Read zande Yeremaya 47 Bible Online

Yeremaya 47 - zande bible

Yeremaya 47

¹Sangba Yekova nga gu naaye koyo du Yeremaya ni nangia nebi tipa aFereseto, mbata Faro nikamanga Gaza.

²“Ya Yekova wẽ: Mo ngére, aime nahi nodiyo, si aye ki fu wa bagitaime; si afú ku ri ringara na ku ri agu ahe dunduko du rogo ringara, ku ri bakporo na ku ri agu yo naraka rogo ho. Akumba akpára ku ari, aboro dunduko naraka rogo gu ringara re ayóra wawa.

³Ti woro doka sukutu gako abaafarasi, ti woro gbada gako angbagidavura, ti pakada woro nduhe, abaagude angera nga ku giiyo yo fuo awiriyo te, mbiko beyo arungbura,

⁴bambiko gu uru nikaye ka gbarasa aFereseto dunduko, ka roga agu amounda ku sa yo dunduko nanye fu Tura na Sidona. Bambiko Yekova nagbarasa aFereseto, gu yangara yo du pangba baime Kafatora yo.

⁵Kpatakpa kuru ku Gaza yo, Asekerona nyasi. Ako yangara aboro ngboongboorago yo, rago agíza waĩ oni nidewe tironi?

⁶Ako mo nga basape nga ga Yeko va! Rago agíza waĩ daho mo ka du ni zezeredi? Mo sóro tiro ku fuka yo, mo óngodi ki ru zaa!

⁷Waĩ ka si du zezeredi, ho Yekova narugu he ni si mangi sunge? Kuti Asekerona na kuti agango baime ringbisi ko ho.”