Read zande Yesaya 43 Bible Online

Yesaya 43 - zande bible

Yesaya 43

¹Ono awere ya Yekova wẽ, nga gu ko nafu ro, Ako Yakoba, nga gu ko nambakadi ro, Ako Yisaraere: “Ka mo gunde nga ya, mbiko mi tumo ro; mi yambu ro ti rimoro, mo nga gimi ko.

²Ho mo ka asusa ni rogo aime mi adú na mo; na rogo adi, si afú nga riro te; ho mo ka ata ni rogo we mo agbí nga te, mirãwe anta nga ro a te.

³Bambiko mi nga Yekova nga ga Mbori, nga ga Yisaraere Ziazia Ko, nga ga Batasi. Mi fu Ezipeta ni ga umotumo, na aEtiopia na Seba ku ba ro

⁴Bambiko wa du mo ni kiknpa he bangire, ni irisiirisi ro, nga gu mo mi akpi nyemu ro, si du mi fu aboro tipa ro, na rikaaboro tipa ungaro.

⁵Ka mo gúnde nga ya, mbiko mi du na mo; mi aye na ngbatungaro uroyo ki dungura yo dioyo;

⁶mi ayá fu nodi we, Mo fu yo, na fu sudi wẽ, Ka mo ka nga na yo ya; mo yé na awire gii ngbi yo na agu awire nga ade ti digida kpotosende yo,

⁷nga agu yo dunduko i ayamba yo ti rimore, nga agu yo mi afu yo sa gi taarimo, ki mangi yo, ki mbakadi yo.”

⁸Mo kúsi agu aboro nga airavurari, ono i du na bangirise, na airangbianga, ono i du na tue!

⁹Arikaaboro dunduko dungura tiyo wa sa, aboro vó gbuu wa sa. Da du dagba yo yo ka taki pande agi apai re, ki yugu agu apai fu rani naadu mbata? I yé na gayo adezire ya i bi yo ni ruru yo, i gi he ki ya, Rengo nga ha.

¹⁰“Oni nga gimi adezire,” wo poi Yekova, “na gi moyambu mi asia ko, ya oni ini he ki idi pa re ki rugu tironi na ni ya mi nga Ko. Kura mborí adu nga ni mangimangi ni mbata fere te, gu ni adu nga ho berewe fuo re te

¹¹Mi, kina re nga Yekova, A nga batasi ho berewe fuo re te

¹²Mi taki pande pai mi ki batasi yo ki yugu he, ho kungba mbori adu nga ni dagba roni ya; si du du oni ti ni ni gimi adezire,” wo poi Yekova.

¹³“Mi nga Mbori, du awere na ku mbata yo a kindi mi nga Ko; a nga boro ho sa rengbe ka batasa boro be re te; mi namanga pai, da rengbe ka sa ha?”

¹⁴Ya Yekova wẽ, nga gu Ko natumo roni, nga ga Yisaraere Ziazia Ko: “Bambiko mbiko gaoni pai mi akéda sunge ku Babera yo, ki kuadi angbongbo dunduko, gu tawawa nga ga aKasado asa tihe ni biakpe.

¹⁵Mi nga Yekova, nga gaoni Ziazia Ko, nga Bafu Yisaraere, nga gaoni Bakmdo a.”

¹⁶Ya Yekova wẽ, nga gu ko nasara gene rogo baime tikpo yo, na umba gene rogo agu aime du na ome,

¹⁷nga gu ko nakusa ngbagidavura na farasi, na rimbasa aborosovura na airanyaka; ya i piki sande wa sa, i aguari nga te, i bisi yo du, wa i nibisi giri we ataa:

¹⁸“Ka oni tingidi nga pa agu apai naadu mbata ya, ka oni berẽ nga pa kura apai a ya.

¹⁹Oni ngere, mi namanga vovo pai; si nikakura awere, oni aina nga ha te? Mi asára gene rogo ngbakungba yo na adi rogo ngbi ngume yo.

²⁰Anya nvuo airisa re, ahúa na asurutio; bambiko mi kusi ime ngbakungba yo, na adi rogo ngbi ngume yo, si du ni mbirimbin ime fu gimi sia íĩa aboro,

²¹nga agu aboro mi ambakadi yo tipa re i yugu pa tambua re.

²²“Ako Yakoba, mo ata kpara nga fere te; Ako Yisaraere, mo nambu ambu be re!

²³Mo aye nga na gamo wiri akandoro fere ni zozo motumo te, mo airisa nga re na gamo amotumo a te. Mi ambusa nga ro na pa manga amotumo nga ga riahe te, mi afuda nga ro na pa fuõngua a te.

²⁴Mo angbe nga nzinziri koko fere na marã te, mo ambisa nga re na nzeme gamo amotumo a te. Ono mo mbusi re na kina gamo ingaapai, mo fudi re na kina gamo irairaapai.

²⁵“Mi du, kina re nga gu Ko nagbandaka gaoni samungu mbiko kina re, mi atingida nga pa gamo ingaapai berewe te.

²⁶Mo tíngidi pai fere, ani gúmba gaani na mo wa sa; mo kúsi ga pai, ya i di pai ri ro

²⁷Bambata titaro amangi ingaapai, gamo aazarõ asa mungu kuti re

²⁸Si du mi gbarasi abazogo nga ga ziazia ba yo, mi sa Yakoba ni tiwatiwa ko na Yisaraere ni ẽsengahe.