Read zande Yeremaya 45 Bible Online

Yeremaya 45 - zande bible

Yeremaya 45

¹Gu pai Yeremaya nebi agumba fu Baruka wiri Neriya, ho ko ake agi apai ni re rogo kitabu kuti ga Yeremaya gumbapai, rogo biama garã zogarago nga ga Yoyakima wiri Yosiya, bakindo aYudo:

²“Ako Baruka ya Yekova foro nga ga aYisaraere Mbori wẽ,

³Mo aya, ‘Na gberẽ he fere! bambiko Yekova gbia rungo kuti gi imisiri; mi nambu be gi uko, ka mi abi nga ongoda ya.’

⁴Mo ayá fu ko wẽ, Ya Yekova wẽ: Mo ngére, gu he i adua mi nakuadi he ku sande, na gu he mi aru mi namofa ha ― si wa ka i ya, ringara dunduko.

⁵Mo nagbata bakere apai tipa tiro? Ka mo gbáta nga ha ya; bambiko, mo ngére, mi naye na gbigbitapai ku ri aboro dunduko, wo poi Yekova; ono mi afú ungaro foro wa mosoro nga ga sovura rogo agu arago dunduko mo ka ndu ku rogo ho.”