Read zande Pa Geda Aboro 2 Bible Online

Pa Geda Aboro 2 - zande bible

Pa Geda Aboro 2

¹Yekova ki ya fu aMose na Arona,

²“Awiri aYisaraere dunduko adúdua gayo abamburoko wa du gayo arika ni ba sa sa, na gu bendere nga ga ga abayo akporo; i adúdua gayo abamburoko kirikiri sa kpakpuhe sa bamburoko dungurati.

³Agu yo ka dudua gayo abamburoko ku uroyo, yo uru naakura ni, i nikadu nga gu rika nga ga gu bataya nga ga Yuda, wa du pa gayo arimbasa aborosovura. Gu bazogo nga ga awiri Yuda nikangia Nasona wiri Aminadaba,

⁴gako rimbasa i agedi yo dagba yo nadu wa aboro 74,600.

⁵Gu kura yo ka dua gayo pati ko nikangia ngbatunga Yisasakara, gu bazogo nga ga awiri Yisasakara nikangia Natanaere wiri Sua,

⁶gako rimbasa i agedi yo dagba yo, nadu wa aboro 54,400.

⁷Fuo yo ngbatunga Zeburuna ki du, gu bazogo nga ga awiri Zeburuna nikangia Eriaba wiri Erono,

⁸gako rimbasa i agedi yo dagba yo nadu wa aboro 57,400.

⁹Agu yo dunduko i agedi yo rogo gu bataya nga ga Yuda adu wa aboro 186,400, wa du pa gayo arimbasa aborosovura. I nikangbe ku mbata yo fu yo.

¹⁰“Ku sudiyo gu rika nga ga Rubena bataya nikadu ku ho ni, wa du pa gayo arimbasa aborosovura, gu bazogo nga ga awiri Rubena nikangia Erisura wiri Sedeura,

¹¹gako rimbasa i agedi yo dagba yo nadu wa aboro 46,500.

¹²Agu yo nikadua gayo pati ko nikangia ngbatunga Simona, gu bazogo nga ga awiri Simona nikangia Sarumiere wiri Surisadai,

¹³gako rimbasa i agedi yo dagba yo nadu wa aboro 59,300.

¹⁴Fuo yo ngbatunga Gada ki du, gu bazogo nga ga awiri Gada nikangia Ereyasafa wiri Ruere,

¹⁵gako rimbasa i agedi yo dagba yo nadu wa aboro 45,650.

¹⁶Agu yo dunduko i agedi yo rogo ga Rubena bataya adu wa aboro 151,450, wa du pa gayo arimbasa aborosovura. I nikandu ni ue aboro.

¹⁷“Fuo agu yo re bamburoko dungurati ni ngbe fuo yo, na gu bataya nga ga aRevi bebere abataya yo; wa i nasunga rogo gayo abataya, kina wo i ka ndu ku mbata yo, aboro kina rogo gayo aba ni ba sa sa, wa du pa ga arikayo bendere.

¹⁸“Ku dioyo gu rika nga ga gu bataya nga ga Efuraima nikadu ku ho ni, wa du pa gayo arimbasa aborosovura, gu bazogo nga ga awiri Efuraima nikangia Erisama wiri Amiuda,

¹⁹gako rimbasa i agedi yo dagba yo, nadu wa aboro 40,500.

²⁰Gu kura yo nikadu fuo Efuraima nikangia ngbatunga Manase, gu bazogo nga ga awiri Manase nikangia Gamariere wiri Pedasura,

²¹gako rimbasa i agedi yo dagba yo, i adu wa aboro 32,200.

²²Fuo yo ngbatunga Benyamina ki du, gu bazogo nga ga awiri Benyamina nikangia Abidana wiri Gidoni,

²³gako rimbasa i agedi yo dagba yo, nadu wa aboro 35,400.

²⁴Agu yo dunduko i agedi yo rogo gu bataya nangia ga Efuraima adu wa aboro 108,100 wa du pa gayo arimbasa aborosovura. I nikandu ni biata aboro.

²⁵“Ku nodiyo gu rika bataya nikadu ku ho ni nga ga Dana wa du pa gayo arimbasa aborosovura, gu bazogo nga ga awiri Dana nikangia Aiyezere wiri Amisadai,

²⁶gako rimbasa i agedi yo dagba yo, nadu wa aboro 62,700.

²⁷Agu yo nikadua gayo bataya pati ko nikangia ngbatunga Asera, gu bazogo nga ga awir Asera nikangia Pagiere wiri Okerana,

²⁸gako rimbasa i agedi yo dagba yo adu wa aboro 41,500.

²⁹Fuo yo ngbatunga Nafatari ki du, gu bazogo nga ga awiri Nafatari nikangia Aira wiri Enana,

³⁰gako rimbasa i agedi yo dagba yo, nadu wa aboro 53,400.

³¹Agu yo i agedi yo rogo ga Dana bataya adu wa aboro 157,600. I nikandu ku mburu sa no wa du arika abendere.”

³²Agi yo re i agedi yo dagba awiri aYisaraere yo wa pa ku abayo adu; agu yo dunduko i agedi yo rogo abataya wa du pa gayo rimbasa aborosovura, i adu wa aboro 603,550.

³³Ono i ageda nga aRevi ku dagba awiri aYisaraere yo te, a wa Yekova arugu Mose na ni.

³⁴Were awiri aYisaraere amangi agu apai dunduko Yekova arugu Mose na ni, si du i ki dudua gayo abamburoko wa gayo arika adu, si du i ki guari ka ndu, aboro ni ba sa sa na kina rikayo, wa ku abayo adu.