Read zande Osea 8 Bible Online

Osea 8 - zande bible

Osea 8

¹Mo mói nambongo ti ngbaro, bambiko dingimo nayanga ri ga Yekova bambu yo, bambiko i gu auru gi mokido, ki ingi ti gi rugute.

²I nakpara fere ki ya, Gaani Mbori, ani nga aYisaraere ani ini ro.

³AYisaraere bafu wenepai ti yo ku sa yo; avurayo adó yo.

⁴1 amoi abakindo, ono be re te. I amoi abazogo, zanga ina mi pa yo. I mangi kpiaahe rogo gayo feda na gayo dahabu sa gbarasa tiyo na ni.

⁵Ako Somorona, mi ba gaoni wiri bagara ku sa yo. Gi zinga narunguda kuti yo. Rago adú waĩ mbata i nikadu ni ruru yo ringara Yisaraere yo?

⁶Bamangi sunge naamangi he; Mbori nga ha te. Ga Somorona wiri bagara akúadi rukutu.

⁷Bambiko wa rú yo yuge, i aké kina bakamikami yuge. Vodivodi katakpa zende ahe adu nga na ri he ti ni ya, ngungoho adú nga ti ni a te; ka si ima zu, akare ima rita ha.

⁸I mbiri aYisaraere du; i ima da ku dagba arikaaboro yo wa pere gira.

⁹Bambiko i ndu ku Asura yo, wa gu dongi nvuo nata ni sa ru; Efuraima ngbe akpinyemuko.

¹⁰Ka i vura ngbe aboro tipa yo dagba arikaaboro yo vuru, mi adúngura yo ni ngarã. I ki sungu ngbutuko zanga bakindo na abazogo.

¹¹Bambiko wa Efuraima nangeesi abamotumo tipa manga ingapai, si sa tihe fu ko ni abamotumo tipa manga ingapai a.

¹²Ka mi avura ke gimi arugute fu ko wa akutu bawe, ko aberã pa ha wa kina kungba pai.

¹³I nakpi nyemu fu motumo; i natumo na pasio ki niri he; ono rago angba nga ti Yekova be he te. Ko atingida gayo irairapai awere, ki mbusi yo tipa gayo ingaapai; i akaraga tiyo berewe ku Ezipeta yo.

¹⁴Bambiko bangiri Yisaraere go ti Bamangiko; ko adua abambu bakindo; Yuda ki ngeesi abaakporo ngapa; ono mi akéda we ku ri gako abaakporo, si ki riti gako nyanyaki aba.