Read zande Yesaya 9 Bible Online

Yesaya 9 - zande bible

Yesaya 9

¹Ono baka bangirise adu nga fu gu ri nadu rogo ima te Ti gu rago naadu mbata Mbori apayasi gu ringara nga ga Zeburuna na gu ringara nga ga Nafatari, ono ti gu rago nikaye ko ataasa gu pai nga ga baime, du mbiti Yaradene yo, nga Gariraya nga ga arikaaboro ringara.

²Agu aboro naata rogo bitimo i bi bakere imarago; agu yo naaraka rogo ringara kirima kpio, imarago ki hasi rago fu yo a.

³Mo azugasi gi rikaaboro re, mo aknsi gayo ngbarago; i du na ngbarago bara bangiro wa gu ngbarago nidu regbo ke ahe, wa aboro nangi ho i nakparaka gbugbu ahe ni

⁴Bambiko gu gonga nga ga gako tindiro, na gu ngau du pagorõko, na gu ngbondo nga ga barungosi ko, mo akuadi he wa ti gu rago nga ga Midiana

⁵Bambiko agu aúvura dunduko nga ga boro vura rago gbarakagbaraka pai, na agu aroko i awingi he rogo kure si adú tipa kina zo ho wa nyake.

⁶Bambiko i vungu gude fu rani, i fu win fu rani nga kumbagude; pa zogaaboro adu ku pagorõko, i ayámba rimoko nga “Baiiriwo, Barugupai, Mbori du na tandu apai dú, Nyenye Ba, Gbia Zereda.”

⁷Kia pa gako zoga aboro na pa zereda digidaha adu nga ti ni te, auru ga Dawidi mbatabakindo, ku ri gako ngbi, ka nyakasa ha, na ka songoda ha na sarangbanga ni rurupai tona awere na ku mbata yo nye anye kindi a. Gu kenapai nga ga Yekova nga ga arimbasa ko nikamanga gere.

⁸Gbia akedi rugapai fu Yakoba, si ada ku ri awiri aYisaraere a;

⁹aboro dunduko mkaina paha, Efuraima a na agu yo naraka Somorona yo, naya ni enda na nyaka ngbaduyo yo:

¹⁰“Abiriki tiwi, ono ani adúa ha berewe ni sekeseke ambia; i nade angua du wa vurumo ku sande, ono ani amaa angua kedara ku ba ha.”

¹¹Si du Yekova nazingisa airafudifudi pai ti ni kuti yo, ki zingisi avurayo a.

¹²ASurio ku uroyo na aFereseto ku dioyo i nazara ngbayo ka rita awiri aYisaraere. Ono mbiko agi apai dunduko re gako zinga aguari nga ku sa yo te ono beko ni taitaĩ he kindi.

¹³Aboro asa nga tiyo fu gu ko naata yo te, i agbata nga Yekova nga ga arimbasa ko a te.

¹⁴Si du Yekova akati ri Yisaraere na sako ti ni ku sa yo, wa be mbira na wa bisimo ti kina uru sa―

¹⁵bakumba ni irisiirisi boro, ni nga gu ri he, na gu nebi nayugo pa zire ni nga gu saha;

¹⁶bambiko agu aboro nangbe ku bata yo fu agi aboro re i naingisa yo, i nagbarasa agu yo agbarasa i nangbe fu yo ku mbata yo.

¹⁷Si du Gbia angi nga mbiko pa gayo paranga aboro te, nunga gayo awirinyaure na nunga gayo adekurugbo adu nga ti ko a te; bambiko aboro ni ba sa sa du ni airabiriki ki du ni amangi gbigbitapai, ngbayo dunduko ki nigumba mumungo pai. Ono mbiko agi apai dunduko re gako zmga aguari nga ku sa yo te ono beko ni taftaĩ he kindi.

¹⁸Bambiko gbegberẽpai nagbi wa we, si nanta anguruza na akiwe a; si nazokoda rago ho du dungu angua ni bire yo, si nagunda ku ari wa ngimi bakamikami.

¹⁹Ringara gbi be gu dingidingi ngbaduse nga ga Yekova nga ga arimbasa ko, aboro ki du wa kina nyake; a nga boro sa nabatasa wirinani te.

²⁰Aboro ki tuka he bara ku kumba be, ki du na gomoro kindi, i nari he bara ku garebe, ka i ambika nga wa sa ya; aboro ni ba sa sa nan kina pasio be kurani,

²¹Manase nan Efuraima, Efuraima ki ri Manase, i ue wa sa du kuti Yuda. Ono mbiko agi apai dunduko re ga Yekova zinga aguari nga ku sa yo te ono beko ni taĩtaĩ he kindi.