Read zande Yesaya 46 Bible Online

Yesaya 46 - zande bible

Yesaya 46

¹Bere[1] nanugadi, Nebo nadua nhe ku sande, gayo kpiaahe du ri anya nvuo na ri zogozogo anya; agu ahe oni atindi he si ni tindiro mbusa ku ri agu anya nambu ambu.

²Kpiaahe dua nhe ku sande, ki mongo nugadi a, si arengba nga na batasa agu atindiro te re, si naga ni kina zizi he ku sa yo.

³“Ako ngbatunga Yakoba, oni dége turoni kono du mi ni nga Gbia, na gu yangara roni dú nga ngbatunga Yisaraere, nga agu roni mi atindi roni tona ti rago vunga roni, du ni tinditindi roni tona rukumbu yo;

⁴dati gbinza roni a Mi nga Ko, mi atmda roni kindi dati rago kura nvue rironi yo. Mi amangi roni, mi aáka roni; mi atmda roni ki batasi roni.

⁵“Oni aríngbisa re kuti da mi rengbe wa ni, ki ringbisi re na ni, ya ani du wa sa?

⁶Agu yo nakusa dahabu mangu yo kpua, ki ringbisi feda ti barõaahe, i ngbe pangu dahabu, ko ki ta ha ni mbori; i ki tiwi ku sande ki niirisi he!

⁷I aka ha pagorõyo, i ki tindi he, i ki moi he rogo gu baha, si ki ru yo; si aguari nga ni tihe rogo gu baha te Ka boro kpari fu he, ka si arengba nga na karaga pai fu ni ya, ka si abatasa nga ni be gam fudifudi pai a ya.

⁸“Ako aboro tindika, oni tingidi pa agi apai re, ki yugu tironi wa akumba ki berẽ paha berewe,

⁹oni tíngidi pa agu apai naadu bakuru yo; bambiko mi nga Mbori, kura ni ho berewe te; mi nga Mbori, a nga gu ni ho sa wa mi te,

¹⁰nataki pande pa digidapai ti tonatona rago na pa agu ahe ata manga nga ya bakuru yo, niya, ‘Gi rugapai aru aru, mi amánga agu apai ngba ti re dũ,’

¹¹Mi nayamba zire nga bari akurai uroyo nga gi boro rondo gii ngbi yo. Mi gumba ha, mi arúga ha si adu ni mangimangi he a; mi aberẽ pa manga ha, mi amánga ha amanga a.

¹²“Oni dege turoni kone du mi ni, oni aboro nyaka ngbaduse, agu roni turu aturã na rurupai:

¹³Mi ye na gi rurupai mbembedi, si adú nga tuturũ ku sa yo te, na gi bata si aima nga a te; mi amáa bata Siona yo tipa Yisaraere nga gi taarimo.”