Read zande Yesaya 49 Bible Online

Yesaya 49 - zande bible

Yesaya 49

¹Ako aringara ti ngba gango baime yo, oni yé turoni kono du mi ni, oni nga aboro gii ngbi yo oni dége turoni Yekova ayambu re rukumbu yo, ko ayambu rimore kma ho mi adu ni rukumbu nina yo.

²Ko ki mangi ngbare wa tĩtĩ basape, ko aoko re ku tii kirima beko yo; ko amangi re wa wene kpekpe kpoto puma guanza, ko abanda re wenengaĩ ku rogo gako kpokoro aguanza yo

³Ko ki ya fere wẽ, “Yisaraere nga mo nga gi moyambu, i ka taasa re rogo ro yo.”

⁴Ono ya mi, “Mi mangi sunge gbua, mi abagi omere ni wia tipa kungba pai; ono gi ruru sarangbanga du yo du Yekova ni ni rengo, gi mosoro du be gi Mbori.”

⁵Awere Yekova naya, nga gu ko nambakadi re ku rukumbu yo mi du ni gako moyambu, ka yega na Yakoba berewe koyo du ko ni, ya awiri aYisaraere du ni dunguradungura yo koyo du ko ni, bambiko mi nga irisiirisi boro bangiri Yekova, gi Mbori ye ka du ni gi ome

⁶ya ko: “Si nga wiri umba pai ya mo ka du ni gi moyambu ka tumba angbatunga Yakoba ku ari ka karaga gu bandabanda yo nga ga aYisaraere yo; mi afu ro a ni imarago fu arikaaboro, ya gi bata da ku digida kpotosende yo.”

⁷Ya Yekova wẽ natumo Yisaraere nga gako Ziazia Ko, fu gu ko aboro napayasi ko, nga gu ko arikaaboro asogo ko, nga moyambu nga ga abazogo ko: “Abakindo abi he ki guari; abazogo a, i ainsa ko; bambiko Yekova du ni yososo ko, nga kina ga Yisaraere Ziazia Ko, nasia ro.”

⁸Ya Yekova wẽ: “Ni gu rago ngba angba mi akaraga pai foro, na ti rago bata mi aunda ro; mi abanda ro ki fu ro ni úzungahe fu aboro, ka nyakasa ringara, ka kparaka gu kungba ngbi fu yo ni gayo;

⁹ki ya fu agu yo du ni zizi yo, ‘Oni kuru,’ na fu agu yo du ku bitimo yo, ‘Oni yugu tironi.’ I ari riahe ngba agene, kungba rago ri tumbatumba rago yo yo gayo banambu nikadu ni;

¹⁰gomoro amánga nga yo te na gomoro ime a te, faa uru amánga nga yo na faarago a te, bambiko gu ko du nunga yo ti ko nikangbe ku mbata yo fu yo, ko nikagasa yo ku pati agugaabi yo.

¹¹Ono mi asa gimi abaagangara dunduko ni gene, ki kiisi gimi abaagene.

¹²Oni ngere, agi yo re ayé gii ngbi yo, agi yo re aye nodiyo na dioyo, agi yo re aye ringara aSini yo.”

¹³Ako angbangbaturũ, oni bi bia ni ngbarago, Ako kpotosende oni ngí; Ako abaagangara oni rikita na bibia! Bambiko Yekova ngarãsi gako aboro, ko adú na nunga fu gako aboro i arungosi yo.

¹⁴Ono Siona aya, “Yekova mbu re, bangiri gi Gbia go ti re.”

¹⁵Ka bangiri de go ti gari gude ngbama, ya ka nunga gu wirin nga ga rukumburi du nga ti ri ya? Ii, bangiri agi yo re rengbe na go, ono bangire nga Gbia ago nga ti ro te.

¹⁶Mo ngere, mi se kpiaro kpabere yo; gamo angapa bakporo du ku bara bangire kindi.

¹⁷Abaduaro ipisi tiyo, abagbarasi ro na agu yo nagbarasi ringara i kuru rogo ro yo.

¹⁸Mo tuka nga bangiro ku ari ka angera nga kirikiri, agi yo dungura tiyo dunduko re, ka ye fuo ro. Wa du mi ni ungare, wo poi Yekova, mo aúkadi tiro na yo ni rengo wa kina ufongo, ki vodi tiro na yo wa kina didi de na gari fongo.

¹⁹“Bambiko tipa ga ngbi ugure na gamo angbakungba na gamo aringara i agbarasi he― ni rengo awere si adu ni umba ha tipa gamo araki rogo ho, ono agu yo nambira ro ambira i adú ti ro tuturu ku sa yo

²⁰Agu awiro i abatika yo rago zanga mo i ayá kina ku turo yo wẽ: ‘Gi rago re ni umba ha tipa rani; mo fu gu rago fu rani ka ani raki rogo ho.’

²¹Si du mo ka ya ti ni ku kpotoro yo: ‘Da navungu agi yo fere re? Wa mi azanga awire ki du wa irazangada, ni bagibagi boro ki nita ata koyo na kono, ono da nambu ti agi yo re? Mo ngére, i ambu re ni sa re; agi yo re wari i aye ni?’ ”

²²Ya Gbia MBORI wẽ: “Mo ngére, mi atumba bere ku ari fu arikaaboro; ki moi gimi yuguyuguhe fu aboro; i aye na awiro ti ngbaduyo, i atmda agu awiro nga ade pagorõyo

²³Abakindo nikangia agu abamo nikambu ti ro, na anakindo nikangia agu anamo nikambu ti ro. I atúmusa ni irisa foro ni kpakpuyo ku sende, ki nisiri gu nvutu du ti nduro. Mo ki ini he ya mi nga Yekova; agu yo nasunguda re zee amanga nga yo te.”

²⁴I rengbe na dia gu he be iraome ni azi he azia watadu batasa agu yo du wa ũmozi be irazuu?

²⁵Ono were poi Yekova: “Gu zizi yo nga ga iraome yo i aróga yo aroga be ni, i abátasa agu yo du wa umozi be airakigisa aboro, bambiko mi adárã pai na gu ni nadarã pai na mo, mi abátasa awiro.

²⁶Mi amánga agu yo narungosi ro i ri kina pasioyo, i akpíka kina kureyo wa vovo imekakue. Aboro dunduko mkaina ha ya mi nga Yekova nga ga Batasi, nga gu Ko natumo ro, nga gu Ko nga Iraome nga ga Yakoba ko.”