Read zande Yesaya 57 Bible Online

Yesaya 57 - zande bible

Yesaya 57

¹Ruru boro nakpi, ono boro ho naberã pa ha kpotoni yo wa sa te; i rogo airainapai ku sa yo, a nga boro sa naruga tini na pa ha te. Bambiko i di ruru boro ku sa yo be gu gbegberepai nikaye,

²ni rimi ku rogo zereda; agu yo nata kina rogo gayo rurupai ono i ongodi auru gayo abarame

³Ono oni, oni mbedi kono, oni nga awiri desoroka, ni ngbatunga irabari na debari.

⁴Da oni awia ni? Da oni naza ngbaroni sa ni gbagaza ki nikusi mirãroni ku zegi fu ni? A nga awiri asamungu nga oni te? nga ngbatunga aboro zire,

⁵oni nazingisa gaoni nyemuahe dagba agero yo, na tii iwo angua yo dunduko; a nga oni nga agu yo naimo agude rogo angboongboorago yo, na rogo sapusapu ambia yo a te?

⁶Gaoni betehe du dagba zezerenge ambia ngboongboorago yo; kina ha nga gaoni mosoro; oni auka gaoni mbirimbiri motumo fu kina ha, oni afu motumo nga ga riahe a. Oni azeresa re na agi apai re?

⁷Oni amoi gaoni barame ku ri tumbatumba bagbanga bagangara yo, yo oni andu ku ho ni a ka fu motumo.

⁸Ono gii ngbadimo yo na gii angua pangbadimo yo oni amoi gaoni iitingidapai ni; bambiko oni mbu re, ki zaki gaoni barame, ki biti ku auru he, oni akiisi gaoni barame; oni tigaoni ki kido he na yo, oni akpi nyemu gayo abarame ho oni abi he ni

⁹Oni andu na nzeme mbeda koyo du bakindo ni ki ngeesi gaoni wenefuõ anzeme; oni akedi gaoni abamokedi ku gu ngbi yo, oni aumbasi pa tironi kina ku Baatoro kpikpi aboro yo.

¹⁰Oni ambu be pa giza gaoni gene, ono oni aya nga te, “Maabangirise ho berewe te;” ono oni abi gu he naungasi omeroni, si du omeroni abata nga ti ni ya.

¹¹Ono da oni abaka bangironi tipa ni ki nigunde ti ni a, oni agumba zire ti ni, ka oni atingida nga pa re ya, ka oni aberã nga pa re ku kpotoroní yo a ya? Mi aonga nga ku tipa gbanga rago te? si du oni agunde nga ti re ti ni ya?

¹²Mi atáka pande pa gaoni ruruapai na gaoni mangaapai, ono si ahúsa nga roni te.

¹³Ho oni ka kpara ni, agu akpiaahe oni adungura ha si batasi roni! Ono yuge ayá aya na ni ku sa yo, omeonga aróga ha aroga ku sa yo dunduko. Ono gu ni nakida kuti re ni adia ringara adia ni gani, ni adia kumbo rogo kparakpara ziazia bagangara yo.

¹⁴I aya, “Oni dua ha, oni dúa ha, oni mbakadi gene, oni di mbia kota ku sa yo ngba ga gimi aboro gene.”

¹⁵Bambiko ya gu Ko du an yo gbe wẽ du ni tumbatumba Ko naraka nye anye kindi, du rimoko nga Ziazia: “Mi naraka rogo gu ba du an yo gbe du ni kparakpara ha ziazia, na gu boro du na toro rungo ti ni na umbasitíse, ka ungasi toro aboro umbasitise, na ka ungasi kpoto agu yo yo du ni rungorungo yo.

¹⁶Bambiko mi adarã nga pai na aboro nye anye kindi te, mi adú nga na zinga kindi a te; toro ka ti bungudu bara bangire, pa agu aboro mi amangi yo ki digi.

¹⁷Mi adu na zinga bambiko ga boro irairapai nga ga diangbitihe, mi ki ta ni, mi aoko kpakpure ki du na zinga; ono ni ki nindu kmdi ni keretu rogo gu pai dũ kpotoni yo.

¹⁸Mi bi gam apai, mi ahusa ni; mi angbé fu ni ku mbata yo a ki karaga ngarã fu ni, na fu gam akparikpe, ki fu gu zuzuhe nga ga ngbase.

¹⁹Yekova aya, Zereda, zereda, du fu gu ni du tuturu na fu gu ni du mbembedi; mi ahúsa ni

²⁰Ono gbegberẽ boro wa kina sungburasungbura baime; bambiko si arengba nga ka ongoda te, gaha aime nakusa dogoro na binko.

²¹Zereda ho te fu gbegberẽ boro, wo poi gi Mbori.”