Read zande Yesaya 34 Bible Online

Yesaya 34 - zande bible

Yesaya 34

¹Ako oni arikaaboro, oni yé kono mbembedi tipa gia pai, ki nidege turoni, oni nga aboro! Kpotosende gi he, na agu ahe du rogo ho; na zegino, na agu ahe dunduko nakura rogo ho

²Bambiko ngbadu Yekova naima kuti arikaaboro dunduko, ki du na ngariangaria zinga kuti gayo arimbasa aborosovura dunduko, ko fu yo sa gbarasa yo kpakaya, ki fu yo sa kpio

³I abafá akangbayo ku zegi yo, fuõ akangbayo agunda; kureyo afúka ti abaagangara.

⁴Agu arimbasa du ngbangbaturũ yo agbidigera agbidigera dunduko, i akáa angbangbaturũ sa wa kina kaikai waraga. Gaha arimbasa atiwa atiwa du, wa kpe bakakue nigboroka, wa kpe vurumo nigboroka ti ngua ha.

⁵Bambiko gi basape zamu ki kpi he angbangbaturũ yo; oni ngere, si nazorã ku sende no ku ri Edome, ku ri agu aboro mi aringbisi yo sa sarangbanga

⁶Yekova du na basape be ko; si na kure kpete, si na nzeme kpete, nga kure wiri akandoro na kure ameme, nga nzeme agbnri abaakandoro. Bambiko Yekova du na motumo Bosura yo, na pa bakere imo anya ringara Edome ya

⁷Agbẽe akpi ku dagba ra yo a, na paranga abaabagara na nyanyaki abaabagara a. Gaami ringara azirã azirã be kina kure, gaami sende azambua azambua be nzeme.

⁸Bambiko si nga uru irabape nga ga Yekova, nga garã sarangbanga fu Siona.

⁹Gu awiriadi du Edome yo asá tihe ni dada, na gaha nvutu wa baruti, gaha ringara asá tihe wa gbigbi dada

¹⁰I abisa nga ha yuru na uru te; ngimihe agúnda ku ari nye anye kindi. Si adú ni kungba rago tona ti gu rika ngbatunga aboro dati gu rika ngbatunga aboro a; a nga boro sa nikasusa rogo ho nye anye kindi te.

¹¹Ono kina azire ime nga aperekani na anzingini nikadia ha ni gaami, agbuku na ngbatunga abakiki mkaraka rogo ho. Yekova ataá giri kungba pai ku ri he, na giri ringbisa kungba he ku ri he a.

¹²Gaha agbia kporo adú nga ho tipa pa ngbi te, ono aboro adu nga yo wa sa te, gaha abazogo dunduko adu nga ni he berewe te.

¹³Kina akiwe nikakura rogo gaha nyanyaki agbata, kina abakatura na asakokoso nikakura rogo gaha nyanyaki aba. Si adú ni kporo ahúa, ni baraka tipa asurutio.

¹⁴Anya nvuo agbia tira na azege, bameme afúra koyo du wirinai ni; ii, gbuku amáa kpuru yo, u abi baongoda yo tipa ru.

¹⁵Yo bazizi ka maa bamburu ni ki ma pararu ki mtete ki dungura awiru ku tii puporu yo; ii, yo anakiki ka dungura tira ku ho ni, ami ni ba sa sa na abara.

¹⁶Oni gbáta pai rogo ga Yekova kitabu yo, ki gedi he: A nga gu ru sa nikainga dagba agi ra te re; a nga gu ru sa nikazanga bara te. Bambiko ngba Yekova rugu he, gako Toro dungura ra

¹⁷Ono ko ba ake tipa ra, beko kparaka ba fu ra ti genehe; si adu ni gaami ba nye anye kindi, ami nikaraka rogo ho tona ti gu rika ngbatungara dati gu rika ngbatungara.