Read zande Yesaya 64 Bible Online

Yesaya 64 - zande bible

Yesaya 64

¹Ako ka mo za angbangbaturũ ka zorã ku sende no, ya abaagangara zigizo tihe bara bangiro―

²wa we nakĩ ti sakiri a ime ki niba be gu we re― avuraro ini rimoro mbiko ho, arikaaboro kio bara bangiro!

³Ho mo amangi iiriwo apai ni nga gu ani asunguda nga ha ya, mo azorõ ku sende no, abaagangara ki zigizo tihe bara bangiro.

⁴Bambiko bakuru yo aboro agia nga ha te, i adega nga tuyo ka ruga tiyo na ni a te, bangirise abi nga kura Mbori fuo ro namanga pai fu agu yo nasunguda pa ro a te.

⁵Mo gbia tiro na gu ko nangi ki nimangi rurupai, na agu yo natingida pa ro mbiko gamo apai. Mo ngére, mo adu na zinga, wa ani amangi ingapai; ani nidu rogo gaani ingapai tipa gbanga rago, ani abáta?

⁶Bambiko ani sa tirani wa kina bibiriko aboro dunduko, gaani ruru mangaapai dunduko du wa bibiriko aremu. Ani napaya wa kina kpe, na gaani irairaapai si tuka rani wa yuge ku sa yo.

⁷A nga boro ho sa nakpara ti rimoro te, ki guari ka zada ro a te; bambiko mo oko kpakpuro ti rani, ki fu rani ku be gaani irairaapai.

⁸Ako Yekova, ono mo nga Barani; ani du wa pere, mo du wa bamerani; ani dunduko nga gu sunge nga ga bero.

⁹Ako Yekova, ka mo dú nga na bakere zinga ya, ka mo nitíngidi nga pa irairapai nye anye kindi ya. Mo ngére, ka bi nga, ani dunduko nga gamo aboro nazungadi ro.

¹⁰Gamo kparakpara ziazia abaakporo sa tihe ni ngbakungba, Siona sa tihe ni ngbakungba, Yerusarema ni gbarasigbarasi he.

¹¹Gaani kparakpara ziazia bawene kporo, yo abarani anatambua ro ni, i zo ho na we, gaani wene ahe dunduko gberẽ.

¹²Ako Yekova, mo aká ni pa ro mbiko agi apai re? Mo aónga aonga kii, ki rungosi rani ni kere he?