Read zande Yesaya 47 Bible Online

Yesaya 47 - zande bible

Yesaya 47

¹Ako, aboro Babera, oni zórõ ka sunga nvutu yo; Ako, aboro Kasada, oni súngu sande zanga auru mbatabakindo! Bambiko i ayámba nga roni berewe ni bayee aboro na ni rurungbura roni a te.

²Oni rógo ambia saahe íĩ sa ngungo, oni gbísi gaoni roko dadari, oni úru gaoni gbanga roko, oni záki he ti nduroni, oni síki adi.

³Kundiri roni adu nga ni dadidadi he te, i abi gaoni zee abi. Mi Yekova aira bape, mi ambú nga boro wa sa te

⁴Ono gu Ko tumo rani ― rimoko nga Yekova nga ga arimbasa ko― nga ga Yisaraere Ziazia Ko.

⁵Ako aboro Kasada, oni súngu ki ongo kii, oni nmi ku rogo bitimo yo; bambiko i ayámba nga roni berewe ni agbia ku ri angbi te.

⁶Mi adu na zinga fu gimi aboro, mi igbarasi agu aboro nangia boro gimi siasia yo; mi ki fu yo ku be roni, oni ayugo nga inapai fu yo te; oni amoi rõrõi gonga ti gorõ gbinza aboro

⁷Oni aya, “Am adu ni agbia nye anye kindi,” si du oni amaa nga agi apai re ku kpotoroni yo te oni atingida nga pa digida ragoho a te.

⁸Si du oni gi gere awere tie, oni nga akpinyemu agu apai ngba ti kina roni, nasunga zezeredi, naya ku kpotoroni yo “Ani du ho, kura yo ho berewe fuo rani te; ani asúnga nga wa adekurugbo te ani aina nga pa kpio awirani a te”:

⁹Ono agi apai ue re aye sa roni rogo win guru rago, ti kina uru sa; nga pa kpio awironi na pa du ni adekurugbo, si ayé ku ri roni ni kina boro ringbisiringbisi he nzunzu, ka si vura du wa rimbasa gaoni asoroka du ho na gaoni iiriwo aúradatise kpaima vuru.

¹⁰Bambiko oni akida kuti gaoni gbegberẽpai, oni aya, “Boro abi nga rani wa sa te”; gaoni tatamana na gaoni inahe si gbe roni ki ingisi roni, oni aya ku kpotoroni yo, “Ani du ho, kura yo ho berewe fuo rani te.”

¹¹Si du gbigbitapai ka ye ti ni ku ri roni, nga gu oni aina nga wai ka oni tumo ho ya; ono pai ayé ku ri roni wa pa bino, nga gu oni arengba nga na dia pa ha ri roni ya; gberãngbi adá ku ri roni ni tunguotunguo ho, nga gu oni aina nga pa ha ya.

¹²Oni ru nyanyaki tie na gaoni aúradatise na rimbasa gaoni asoroka, nga gu oni anamanga sunge na ni tona ti kina parangaroni; ka ngia si aréngba na husa roni, si ngia oni aréngba na gundesi aboro na ni

¹³Oni mbu be rimbasa gaoni rugaapai; abawisigi pa vuro ngbangbaturũ kúru awere ki batasi roni, nga abawisigi pa akerekuru nga abagumba pa agu apai ti fogo diwi nikaye sa roni.

¹⁴Oni ngére, i du wa kina nganzin morú, we riti yo; i arengba nga na batasa tiyo be ome mirãwe te. Si adú nga ni kingiriwe ka awa ha te, ni we ka sunga pati he a te!

¹⁵Wo i ka du fu roni nga agu yo oni amangi sunge na yo, nga agu yo naabaga ahe na oni tona ti du oni ni parangaroni; i nata ata ni ba sa sa ngba gayo agene; boro adú nga ho sa ka batasa roni te.