Read zande Yezekere 19 Bible Online

Yezekere 19 - zande bible

Yezekere 19

¹Na mo, mo tóna bi biakpe tipa abazogo aYisaraere,

²ki ya: Naroni adu wa nabahu dagba abahu yo! Ri api dagba paranga abahu, nimbu ti awiriri.

³Ri ki mbu ti wiriri sa; ko ki sa tiko ni paranga bahu, ko ki wiriki pa zia umozi; ko ariti aboro.

⁴Arikaaboro ki ta tatangba ku ri ko; ko ki ti ku rogo gayo due yo; i ki gbe ko yo na akombe ku ringara Ezipeta yo.

⁵Ho ri abi he ni ya ri asungu vuru, ya gari maabangirise guari, ri ki di kura wiriri dagba yo yo, ki sa ko ni paranga bahu.

⁶Ko ki nipita dagba abahu; ko ki sa tiko ni paranga bahu, ko ki wiriki pa zia umozi; ko ariti aboro.

⁷Ko ki gbarasi gayo nyanyaki aba, ki sa gayo abaakporo ni ngbi ugure; ringara ki du ni ku he na agu ahe dunduko naadu rogo ho be woro gako paa.

⁸Si du arikaaboro are gbina tipa ko ti papara arago dunduko; i ki re gayo pio tipa ko; ko ki ti ku rogo gayo due yo.

⁹I ki ba ko ti kombe ku kisikisi rago yo, ki ye na ko koyo du bakindo aBabero ni; ki ye na Ko ku babanda bambukisa yo, ya ka i gi nga fugoko berewe ri ga aYisaraere abaagangara yo ya.

¹⁰Naroni adu wa bakakue rogo ati bakakue yo i nirú he pangba ime yo; ni zukuzuku he zoozoo na yakpiriyakpiri abehe ti ni bambiko ime adu yo kpaima.

¹¹Nyanyaki dindaha asa tihe ni ga bafurugute ngau; si adu ni bagbanga ha dagba agu agbangagbanga wikowiko be angua; i abi he na pa bagizaha na badungu abehe ti ni.

¹²Ono i amo bakakue rogo ngariangaria zinga, ki ba ha ku sande; yuge naye uroyo ki ugusi he du; zuzuhe ki gboroka ku sande, nyanyaki dindaha ki ugu; we ki riti he.

¹³I ki gbisi he tie ku ngbakungba yo, ku rogo ngbi ugure adu nga na ime rogo ho ya.

¹⁴We ki kuru ti dindaha ki riti abehe na zuzuhe, si du ka nyanyaki dindaha anye nga ya, ka ngau adu nga fu bafurugute a ya. Gere nga biakpe, si ki sa tihe ni biakpe.