Read zande Yesaya 61 Bible Online

Yesaya 61 - zande bible

Yesaya 61

¹Ga Gbia MBORI Toro du ti re, bambiko Yekova nambedi re ni nzeme mi nitungusi wene pangbanga fu rungorungo aboro; ko kedi re mi vodi agu yo ngbaduyo akua, ka taka pande pa raniri fu zizi yo, na pa za ngbadimo bambukisa fu agu yo du ni vodivodi yo;

²ka taka pande pa garã ga Yekova weneringise, na rago irabape nga ga gaani Mbori; ka ngarãsa agu yo dunduko nakpara kpenunga;

³ka ringbisa pai fu agu yo nakpara kpenunga Siona yo— nga ka fu wene he fu yo ku ba kuke, nzeme ngbarago ku ba kpara kpenunga, baukadi tambuahe ku ba imisiripai nga ga toro; ya i ya ti yo angua rurupai, gu rũrũhe nga ga Yekova, ya ko du ni taasitaasi ko.

⁴I adúa gu kuru aba naagberẽ bakuru yo, i atúmba gu gbarasigbarasi arago naadu mbata; i ambákada agu abaakporo berewe naagberẽ, gu gbarasigbarasi arago nga ga badungu arikaaboro.

⁵Kungba aboro adú ho ka riga gaoni rimbasa akandoro, akare adú ni gaoni abasopobino ni gaoni ababanda bakakue;

⁶i ayá ti roni ga Yekova aboro motumo, aboro ayá ti roni abamangi pa gaani Mbori; oni ari gu ũkumuko nga ga arikaaboro, oni ki nisambua tironi rogo gayo taarimo.

⁷Ku ba gaoni zee i afú ahe fu roni bara ue, ku ba vunduvundu pai oni angi mbiko gaoni ahe; si du rogo gaoni ringara oni adia ahe ni ukumbo bara ue; nyenye ngbarago nikadu fu roni.

⁸Bambiko mi Yekova nakpi nyemu ruru sarangbanga, mi sogo pa tukahe na irairapai; mi afú gayo mosoro fu yo rogo rengo yo, mi azúnga nyenye zungahe fu yo rogo rengo yo.

⁹I aina pa angbatungayo dagba arikaaboro, na awiriyo dagba aboro; agu yo nikabi yo du i aina yo, ya i nga gu ngbatunga Yekova afu maku fu he.

¹⁰Mi angi bakere rogo Yekova yo, torore ki du na bakere ngbarago rogo gi Mbori yo; bambiko ko aukadi re ni baukadi nga ga bata, ko vodi re ni gu gbanga roko nga ga rurupai, wa badide naukadi tini na fongo, wa didide nifongo tiri na gari úfongo.

¹¹Bambiko wa sende nakusa tomoahe, wa ati nazugasi agu ahe i aru rogo ho, kina wo Gbia MBORI nikamanga rurupai na tambuahe si kuru ku bara bangiri arikaaboro dú.