Read zande Yezekere 23 Bible Online

Yezekere 23 - zande bible

Yezekere 23

¹Sangba Yekova ki ye kono du mi ni niya:

²“Wiri boro, ade adu ho ue, ni awiri de sa;

³i anamanga pai ni sino pa bari Ezipeta yo; i amangi pa bari gbe ti rago parangayo; yo i afio mamuyo ni, i azapu gayo ungasu de.

⁴Rimo unvuru ki ngia Ora, rimo tame ki ngia Oriba. I adu ni gimi yo, i ki nivungu akumbagude na adegude. Ono tipa rimoyo, Ora nga Somorona, Oriba ki ngia Yerusarema.

⁵“Ora namangi bari ho ri adu ni ni gimi ri; ri ki kpi nyemu akpinyemuri nangia aAsuro,

⁶naukadi ngungungu roko, abarutirivura na abanyaki, i dunduko nangia wene paranga akumba, ni abanduri afarasi nandu ri afarasi.

⁷Ri ki mangi pai ni sino pa bari na yo, gu siasia aboro nga ga aAsuro yo dunduko; ri ki birikosi tiri na agu akpiaahe dunduko nga ga agu aboro ri akpi nyemu yo.

⁸Ri ambu nga gari pa bari nga gu ri anamanga ha ho ri adu ni Ezipeta yo te; bambiko ti rago parangari akumba anara na ri ki zapu mamuri ki uka gayo pa bari kuti ri.

⁹Si du mi akusi ri ku be akpinyemuri, ku be aAsuro, nangia agu yo ri akpi nyemu yo.

¹⁰Agi yo re nauru kundiri ri; i ki zi awiriri nga akumbagude na adegude; i ki imi ri tigari na basape; rimori ki wo dagba ade, ho i asari ngbanga ni kuti ri.

¹¹“Tameri nangia Oriba abi gere, ono ri awasi tiri gbe ki susi ri rogo nyemuse na gari mangapai ni sino pa bari, nga gu nadu ni gbegberẽ he ti ga unvuruari.

¹²Ri akpi nyemu aAsuro, abarutirivura na abanyaki, naukadi tiyo ni anvura gbe, abanduri afarasi nandu ri afarasi, i dunduko nangia wene paranga akumba.

¹³Mi ki bi he ya ri adu ni birikosibirikosi ri; i ue andu ngba gu gene sa.

¹⁴Ono ri andu na gari mangapai ni sino pa bari kindi ku mbata yo; ri abi akumba i ake kpiayo ti vuro bambu, kpia aKasado i ake ni zamba rangi,

¹⁵navodi tiyo na gire dimoyo, na kaĩkaĩ roko ti riyo na arangi akia, i dunduko awiri abaira abanzengere, ni kpia aboro Babera, gayo ringara nangia Kasada.

¹⁶Ho ri abi yo ni ri ki kpi nyemu yo, ki kedi asunge koyo du yo ni ku Kasada yo.

¹⁷Aboro Babera ki ye koyo du ri ni ku auru ba nyemuse, i ki birikosi ri na gayo bari; fuo gbarasa yo ri, ri ki sa tiri ti yo ki kparaka na yo.

¹⁸Ho ri andu ni na gari mangapai ni sino pa bari gbayaga kindi ki yugu kundiri ri, mi akpara na ri, wa mi akparaka na unvuruari.

¹⁹Ono ri akiisi pa gari pa bari kindi, nitíngidi pa rago parangari, ho ri anamanga bari ni rogo ringara Ezipeta

²⁰ki nikpi nyemu abadiari yo, nga agu yo pavo adu wa ga abaadongi, gari nyemuse adu wa ga afarasi.

²¹Si du mo akpi nyemu gu wasiwasi pai nga ga parangaro, ho aEzipeto afio mamuro ni ki zapu gamo úngasu de.”

²²Ako Oriba, si du ya Gbia MBORI wẽ: “Mo ngére, mi azíngisa akpinyemuro kuti ro nga agu yo sa mo tiro ti yo ki nikparaka na yo, mi ki ye na yo kuti ro ti papara arago dunduko

²³nga aboro Babera na aKasado dunduko, Pekode na Soa na Koa, na aAsuro na yo dunduko, na wene paranga akumba, abarutirivura na abanyaki na abanzengere na abarugupai, i dunduko nandu ri afarasi.

²⁴I ki ye kuti ro pavururago ku uroyo na angbagidavura na angbagida tindaahe na rimbasa aboro; i are tiyo sa ro ti papara arago dunduko, na bakikii vurakube, na vurakube, na kpakpari marã, mi aásia pa sarangbanga fu yo, i ki sari ngbanga ro kuti sangba gayo asarangbanga.

²⁵Mi ki yugu gi deringo kuti ro, ya i ka manga ro na ngariangaria zinga. I ayépa ngba õroni na turoni, gamo yangara aboro akpíka be basape. I azía awiro nga akumbagude na adegude, gamo yangara aboro anyása be we.

²⁶Iaúragamo aroko ti ro ki rogo gamo ba wene afongo.

²⁷Were mi ka digisa ga wasiwasi pai na ga pa bari mo aye na ni ringara Ezipeta yo; ya ka mo amáa nga bangiro ti afezipeto ya; watadu tingida pa yo berewe a ya.

²⁸Bambikoya Gbia MBORI wẽ: Mo ngére, mi akúsa ro ku be agu yo mo nasoga yo, ku be agu yo mo nasa tiro ti yo ki kpara na yo;

²⁹i ki mangi pai kuti ro ni sogote, ki rogo zuzu gamo asunge dunduko, ki mbu ro ni kundiri ro ni ku ro, gu kundirise nga ga ga mangapai ni sino pa bari adú zanga dada ha. Ga wasiwasi pai na ga pa ban

³⁰ye na gere ku ri ro, bambiko mo amangi pai ni sino pa bari na arikaaboro, ki birikosi tiro na gayo kpiaahe.

³¹Wa mo andu ngba ga unvuruamo gene; si du mi afu gari inga ku be ro.

³²Ya Gbia MBORI wẽ: “Mo ambira he ti ngba ga unvuruamo nga nga gu du ni dudungura ha ni babakere he; i amóma ro ti ni ki moi ro ba mongo, bambiko he rogo ho gbe;

³³mo ahí be kpi imekakue na rungo. Inga gbudagbuda na kiga, wo du gu inga nga ga unvuruamo nga Somorona;

³⁴mo ambíra he ti ngbaha ki nyoto ho du, ki nimo mangeriro, nisipi mamuro; bambiko mi gumba ha, wo poi Gbia MBORI.

³⁵Si du ya Gbia MBORI wẽ: Bambiko bangiro go ti re, mo ki ba re ku giiro yo, si du mo ka kpida pa gamo wasiwasi pai na pa ga manga pai ni sino pa bari ti ni.”

³⁶Yekova ki ya fere: “Wiri boro, mo asára ngbanga Ora na Oriba? Si du mo táki pande gayo kere gbegberẽ mangaapai fu yo.

³⁷Bambiko i mangi pai ni sino pa bari, kure ki du ti beyo; i mangi pai ni sino pa bari na gayo kpiaahe; i ki tumo na agu awiriyo i avungu yo fere ni riahe fu he.

³⁸Ku ri gere, i mangi gi fere re: i abirikosi gi kparakpara ziazia ba ni kina gu uru re ki gbarasi gimi arago sabiti a.

³⁹Bambiko ni gu rago i aimo awiriyo ni motumo fu gayo kpiaahe, ti kina gu uru re i aye ku rogo gi kparakpara ziazia ba yo ka gbarasa ha. Mo ngére, gere nga gu pai i amangi rogo gi bambu.

⁴⁰1 akedi sunge a tipa aboro tuturu i ye fuo agu yo i akedi bamokedi fuo yo, mo ngére, i aye. Mo azundu tiro tipa yo, ki mbedi bangiro ni arangi, ki fongo tiro na aufongo;

⁴¹mo ki sungu ri kpanga irisa, mbisa ki du barangba ha nga gu moi mo gi fuõngua ri he na gi nzeme.

⁴²Woro ruguzuruguzu rimbasa adu na ri; i aye na akpiimekakue na rimbasa azogo ngbakungba yo; i ki momoi abenge ku be ade yo, na ba wene akpakpari nakindo ku riyo yo.

⁴³“Mi ki ya, Ati akumba namanga bari ho i namanga pai ni ni sino pa bari na ri, te?

⁴⁴Bambiko i rimi koyo du ri ni, wa aboro narima fuo debari. Wo i arima fuo Ora na Oriba ka manga wasiwasi pai na yo.

⁴⁵Ono ruru aboro, asára ngbanga yo na gu mbusa nga ga adebari, na gu mbusa nga ga ade nga agu yo nauka kure; bambiko i nga adebari, kure ki du ti beyo.”

⁴⁶Bambiko ya Gbia MBORI wẽ: “Mi aye na rimoasa agu auoro kun yo, ki rnangi yo i oro ku bani na ku bani ki du ni umozi.

⁴⁷Rimbasa agu aboro asópa yo ni ambia ki dewe yo ku sande na gayo abaasape; i aimo awiriyo nga akumba na ade a, ki zokodi gayo abambu.

⁴⁸Were mi ka digisa wasiwasi pai rogo ringara, ya i fugu he fu ade dunduko ka i mangi nga wasiwasi pai wa mangi oni he ya.

⁴⁹Gaoni wasiwasi pai ki du kina ku ri roni, oni ki kpidi pa gu mbusa du tipa gaoni irisa kpiaahe nga ingapai; oni ki ini he ya mi nga Gbia MBORI.”