Read zande Pa Geda Aboro 1 Bible Online

Pa Geda Aboro 1 - zande bible

Pa Geda Aboro 1

¹Yekova ki gumba pai fu Mose ngbakungba Sinai yo, rogo bamburoko dungurati, ti bambata uru nga ga ue diwi, rogo ue garã fuo kura yo ringara Ezipeta yo, ki ya,

²“Oni gédi bange rimbasa awiri aYisaraere dunduko, na rikayo wa du yo ku abayo, kuti gedigedi rimoyo, akumba ni ba sa sa;

³tona ti agu yo du garãyo 20 ka ndu ku mbata yo, agu yo dagba aYisaraere rengbe ka ndu sa sovura, mo na Arona agéda yo wa du yo ni rimbasa aborosovura ngba rikayo.

⁴Ono tipa ro aboro adú na mo sa dagba angbatungayo yo, boro sa ni ri ga bani kporo.

⁵Gere nga rimo agu aboro nikadu na mo nga ga Rubena yo, Erisura wiri Sedeura;

⁶ga Simona, Serumiere wiri Surisadai;

⁷ga Yuda, Nasona wiri Aminadaba;

⁸ga Yisasakara, Netanere wiri Sua;

⁹ga Zeburuna, Eriaba wiri Erono;

¹⁰dagba awiri Yosefa yo, ga Efuraima, Erisama wiri Amiuda, ga Manase, Gamariere wiri Pedasura;

¹¹ga Benyamina, Abidana wiri Gidoni;

¹²ga Dana, Aiyezere wiri Amisadai;

¹³ga Asera, Pagiere wiri Okerana;

¹⁴ga Gada, Eriyasafa wiri Ruere;

¹⁵ga Nafatari, Aira wiri Enana.”

¹⁶Agi yo re i asia yo rogo rimbasa yo nangia agu abazogo nga ga ngbatunga abayo, i nadu ku ri agu arimbasa nangia ga aYisaraere.

¹⁷AMose na Arona ki rogo agi aboro i akusi rimoyo re,

¹⁸ki dungura rimbasa gayo gbuu sa ti bambata uru nga ga ue diwi, i ki yugu angbatungayo wa i aenge na rikayo, na ku abayo, kuti gedigedi rimo aboro, tona ti agu yo du garãyo 20 ka ndu ku mbata yo, wa du pa aboro ni ba sa sa,

¹⁹a wa Yekova arugu Mose na ni. Si du ko agedi yo ti ni ngbakungba Sinai yo.

²⁰Dagba awiri Rubena yo, nga bambata wiri Yisaraere, i agedi yo ni angbatungayo, na arikayo, na ku abayo, kuti gedigedi rimoyo, ni ba sa sa, akumba dunduko tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

²¹agu yo i agedi yo dagba ngbatunga Rubena, i adu wa aboro 46,500.

²²Dagba awiri Simona yo i agedi yo ti angbatungayo na arikayo, na ku abayo, kuti gedigedi rimoyo ni ba sa sa, akumba dunduko tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

²³agu yo i agedi yo dagba ngbatunga Simona, i adu wa aboro 59,300.

²⁴Dagba awiri Gada yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

²⁵agu yo i agedi yo dagba ngbatunga Gada, i adu wa aboro 45,650.

²⁶Dagba awiri Yuda yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

²⁷agu yo i agedi yo dagba ngbatunga Yuda, i adu wa aboro 74,600.

²⁸Dagba awiri Yisasakara yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

²⁹agu yo i agedi yo dagba ngbatunga Yisasakara, i adu wa aboro 54,400.

³⁰Dagba awiri Zeburuna yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

³¹agu yo i agedi yo dagba ngbatunga Zeburuna, i adu wa aboro 57,400.

³²Dagba awiri Yosefa yo, dagba agu awiri Efuraima i agedi yo, ti angbatungayo, na arikayo, na ku abayo, kuti gedigedi rimoyo, tona ti agu yo du garayo 20 na ka ndu ku mbata yo, nga agu yo dunduko rengbe ka ndu sa vura:

³³agu yo i agedi yo dagba ngbatunga Efuraima, i adu wa aboro 40,500.

³⁴Dagba awiri Manase yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

³⁵agu yo i agedi yo dagba ngbatunga Manase, i adu wa aboro 32,200.

³⁶Dagba awiri Benyamina yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

³⁷agu yo i agedi yo dagba ngbatunga Benyamina, i adu wa aboro 35,400.

³⁸Dagba awiri Dana yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

³⁹agu yo i agedi yo dagba ngbatunga Dana, i adu wa aboro 62,700.

⁴⁰Dagba awiri Asera yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

⁴¹agu yo i agedi yo dagba ngbatunga Asera, i adu wa aboro 41,500.

⁴²Dagba awiri Nafatari yo, i agedi yo ti angbatungayo, na arikayo, na ku abayo, kuti gedigedi rimoyo, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura:

⁴³agu yo i agedi yo dagba ngbatunga Nafatari, i adu wa aboro 53,400.

⁴⁴Agi aboro re nga agu yo i agedi yo, aMose na Arona agedi yo, wa sa na agu abazogo nangia ga aYisaraere yo, nadu wa aboro 12, i adu ni ba sa sa ku ri ga abayo kporo.

⁴⁵Si du agu yo i agedi yo dagba awiri aYisaraere yo, wa ku abayo adu, tona ti agu yo du garãyo 20 na ka ndu ku mbata yo, nga agu yo dunduko rengbe ka ndu sa vura dagba aYisaraere―

⁴⁶agu yo i agedi yo dunduko adu wa aboro 603,550.

⁴⁷Ono i ageda nga aRevi wa du ngbatunga abayo ku dagba yo yo te

⁴⁸Bambiko Yekova agumba ha fu Mose, ki ya,

⁴⁹“Kina ngbatunga Revi mo ka agéda nga ha ya, mo adúngura nga yo ku dagba gedigedi awiri aYisaraere yo a te;

⁵⁰ono mo ríngbisi aRevi tipa gu banye nga ga dezirepai, na ku ri agu ahe dunduko nga gaha, na agu apai dunduko du tipa ha; i nikatinda banye tigayo, na agu ahe dunduko nga gaha, i amánga sunge he a, i adúa gayo bamburoko pati he kirikiri.

⁵¹Ho i ka niguari ni ka ndu na banye, aRevi nikazaka ha; ho i ka nidua banye ni, kina aRevi ki nidua ha a. Gu kungba boro nikaniye ku pati he mbembedi, i ki niimi ni aimo.

⁵²Awiri aYisaraere ki nidudua gayo abamburoko, aboro ni ba sa sa kina rogo gayo bataya, wa du gayo arika ni ba sa sa, kina ho gayo bendere ka nidu ni;

⁵³ono kina aRevi nikanidudua gayo abamburoko kirikiri pati banye nga ga dezirepai, ya ka zinga du nga ku ri gu rimbasa nga ga awiri aYisaraere ya; ono aRevi nikaruga pa banda banye nga ga dezirepai.”

⁵⁴Were awiri aYisaraere amangi; kuti agu apai dunduko Yekova arugu Mose na ni, wo i amangi he.