Read zande Yesaya 8 Bible Online

Yesaya 8 - zande bible

Yesaya 8

¹Yekova ki ya fere, “Mo di bakere o zezerenge mbisa, ki ke pai ri he ni gu kekepai nga ga aboro, ‘Ga Maere-sararasa-baza.’ ” Si wa ka i ya, Gbarasapai naipisa tihe, gbuahe naika.

²Mi arogo kangará adezirepai ka ke pai fere, nangia Uriaya nangia boromotumo na Zekaraya nangia wiri Yeberekaya.

³Mi arimi koyo du denebi ni, ri adu na mobara, ki batika kumbagude Yekova ki ya fere, “Mo yambu rimoko nga Maere-sararasa-baza;

⁴bambiko mbata fu ina gude gu kpe nga, ‘Buba’ watadu ‘Nina’ i aroga ga Damaseke ũkumuko ku sa yo na ga Somorona gbugbu ahe ku mbata yo fu bakindo aAsuro.”

⁵Yekova ki gumba pai fere berewe ki ya:

⁶“Bambiko wa agi aboro re abasa pa aime Siroa nga gu nafu yee, ki ngba na Resini na win Remanya;

⁷si du, oni ngere awere, Gbia naye na ime Di ti ni ku ri yo, nga uriwo ho du ni bakere he, nga bakindo aAsuro na gako taarimo; ko ki fu rogo gaha agene ime dunduko ki hisi gaha agango ime dunduko a;

⁸ko ki fu ki susi ku Yuda yo, ko ki nifu ri arago dunduko ki nyasi he, ki da ku ngba gose; Ako Imanuere, zara pupoko arengba na bakia ga ringara.”

⁹Oni nga aboro, i kúadi roni, oni yúngura; oni ye turoni, agu roni dunduko du gn ngbi yo; oni síkpa tironi oni ki yungura, oni sikpa tironi oni ki yungura.

¹⁰Oni sáki pai dagba roni wa sa, ono si ayé ka du gbua; oni gúmba pai, ono si arú nga te, bambiko Mbori du na ani.

¹¹Bambiko wo Yekova agumba pai fere na nyanyaki beko ku ri re, ki mrugu re ya ka mi nita nga ngba gene agi aboro re ya, niya:

¹²“Ka mo ya nga ti gu tabura agi aboro re naya ti ni tabura nga ha ya, ka mo gunde nga wa gunde yo a ya, ki du na kio be he a ya.

¹³Ono oni kpara Yekova ni ziazia ko nga ga arimbasa ko; ko oni ka gunde ti ko, ko oni ka kio be ko

¹⁴Ko adu wa kparakpara rago fu ngbatunga aYisaraere ue, ni mbia kota, ni mbia nzingiri pai a, ni gbina na ni gbina batukandu tipa araki Yerusarema yo.

¹⁵Agu yo akota ni dungu yo mbiko ho; i ki nitiwi ki mkuadi; i ki du ni zizi yo, i ki niga na yo.”

¹⁶Mo vodi dezirepai, ki dika yugopai dagba gimi abawiriki

¹⁷Mi asunguda Yekova naoka kpakpuko ti ngbatunga Ya koba, mi amaa bangire tipa ko

¹⁸Oni ngere. Am na agu agude Yekova afu yo fere du ni yuguyugupai ni nriwopai Yisaraere yo be Yekova nga ga arimbasa ko, naraka Bagangara Siona yo.

¹⁹Ho i ka ya ni fu roni, “Oni ndu fuo airasoroka na abinza nga agu yo nafura ni patapata na urumo fugo,” a nga aboro ka gbata pai be gayo Mbori te? Ka i gbata pa unga aboro dagba kangba aboro yo?

²⁰Oni ndu sa rugute na sa dezirepai! Ka i afura nga kuti gi pai re ya, ni rengo ka girarago adu nga tipa yo ya.

²¹Ono i asusa asusa rogo ringara, bakere rungo ki nimangi yo na gomoro a; si ki ta ye ka du wa gere, ho gomoro ka manga yo ni, i abirã tiyo ki nigberẽ ngbayo yo fu gayo bakindo na fu gayo Mbori, ki sa kpakpuyo ku an yo,

²²i angera ku sende no, mo ngére, rungo ki du na bitimo, baka bangirise na ima; i ado yo ku sa yo rogo nduunduu bitimo yo.