Read zande Yesaya 35 Bible Online

Yesaya 35 - zande bible

Yesaya 35

¹Ngbakungba na gu rago ugu auga adú na ngbarago, ngbi ngume angi ki mbumba na mbumbuda ahe; si ambúmba kpaima

²na mbumbuda ahe wa kundu badari, ki ningi na ngbarago na bibia. I afu gu taarimo nga ga Rebanona fu he, na gu bauriwo apai nga ga Karumera na Sarona. I abi gu taarimo nga ga Yekova, na gu baiiriwo pai nga ga gaani Mbori.

³Oni nyákasi agu yo beyo narungbura arungbura, ki nyakasi agu yo du rukusuyo ni rurungbura ha.

⁴Oni ya fu agu yo ngbaduyo agunde, “Oni du nyanyaki, ka oni gunde nga ya! Oni ngere, gaoni Mbori naye na irabape, na gu mosoro nga ga Mbori Ko ayé ki batasi roni.”

⁵Si du bangiri airavurari azá, tu airangbianga ki ha;

⁶terengeterenge aboro aguka wa ngbiimo, mirã kisikisi ngba boro abi bia ni ngbarago. Bambiko aime agbáda ngbakungba yo, na awiriadi rogo ngbi ngume;

⁷gu ngume nakĩ imaima asa tihe ni munga, na gu ngbi du na gomoro ime ni ngbi gugaabi; ba ahua, yo ami napika ni, nvuo adú yo na nganzi na bísimo

⁸Bagene adú yo, i ayá ti ni Gene Ziazia Pai; birikobiriko aboro asusa nga ngba ha te, ono si adú tipa aboro nunguro na airamungo, i ainga nga ngba ha te.

⁹Bahu adú nga yo wa sa te, nyarinde andú nga ngba ha wa sa a te; i abi nga ra yo a te, ono kina agu yo i atumo yo nikandu yo

¹⁰Agu yo Yekova atumo yo i akaraga tiyo, ki niye na bit i ku Siona yo; nyenye ngbarago adú riyo, i abi wasa ki du pusiapusia, rungo na uko ago ti yo.