Read zande Yezekere 15 Bible Online

Yezekere 15 - zande bible

Yezekere 15

¹Sangba Yekova ki ye kono du mi ni ki ya:

²“Wiri boro, gu ngua nga bakakue nawira pa susa gu kura angua waĩ? nga be bakakue du dagba angua bire yo.

³I nide ngua ti ni ka manga he na ni? Aboro nade ngorã ti ni ka asa úsunge ti ni?

⁴Mo ngére, i ba ha ku we yo ni nyake; ho we nikarita amburuhe ni ue, bebere he ki riti, ka i mangi he na ni?

⁵Mo ngére, ho si adu ni na baha, i amanga nga he na ni te; waĩ rengbe yo ka manga he na ni ho riti we he ni si ki digi?

⁶Si du ya Gbia MBORI wẽ: Wa du pa ngua bakakue dagba angua bire yo, nga gu fu mi ni nyake sa we, wo mi ka fu araki Yerusarema yo du

⁷Mi ki zingi kuu yo; ka i vura merã be we, we nikarita yo; mo ki ini ya, mi nga Yekova, ho mi ka sa kpakpure ni kuti yo.

⁸Mi ki sa ringara ni vurubate, bambiko i agu auru ndika, wo poi Gbia MBORI.”