Read zande Yezekere 2 Bible Online

Yezekere 2 - zande bible

Yezekere 2

¹Ko ki ya fere, “Wiri boro, mo rú ku ari ngba nduro, mi ki fura na mo.”

²Ho ko agumba pai ni fere, Toro ki rimi ku kpotore yo ki rugu re ngba ndure; mi ki gi fugoko ko nigumba pai fere.

³Ko ki ya fere, “Wiri boro, mi kedi ro koyo du awiri aYisaraere ni, koyo du rikaaboro samungu ni, naasa mungu kuti re; i na abayo agu auru gi ndika ki da ku areme.

⁴I nga aboro zanga zee ki du na nyakari a: mi kedi ro koyo du yo ni; mo yá fu yo, ‘Ya Gbia MBORI wẽ.’

⁵Watadu i agia ha na watadu i aka pa gia ha, bambiko i nga ngbatunga asamungu, i aina ha ya nebi adu dagba yo yo.

⁶Mo, wiri horo, ka mo gúnde nga be yo ya, ka mo gúnde nga be gayo apai a ya, ka akiwe vura ka rúpa ro na anguruza mo ki sungu auru angerembia; ka mo gúnde nga be gayo apai ya, ka mo ayúngura nga be ngera yo a ya, bambiko i nga ngbatunga asamungu.

⁷Mo ki gumba gimi apai fu yo, watadu i agia ha watadu i aka pa gia ha; bambiko i nga ngbatunga asamungu.

⁸“Ono mo, wiri boro, mo gí gu pai gumba mi foro; ka mo aú nga ni boro samungu wa gu ngbatunga asamungu re ya; mo zá ngbaro, ki ri gu he mi nikafu foro.”

⁹Ho mi angere ni, mo ngere, be ki taĩ tihe kono du mi ni, mo ngére, kaĩkaĩ waragana kekepai ti ni adu rogo ho yo;

¹⁰ko ki gbaragi he ku bara bangire; si ki du na kekepai ti kpakpuhe na ku giihe yo a, kekeapai ki du ti ni nga biakpe na kpenunga na kperungo a.