fongo du wa kpia fogo diwi,

¹⁹na atongo iuyo yo, na kamakama sirigi, na remu dada kpakpuse;

²⁰na kendegekendege kpakpari, na abenge nduyo yo, na agiri remu dimose, na asanduki wene fuõnzeme, na aúradatise;

²¹atongo na atongo õse;

²²na aroko pumbo, na abaukadi, na bakikii aremu, na nmnngu fongaahe;

²³abitiroabi nga ga be, na i emu ni tutu giri nzibi, na remu kaari, na i nko dadari

²⁴Si aye ka du wa gere, ya dididi fuõhe adu ku ba guzuguzu fuõhe; giri gira ku ba giri remu dimose; kpatakpa ku ba wene tutu ri boro; mbuzaroko ku ba roko pumbo; serõ we ku ba wene ngbanya.

²⁵Gamo akumba akpika ngba basape, na gamo airanyaka ti ngba vura.

²⁶Angbadimo gaha bakporo akpara kpe ki nirungo; si adú ni ku he, ki nisungu sande.