Read zande Amosa 6 Bible Online

Amosa 6 - zande bible

Amosa 6

¹“Na gberẽ he fu agu yo du zezeredi Siona yo, na fu agu yo nakida kuti bagangara Somorona tipa zereda, nga agu abaworimo nga ga bambata arikaaboro, nga agu yo aboro aYisaraere naye koyo du yo ni!

²Oni súsi ku Karene yo, ka bi nga; oni ki guari yo ki kuru ku Amata yo gu bakere bakporo; oni ki ndu ku Gata yo nga ga aFereseto bakporo. I ngba susi ti agi angbi re? Watadu gayo bangbandarago kii ti gaoni bangbandarago,

³Ako agu roni nasa gbigbita uru ku sa yo tuturu, ki mbedisi kina rago zuu.

⁴“Na gberẽ he fu agu yo piki auru abarame mbakadi yo ho ni rindi mbarã, ki nitaĩ tiyo ri gayo akpanga, ki niri wiri akandoro dagba rimbasara, na wiri abagara dagba agu ra du bambura yo;

⁵nabi mumungo abia kuti woro ngbangbari, ki nikpi nyemu sanga auworo he ni tiyo wa Dawidi;

⁶nga agu yo nambira imekakue rogo abadungu yo, ki nimbedi tiyo ni bawene fuõ anzeme; ono i arungo nga tipa gu gberãngbi nga ga Yosefa te!

⁷Si du i nikadu awere ni gu bambata yo ka ndu ni zizi yo, gu tatangba nga ga agu yo nataã tiyo anyasa.”

⁸Gbia MBORI zunga he ni tiko wo poi Yekova, nga Mbori nga ga arimbasa ko: “Mi payasi pa gu ruka nga ga Yakoba, ki sogo gako nyanyaki abaagbata; mi akúsa bakporo na agu yo dunduko du rogo ho.”

⁹Ka aboro nye bawe rogo bambu sa, i akpí akpi.

¹⁰Ho gume boro andu ni ka kusa amemeni dimoyo ku zegi yo, nga gu ni nazo ni, ni ki sana gu ni du rogo tukpu vuro bambu dimoyo, “Kura boro yo du mo ni?” ni ki karaga ha ki ya, “Oó”; ni ki ya, “Osimo! ka ani yámbu nga rimo Yekova ya.”

¹¹Bambiko oni ngére, Yekova naruga bakere bambu adú ni kuadikuadi he, na toni bambu ki kuadi mbusumbusu.

¹²Ka afarasi oro ri ambia? Ka boro sopo baime na abaabagara? Ono oni nasa ruru sarangbanga ni kere ngua na zuzu rurupai ni hihi ngua,

¹³agu roni nangi rogo kungba pai, naya, “Ani adia nga Karanaima fu rani be gaani ome te?”

¹⁴“Bambiko oni ngére, Ako aboro aYisaraere, mi azíngisa rikaaboro kuti roni, i ki mbusi roni ti barima ku Amata yo dati gu Wiridi du Araba yo,” wo poi Yekova, nga Mbori nga ga arimbasa ko.