Read zande Yesaya 4 Bible Online

Yesaya 4 - zande bible

Yesaya 4

¹Ni gu rago re ade saba azia kina kumba sa, niya, “Ani ari kina gaani riahe ki ukadi tiram na kina gaani aremu, ono mo idi he i yambu rani ti kina rimoro; mo ki di gaani gbarasa rimo ti rani ku sa yo.”

²Ni gu rago re ga Yekova tomohe adu ni bawene ngbanyaha ni taasitaasi he, zuzu kpotosende adu ni nriwo ho ni bawene he fu agu yo nabati dagba aYisaraere yo

³Agu yo i ambu yo Siona yo na agu yo nanye Yerusarema yo i aya ti yo kparakpara ziazia aboro, nga agu yo i ake pa yo dunduko dagba unga aboro Yerusarema yo,

⁴ho Gbia ka azunda gu binko ni ku sa yo nga ga awiri Siona nga ade, ki girisi kure vurukporo Yerusarema yo ni ome sarangbanga namomezokodaahe

⁵Yekova ambakada dubo uru na ngime ku ri akporo dunduko Bagangara Siona yo, na ku ri gaha adunguratise, na ima miráwe yuru; bambiko ũdadahe adu ku ri taarimo

⁶Basura adu ho ka fu nzereme uru tipa faauru, ni bagbuko a na ni bagbu be bazigizo na be mai.