Read zande Yesaya 55 Bible Online

Yesaya 55 - zande bible

Yesaya 55

¹Yekova aya: “Oni gi he, agu roni dunduko gomoro ime amanga roni, oni yé sa aime; agu roni adu nga na marã ya, oni yé, oni ngbeke he ki mbiri he! Ii, oni ye ka ngbeka imekakue na mamunya zanga marã zanga genoho a.

²Tipagine oni nabaga gaoni marã ti ni tipa agu ahe adu nga ni riahe ya? ki bagi omeroni sa gu he ambisa nga roni a ya? Oni dége turoni kono du mi ni wenengaĩ, ki ri gu he ngba angba, mbisimoroni ki du na ngbarago ti he be nzeme

³Oni dége turoni, ki ye kono du mi ni; oni gi he, mbisimoroni ki du na unga; mi afu nyenye zungahe fu roni, nga gu ndikidi inapai mi akido he fu Dawidi tipa ha

⁴Oni ngere mi fu ko ni dezire fu aboro, ni bangbembatayo fu aboro ni gbia a.

⁵Oni ngére, oni ayámba agu arika aboro oni aina nga yo ya, na agu arikaaboro naaina nga roni a ya ayaara koyo du oni ni, bambiko Yekova gaoi Mbori, nga ga Yisaraere Ziazia Ko, bambiko ko taasi roni.

⁶“Oni gbáta Yekova ho ka oni bi ko ni, oni yambu ko ho du ko ni mbembedi;

⁷gbegberẽ boro mbu gam pai, na gu boro zanga rurupai mbu gam aberã; ni karaga tini koyo du Yekova ni, ko ini pai fu ni, na koyo du gaani Mbori ni, mbiko ko avu ni avu kpaima.

⁸Bambiko gimi aberã wa gaoni aberã te, gaoni apai wa gimi apai a te, wo poi Yekova

⁹Bambiko wa turu angbangbaturũ gbe ti kpotosende ku ari, wo du gimi apai ku an ki susi gaoni apai, na gimi aberã ki susi gaoni aberã.

¹⁰“Bambiko wa mai nana ngba ngbaturũ yo na morogumba ku sende no, ka si akaraga nga tihe koyo berewe ya, ono si natuda kpotosende, ahe ki kuru mbiko ho ki nisono, ki nikusi tunga ahe fu baruku ahe na riahe fu bari he,

¹¹wo gimi apai nga gu nakura ngbare yo; si akáraga nga tihe fere gbua te, ono si anyasa gu pai ngba ti re, ki kpatare rogo gu pai mi akedi he tipa ha.

¹²“Mbiko oni akura ku zegi yo na ngbarago, i ki ngbe mbata yo fu roni na zereda; abaagangara na agangara arikita ku bangironi na bibia, angua bire yo dunduko ki mwo ti abehe

¹³Kina kupuresa nikakura ku ba kiwe; ono ku ba bakatura kina adasi nikakura; si adu fu Yekova ni tingidapai, tipa nyenye yuguyugupai nga gu ka i adia nga ha ku sa yo ya.”