Read zande Yezekere 42 Bible Online

Yezekere 42 - zande bible

Yezekere 42

¹Ni ki ngbe fere ku mbata yo ku zegi yo ku rogo gu vurukporo du ku zegi yo, bara ku nodiyo, ni ki ye na mi ku avuru bambu yo nadu barangba vurukporo yekaru na barangba gu bambu du ku nodi yo.

²Bagiza gu bambu re nadu ku nodiyo adu wa bagiza mbiribe 100, patihe ki du wa bagiza mbiribe 50.

³Tangaratangara avuru bambu gbia kuti kura tangaratangara ha ni kparakakparaka agene biata adu ni zunguzungu he na gu ue dagba rago adu wa bagiza mbiribe 20 du ti gu vurukporo du dimoyo, nasa kpakpuhe sa gene kpakakpaka ambia du vurukporo ku zegi yo.

⁴Gene adu barangba avuru bambu ku dimoyo, patihe ki du wa bagiza mbiribe bawe, bagizaha ki du wa bagiza mbiribe 100, angbadimoho adu ku nodiyo.

⁵Were agu avuruhe nadu ku ari adu ni umba ha ti kura ha, bambiko tangaratangara avuruhe adi ba susi ti gu bambata ha na gu vuruhe du bebere he yo.

⁶Bambiko si adu ni kparakakparaka ha rogo ho biata, si adu nga na adangba wa gu vurukporo du ku zegi yo te; si du agu avuru bambu nadu ku ari si adu ni gbisigbisi he ku gii he susi gu bambata ha na gu du bebere he yo.

⁷Vuro bambu adu ku zegi yo nandu nzunzu sa avuru bambu, koyo du vurukporo ni ku zegi yo, si adu barangba avuru bambu, bagizaha adu wa bagiza mbiribe 50.

⁸Bambiko bagiza agu avuru bambu nadu ku vurukporo yo adu wa bagiza mbiribe 50, na bagiza agu avuruhe nadu barangba yekaru adu wa bagiza mbiribe 100.

⁹Barima adu tii agi avuru bambu yo re bara ku uroyo, ho boro narima ni ti gu vurukporo du ku zegi yo,

¹⁰yo tona vuroho ni ku zegi yo. Avuru bambu adu ku sudiyo, barangba vurukporo na barangba bambu,

¹¹na gene barangba ha; si adu wa sa na agu avuru bambu nadu ku nodiyo, bagizaha ki du wa sa na patihe, abakura adu ti ni wa sa na ga gu, na apaha na angbadimo a.

¹²Barima adu ku uroyo tii avuru bambu yo nadu ku sudiyo, yo boro narima ni ti gu gene, kparakakparaka vurobambu adu barangba ha.

¹³Ni ki ya fere, “Agu avuru bambu du ku nodiyo, na agu avuru bambu du ku sudiyo barangba vurukporo adu ni kparakpara abambu, yo agu aboromotumo nambeda na Yekova ka ri agu amotumo ni du ni ziazia ha susi; yo i ka maa agu amotumo ni du ni ziazia ha susi nga motumo riahe, motumo ingapai, na motumo tiandika, bambiko gu ba re du ni kparakpara ha ziazia.

¹⁴Ho aboromotumo nirimi ni ku kparakpara ziazia ba yo, i anikuru nga ku zegi yo vurukporo yo zanga mbu agu aroko i namanga sunge na ni dimo yo te, bambiko si nga kparakpara ahe; i aniukadi tiyo na kura roko kia mbata i nikandu mbembedi sa agu ahe du tipa aboro.”

¹⁵Were ho ni anyasi ringbisa pa ndikidi vuru gu rago nga ga yekaru ni, ni ki kuru na mi ngba gu ngbadimo nasa kpakpuhe ku uroyo, ki ringbisi gu rago nga ga yekaru zegi kirikiri.

¹⁶Ni ki ringbisi gu pavuruhe du ku uroyo na nganzi ringbisahe, si ki du wa bagiza mbiribe 500 ni nganzi ringbisahe.

¹⁷Ni ki sa tini ki ringbisi pavuruhe ku nodiyo, si ki du wa bagiza mbiribe 500 ni nganzi ringbisahe.

¹⁸Ni ki sa tini ki ringbisi pavuruhe ku sudiyo, si ki du wa bagiza mbiribe 500 ni nganzi ringbisahe.

¹⁹Ni ki sa tini ku dioyo ki ringbisi he, si ki du wa bagiza mbiribe 500 ni nganzi ringbisahe.

²⁰Ni aringbisi he ti agu apavuruhe biama. Si adu na ngapa kirikiri pati he, bagiza ha adu wa bagiza mbiribe 500, patihe ki du wa bagiza mbiribe 500, ngapa akparaka dagba kparakpara ba na kungba ba.