Read zande Yesaya 36 Bible Online

Yesaya 36 - zande bible

Yesaya 36

¹Ti gu 14 garã zogarago nangia ga Bakindo Izikiya, Saneriba nangia bakindo aAsuro ki ye kuti agu abaakporo ngapa dunduko nga ga aYudo ki rogo ho

²Ono bakindo aAsuro akedi Rabasake Rakisa yo ku Yerusarema yo koyo du Bakindo Izikiya ni na bakere rimbasa aborosovura. Ko aru pati gu fukusa munga nadu ku ngbi yo nga gu nadu ngba bagene ku Ati Bavurusiremu yo.

³Si du Eriyakima ki kuru fuo ko naadu ku ri aborokporo, nangia wiri Erekiya, na Sebena nangia bakeapai, na Yoa nangia batingidipai, nangia win Asafa.

⁴Rabasake ki ya fu yo wẽ, “Oni yá fu Izikiya, ‘Ya bakere bakindo, nga bakindo aAsuro wẽ: Gini pai dũ ho idi mo pa ha nga gu mo nakida kuti ni?

⁵Ya mo tigamo kina rugapai gbua rengbe na ome tipa so vura? Awere da mo nakida kuti ni, wa sa mo mungu kuti re?

⁶Mo ngére, mo nakida kina kuti gu kitiri ngau nganzi re nga Ezipeta, nga gu ka boro songodi tini kuti ni si ki rũpu beni arũpa Wo du pa Faro nga bakindo aEzipeto fu agu yo dunduko nakida kuti ko.

⁷Ono ka mo ya fere wẽ, “Ant nakida kuti Yekova gaani Mbori,” a nga ko du Izikiya agbataka gako tumbatumba arago na abamotumo ku sa yo, te? ki va fu Yuda na Yerusarema, “Oni afu irisa barangba gi bamotumo re.”

⁸Si du awere tie, mi nakpara foro, mo fú ngbaanga fu bairare nga bakindo aAsuro: mi afu afarasi foro 2,000, ka mo rengbe ka maa abandurira ku ri ra.

⁹Waĩ tie mo arengba ka sa kpakpuro ti kina gu umba barutirivura dagba ga bairare amoyambu yo, ni kida mo kuti Ezipeta tipa angbagidavura na tipa abanduri afarasi?

¹⁰A nga mi naye awere mbiko Yekova kuti gi ringara re ka gbarasa ha, te? Yekova aya fere, Mo ndú sa gi ringara re, ki gbarasi he.’ ”

¹¹Si du Eriyakima na Sebena na Yoa ki ya fu Rabasake, “Ani nakpara foro, mo gumba pai fu gamo amoyambu rogo pa Arama yo, mbiko ani rugu tirani na paha: ka mo fúra nga na ani rogo pa aYudo ku tu agu aboro yo du ri ngapa bakporo yo ya.”

¹²Ono Rabasake ki ya, “Bairare nikedi re mi gumba agi apai re fu kina bairaroni wa sa na oni a! ko akeda nga re fuo agu akumba nasunga ri ngapa bakporo yo te re, nari kina boro regboyo, ki nimbiri kina boro ime tii vuyo wa sa na oni a?”

¹³Si du Rabasake ki ru ki poi ku ari ni bakere fugo rogo pa aYudo yo ki ya: “Oni gí sangba bakere bakindo nga bakindo aAsuro!

¹⁴Ya bakindo wẽ: ‘Ka oi i ídi nga ha fu Izikiya ko nangi roni ya, mbiko ko arengba nga ka batasa roni te

¹⁵Ka oni ídi nga ha fu Izikiya ko sosodi roni oni kida kuti Yekova a ya, niya ko, “Ni rengo Yekova nikabatasa rani; i afú nga gi bakporo re ku be bakindo aAsuro te.”

¹⁶Ka oni dége nga turoni fu Izikiya ya; mbiko were poi bakindo aAsuro: Oni mbákadi pa zereda na mi ki ra fere; si du oni ari kina gaoni bakakue wa du oni ni ba sa sa, aboro ni ba sa sa ari gayo vurumo, aboro ni ba sa sa ambira ime rogo gayo due ime;

¹⁷daho mi ka ye ni ka roga roni ku rogo ringara du wa kina gaoni ringara, nga ringara zende ahe na imekakue nga ringara kpokuta na aati bakakue

¹⁸Oni bánda tironi Izikiya ka zomia roni gbua niya, “Yekova abatasa rani.” Ga kura ngbatunga arikaaboro ambori abatasi gayo ringara vuru be bakindo aAsuro?

¹⁹Ga Amata ambori wari na ga Arupada yo? Ga Sefarawayima ambon wari? I abatasi Somorona be re?

²⁰Gini ambori dagba agu ambori dunduko re nga ga agi aringara re, nabatasi nga gayo ringara vuru be re? ka Yekova batasi kina Yerusarema vuru be re ti ni?’ ”

²¹Ono i ki ongo aonga ka i akaraga nga wiri pai fu ko ya, bambiko ga bakindo rugute adu, nga, “Ka oni káraga nga pai fu ko ya.”

²²Si du Eriyakima nadu ku ri aborokporo nangia wiri Erekiya, ki ye na Sebena nangia bakeapai, na Yoa nangia batingidipai nangia wiri Asafa koyo du Izikiya ni na gayo aroko ni sipisipi he, ki gumba agu apai fu ko nangia ga Rabasake.