Read zande Yesaya 54 Bible Online

Yesaya 54 - zande bible

Yesaya 54

¹“Ako irazangada, mo bi bia, mo avunga nga ya; mo rikita na bibia ki nikpari ku ari, mo aima nga be gude ya! Bambiko awiri devurukporo ninge ti awiri dukpuru, wo poi Yekova.

²Mo kiisi ba ga bamburoko, ki taĩ roko dadahe nga ga gamo baraka ki susi; ka mo mbu nga ha ya, mo tataĩ gamo agiri bamburoko ki nyakasi angua ha.

³Mbiko mo angé ki gbandaka ku tuturu rago yo ku kumbabe na ku garebe, angbatungaro adia ba arikaaboro ka sa kungba abaakporo si du ni gayo baraka.

⁴“Ka mo gúnde nga ya, bambiko mo adú nga na zee te; i amúngosi nga ro a te, mbiko i aba nga zee ku ri ro te; bangiro agó ti gu pa zee nangia ga parangaro, na gu gbarasarimo nangia pa du mo ni dekurugbo mo atingida nga pa ha berewe te.

⁵Bambiko Bamangiro nga kumbamo, rimoko nga Yekova nga ga arimbasa Ko; na ga Yisaraere Ziazia Ko nga gu Ko natumo ro, i niya ti ko Mbori du ri kpotosende dunduko.

⁶Bambiko Yekova yambu ro wa gu de mbu yo ri narungo arungo toron yo, nga gu dia boro du ni paranga ho i nimbu ri ni, wo poi ga Mbori

⁷Bambiko mi mbu ro tipa kina win guru rago, ono mi adungura ro ni bakere inapai.

⁸Mi aoko kpakpure ti ro ngbutuko, ni kere zinga, ono mi aina pai foro na nyenye weneringise, wo poi Yekova, nga gu Ko natumo ro.

⁹“Bambiko gere du wa kina gu rago nga ga Noa fere; bambiko wa mi azunga he ya gu ime nadu rago Noa afú nga ku auru kpotosende berewe te, wo zunga mi he ya mi azinga nga nga foro berewe te mi azá nga ro a te.

¹⁰Bambiko ka abaagangara aguari aguari i ki gbisi agangara, ono gi weneringise aguari nga ti ro te, gi zungahe nga ga zereda agbisa nga te, wo poi Yekova, nga gu ko ini pai foro.”

¹¹“Ako mo, boro rungosiro, bakamikami yuge ba ro, nga gu ni zanga ngarása ni, mo ngere, mi Yekova amaa gamo ambia rogo wene ahe du na arangi he akia, ki moi gamo amburuhe na ambia asafira.

¹²Mi amánga gamo abangin bambu na wene ngungungu ambia, na gamo angbadimo bakporo ni taataa ambia, na ga ngbandarago dunduko na kikiipa ambia

¹³Awiro dunduko kina re nikayugo pai fu yo, ga awiro wenepia adú ni bakere he

¹⁴I anyákasa ro ni rurupai; rungosi adu ti ro tuturu, bambiko mo agunde nga te; gbudagbuda ki turd na mo, bambiko si ayé nga mbembedi sa ro te.

¹⁵Mo ngere, ka i dungura tiyo sa zingisa pai, si aye nga be re te; agu yo ka zingisi pai kuti ro i ati ku sa yo be ro

¹⁶Mo ngére, mi mangi pangu nautuda kingiriwe, nata marã ni úsunge. Mi ki mangi bagbarasiahe a sa gbarasa pai;

¹⁷gu ũvura i ka mbakada ha kuti ro si adia nga be ro wa sa te, gu mirã aboro dunduko nikazinga kuti ro rago sarangbanga mo akita ngbanga ha akita. Gere nga gu pai nikadu tipa agu amoyambu nga ga Yekova yo, na gayo rurupai nga gu du mbiko re, mi nga Yekova poi wo.”