Read zande Yesaya 59 Bible Online

Yesaya 59 - zande bible

Yesaya 59

¹Oni ngére, i agurusa nga be Yekova te, si rengbe na batasa boro, tuko ni kisikisi he te, ko rengbe na gia pai;

²ono gaoni irairaapai kparaka dagba roni na gaoni Mbori, gaoni ingaapai oko kpakpuko ti roni ka ko agia nga pa roni ya

³Bambiko beroni ni birikobiriko ho be kure wirinzagaroni ni birikobiriko ho be irairapai; ngbaroni gumba zire, mirãroni nauruma gbegberẽ afugo.

⁴A nga boro sa nasana he nzunzu te tipa ngbanga te, boro ho nazungadi pai ni rengo te; i nakida kuti pa ruka, ki mgumha azire, i na mobara gbegberẽpai, ki vungu kina irairapai.

⁵I tete kina para kere awo, ki tu kina pio ture; gu ni nari parara ni akpí akpi, gu i ka futuka ha si ateta kina wo.

⁶Gayo apio ture asá nga tihe ni roko te; i adáda nga tiyo ni agu ahe i amanga ha te. Gayo mangaapai nga manga kina irairapai, kina mangaapai ni zuu du ti yo.

⁷Nduyo oro sa kina gbegberẽpai, i ipisi tiyo ka uka kure boro wenesa; gayo aberã nga kina herã pa irairapai, nyasa he gbua na kuadi rago du ngba gayo agene

⁸I aina nga gene zereda te, ruru ngbanga rogo gayo apai te; i mangi gayo agene ni kina keturuketuru he tipa tiyo, gu boro nandu ngba ha ni aina nga pa zereda te.

⁹Si du du ruru sarangbanga ti ni tuturu ti rani, ka rurupai agbia nga rani ya; ani nangera tipa imarago, ono oni ngere, kina bitimo ki du, tipa imaima imarago, ono ani nata kina rogo nduunduu bitimo.

¹⁰Am natataraga ti pa vuro bambu wa iravurari, ii, ani natataraga wa agu yo adu nga na bangirise ti yo ya; ani nakotoka bebere uru wa nzinzii rago, ani wa kina kangba aboro dagba agu yo du nyanyaki

¹¹Ani nagbunga dunduko wa kina agu anya nga aunsi, ki niuruma pai be ima wa ambipo; ani nangera tipa ruru sarangbanga, ono ka si adu nga wa sa ya; tipa bata, ono du he adu tuturu ti rani ku sa yo.

¹²Bambiko gaani tiandika namaa pai amaa ku bara bangiro, kina gaani ingaapai nakusa pai kuti rani; gaani tiandika du kina ku ri rani, ono tipa gaani irairaapai, ani im he du;

¹³si nga tindika na tikangu Yekova, nisa tirani ku sa yo ti peka gaani Mbori, nigumba pa rungosi na samungu, niberẽ pa zire kpotorani yo ki nigumba ha.

¹⁴I karaga ruru sarangbanga ku sa yo, rurupai ki du adu tuturu; bambiko rengo ti kina ku bangiri agene bakporo, nzunzu pai arengba nga ka rima koyo te.

¹⁵Zingo rengo namanga, gu ni guari pati gbegberẽ apai, ni ki du wa mumungo boro. Yekova abi he, si ki gberẽ ti ko ya ruru sarangbanga adu nga yo te.

¹⁶Ko abi he ya boro adu nga yo te, si ki iriwo ti ko wa azarõ adu nga ho ya; si du kina beko ki ye na bata fu ko, na gako rurupai si asongodi ko

¹⁷Ko ki ukadi tiko na rurupai wa marã ngbaduse, na kpakpai bata ku nko yo; ko ki ukadi abaukadi nga ga irabape wa roko, ki ukadi tiko na kenapai wa gbanga baukadi.

¹⁸Ko agasa mosoro fu yo, kina kuti gayo mangaapai, ngariángariá zmga fu airafudifudipai, mbusa rengbe fu avurako; ko aira bape kuti agu aringara du ti ngba gango baime

¹⁹Si du i ka agunde ni ti rimo Yekova tona dioyo, na ti gako taarimo yo uru nakura ni; bambiko ko ayé wa gbada windi, nga gu yuge Yekova nafo ho.

²⁰“Ono ko aye ku Siona yo wa gu Ko natumo aboro, na koyo du agu yo ni sa tiyo ti samungu dagba ngbatunga Yakoba yo, wo poi Yekova.

²¹“Ono tipa re, gere nga gi zungahe fu yo, wo poi Yekova: gi toro du ri ro, na gimi apai nga gu moi mi ku ngbaro, si aguari nga ngbaro te, ngba atitaro a te, tona awere na ku mbata yo nye anye kindi.”