Read zande Yesaya 32 Bible Online

Yesaya 32 - zande bible

Yesaya 32

¹Oni ngere, bakindo azoga rago na rurupai, abazogo ki nizogo rago na ruru sarangbanga.

²Aboro ni ba sa sa adu wa kma bagbuko be yuge, ni okooko ba be gugugu yuge, wa ime rogo gene ime rogo ugurago, wa nzereme bambia rogo gu ringara mbu ambu

³Ono bangiri agu yo nabi apai si akisa nga te, na tu agu yo nagia pai si agia nga pai te

⁴Berã agu yo nagba agba sa pai adu na rugatise na inahe, mirã abakongodi pai afura zaza nzunzu

⁵I ayá nga ti mumungo boro irisiirisi boro nga ni berewe te, i ayá nga ti iranngi iragamahe nga ni a te.

⁶Bambiko mumungo boro nagumba kina mumungo pai, ni naberã kina pa manga irairapai: ka manga kina agu apai zanga sinombori, ka gumba irairapai kuti Yekova, ka mbu gu boro du na gomoro ni irazingohe, ki ka na mbirimbiri he be gu boro du na gomoro ime a

⁷Agu aúringi nga ga iraringi nga kina gbigbita ahe; ni nasanga kina gbegberẽ sangaapai ka gbarasa irarungo ni fugo zire, zavura ho irazingohe nagumba pai ni ni ruru he vuru

⁸Ono irisiirisi boro nasanga irisiirisi apai, ni arú kindi na kina agu apai nga pa irisa.

⁹Oni nga ade sungu zezeredi, oni gúari ku ari, ka gia fugore; oni awiri aboro nga ade du gaoni berã zezeredi, oni ye turoni sa fugore

¹⁰Oni nga zezere ade, fuo nyasa garã sa oni adú ni fudifudi roni; mbiko zuzu bakakue aka regbo zama ha, regbo dungura zuzuhe adu nga te.

¹¹Oni nga ade sungu zezeredi, oni kio, agu roni du zezere, oni dii ni fudifudi roni, oni uru gaoni roko, ki du ni kundiri roni, ki vo mbuzaroko ku dimoroni

¹²Oni tá ngbaduroni ni rungo tipa wene aati, na tipa idndi bakakue,

¹³tipa ga gimi aboro ringara, nga gu akiwe na anguruza nakura rogo ho; ii, na tipa agu akporo dunduko du na ngbarago a rogo bakporo ngbarago

¹⁴Bambiko i ambu bambu bakindo ni bate, gu bakporo du na dungu aboro rogo ho si adú ni ku he; gangara na bambu bandarago si adú ni sima nye anye kindi, ni wene ba tipa abaadongi nvuo, ni banambu tipa rimbasa akandoro;

¹⁵daho i ka uka Toro ni ari yo ku ri rani, ngbakungba adú ni ati idiidi ahe, ati idiidi ahe ki du wa kina bire ngua

¹⁶Fuo gure ruru sarangbanga adú rogo ngbakungba, rurupai ki nye rogo ati idiidi ahe

¹⁷Ono gu sunge nga ga rurupai si adú ni pa zereda, gu pai ka kura be rurupai ki ngia du zezeredi na du zukazuka nye anye kindi

¹⁸Gimi aboro asúnga rogo zezeredi kporo, na rogo ndikidi abaraka, na rogo zezeredi abaongoda.

¹⁹Ono morogumba anáda ha dati tiwa angua bire, i akúadi bakporo dunduko ku sande

²⁰Maku du fu agu roni narú ahe pangba aime dunduko, nambu abaabagara na abaadongi ami nita ni sa ra.