Read zande Yesaya 6 Bible Online

Yesaya 6 - zande bible

Yesaya 6

¹Ti gu garr Uziya akpi ti ni nangia u bakindo mi ani Gbia ko sungu auru mbatabakindo, ku ari ni tumbatumba ko; gako gbanga remu ki hisi yekaru ahisa.

²ASerafa aru ku ba riko yo; apupoyo adu sita ni ba sa sa: i adadi kpakpuyo na gu ue, ki dadi nduyo na gu ue, i ki gu na gu ue

³Gu ni ki fura koyo du gu ni ni ki ya: “Ziazia, ziazia, ziazia nga Yekova nga ga arimbasa ko; zegino dunduko hi be gako taarimo.”

⁴Mburu bara nma bambu ki wo be fugo gu ni nafura, ngime ki hisi bambu

⁵Mi ki ya: “Na gberẽ he fere! Ngbare zere; bambiko boro binkobir o kpotongba nga mi, wa ra mi dagba agu aboro binko kpotongbayo abiriko; bambiko mi bi Bakindo ni bangire, nga Yekova nga ga arimbasa ko!”

⁶Serafa sa ki gu kono du mi ni, kingiriwe ki du beni nga gu ni adi he na uza bamotumo yo.

⁷Ni ki zadi ngbare na ni, ki niya: “Mo ngére, wa zadi mi kpotongbaro na gere; i di ga irairapai ku sa yo, ki girisi ro ga ingapai.”

⁸Mi ki gi fugo Gbia naya, “Mi akéda da, da nikandu tipa rani?” Mi ki ya, “Mi du re! Mo kédi re.”

⁹Ko ki ya fere, “Mo ndu, ki gumba ha fu agi aboro re: ‘Oni gi he, ono oni arúga nga tironi na ni te; oni ngere, ono oni abi nga he te.’

¹⁰I nyakasi kpoto agi aboro yo re, ki kisi tuyo, ki kisi bangiriyo; i ka ngera ni bangiriyo, ki gi pai ni tuyo, ki rugu tiyo na pai kpotoyo yo, ki sa tiyo berewe ki hu.”

¹¹Mi ki ya, “Gbia, rago adu waĩ?” Ko ki karaga ha ki ya: “Daho abaakporo ka du ni wa bate zanga araki rogo ho, abambu ki zanga akumba, ringara ki du wa kpatakpari dunduko,

¹²Yekova ki rogo aboro ku sa yo tuturũ, abate ki du ringara yo ni dungu he

¹³Ka si vura nye yo wa sa dagba bawe, i azókoda ha berewe, wa rukurumo ngua nga terebinita watadu ga gero ninye ho i nide he ni.” Kparakpara tungayo du wa rukurumo ngua.