Read zande Yesaya 33 Bible Online

Yesaya 33 - zande bible

Yesaya 33

¹Na gberẽ he foro, bagbuahe, nga gu mo i ata gbu nga ahe be ro ya; mo namanga pai ni biriki, ono i ata manga nga pai na mo m biriki te! Ho mo ka mbu pa gbu ahe ni tigamo, i agbú ahe be ro; ho mo ka digisa pa manga pai ni ni biriki, i amánga pai na mo ni biriki.

²Ako Yekova, mo unda nga rani; ani nasunguda ro Mo dú wa berani na awiso, ni gaani bata a ti rago fudifudipai.

³Aboro naora ti woro gbarakagbaraka pai, arikaaboro gbandaka be tumba mo tiro ku ari;

⁴aboro adungura gbugbu ahe wa kitinyake; i agu ku ri ahe wa ayere

⁵Yekova du ni kiisikiisi pa ko, mbiko ko naraka ari yo gbe; ko ahisa Siona na ruru sarangbanga na rurupai;

⁶ono nyaka adú ti ga rago na bata kpaima, na tatamana, na inahe; gunde ti Yekova nga gako ũkumuko.

⁷Mo ngere, gayo azanga gunde nakpara zegi yo; abamokedi pa zereda nakpara kpe ni nunga

⁸Abaagene gberẽ dú, nungunungu boro yo berewe te. Mokido da gbua, aboro payasi abaakporo, i aberã nga pa aboro te.

⁹Ringara nakpara ni nunga ki niruna; Rebanona nadu na zee ki niugu; Sarona nadu wa kina ngbakungba; Basana na Karumera nazigizo akpe ti angua.

¹⁰“Mi nikaguan awere,” wo poi Yekova, “mi nikatumba tire ku an awere; mi nikadu ni kiisikiisi pa re awere.

¹¹Oni du na mobara nga kina umu he, oni ki vungu kina nganzin he; onga roni nga we nikanta kina roni.

¹²Ono aboro adu wa kina gbitin kuamba, wa agu akiwe dewe yo ku sande, ki zo ho na we.”

¹³Agu roni du tuturu, oni gi gu pai mangi mi; na agu roni du mbembedi, oni idi pa gi ngarã

¹⁴Agu aboro ingapai du Siona yo nagunde agunde; kiki zi airabiriki: “Da du dagba rani rengbe ka raka na gu we narita ahe? Da du dagba rani rengbe ka raka na agu ahe nagbi nye anye kindi?”

¹⁵Gu ni nata ni ruru ni ki nifura ni ruruhe; nga gu ni nagindiga mokiisa nga ga rungosiro, nazanzia beni ni ka zada mará mobirimo, nakisa tuni tipa gia pa uka kure, nakisa hangirim ti bi gbigbitapai

¹⁶Ni aráka ari yo gbe; gani babanda tini adú nga ambia bagbuko; i afú gani riahe fu ni, gam ime akpa nga te.

¹⁷Bangironi abi bakindo na gako wene ngbanya; si abi kpanangbara ringara tuturu.

¹⁸Ngbaduroni aberã pa gbudagbuda: “Wari du gu ko ni naagedi ahe? wari du gu ko ni naaringbisi rúhe? Wari du gu ko ni naagedi tumbatumba agbata?”

¹⁹Oni abi nga nzengerenzengere aboro berewe te, nga agu aboro nagumba fugo ni kesikesi he nga gu oni arengba nga na ka ina ha ya, nakongoda pai rogo fugo kungba aboro oni arengba nga na ruga tironi na ni a ya.

²⁰Oni ngére ku ri Siona yo, gu bakpo ro nga ga gaani ringbisiringbisi apumbo! Bangironi abi Yerusarema, nga zezeredi baraka, nga gu bamburoko ka i agbisa nga ha ya, ka i amófa nga ngua ha wa sa ya, ka i akáfa nga agirihe a ya.

²¹Ono yo Yekova ka du ni fu rani na taarimo, ni ba bakindigi adi na wiriadi a, yo bakurungba na kapi i asikisa ha ka andu nga ni ya, wene bakurungba asiisa nga yo a te.

²²Bambiko Yekova nga gaani basaringbanga, Yekova nga gaani bafurugute, Yekova nga gaani bakindo; ko abatasa rani.

²³Gaoni agin voda iikurungba zaki; si arengba nga ka nyakasa ngua pupoho ku ba ha te, si arengba nga ka zaraga roko pupoho ku an a te. I akpáraka zizi ahe na gbugbu ahe kpaima; gbarĩgbarĩ boro adia zizi he

²⁴A nga boro kporo sa ayá, “Mi nawoka” te; agu aboro naraka rogo ho i avú yo avu ti gayo irairapai.