Read zande Yesaya 53 Bible Online

Yesaya 53 - zande bible

Yesaya 53

¹Da idi pa gu pai gi ani he? Yugu yo be Yekova fu da?

²Bambiko ko asono ku bangmko wa fogo tomohe, wa gu tarã ngua nakura ti ugu sende; kpakpuko na ngbanyako angba nga ti rani ho ani anibi ko ni te, ngbanya adu nga ti ko ka ani akpi nyemu ko ti ni te

³I apayasi ko, aboro ki gindiga ko a; rungorungo boro nangia ko naimdi pa imisiriapai; i apayasi ko wa gu boro i moko kpakpuse ti ni, ka ani aberã nga pa pa ko ya.

⁴Ko au gaani imisiriapai ni rengo ki aka gaani arungo; ono ani aberẽ pa ko wa mbusimbusi ko, nga gu ko Mbori ataki ko, ki nirungosi ko.

⁵Ono I ahogi ko tipa gaani samungu, i aimisi ko tipa gaani irairaapai; mbugo gaani zereda adu ku ri ko, ani ahu mbiko gako amandoro.

⁶Ani nangbuo angbuo dunduko wa kina akandoro; ani sa tirani ni ba sa sa sa kina gaani apai; Yekova moi gaani irairapai dunduko ku ri ko.

⁷I arungosi ko, i aumbasi pa ko, ka ko aza nga ngbako ya; i aye na ko wa wiri kandoro i andu na u sa imo ru, wa kandoro nakpara nga barangba gu boro nakpe mangeru ya, a wo ko aza nga ngbako ya

⁸I adi ko ku sa yo tipa rungosi na tipa sarangbanga; da dagba ngbatungako naberẽ he ya i aba ko ku sa yo ti ringara unga aboro, ni mbusimbusi ko tipa ga gimi aboro samungu?

⁹I akodi murãko na ga gbegberẽ aboro, rago kpioko ko adu na airakumuko, wa ko avura nga manga zuu ya, biriki adu nga kpotoko yo a te.

¹⁰Ono si angba ti Yekova ka mbusa ko; ko ki fu ko sa imisiriapai; ho ko ka maa mbisimoko ni ni motumo tipa ingapai, ko abi ngbatungako abi, ko agizasi gako arame agizasi; gu pai Yekova akpi nyemu he si amaa pai be ko;

¹¹ko abi gu imisiri sunge nga ga mbisimoko pai ki rengbe bangiriko wenengaĩ; gi ruru moyambu adia pai ri dungu aboro mbiko gako inahe; ko aáka gayo irairaapai dũ.

¹²Si du mi akpára ukumbo fu ko ti ni na gu kikindigi pa yo, ko akpáraka gbugbu ahe na nyanyaki aboro; bambiko ko azogo mbisimoko fu kpio, i agedi ko na atiandika; ono ko aaka gu ingaapai nga ga dungu yo, ki nikpari tipa atiandika.