Read zande Pa Geda Aboro 26 Bible Online

Pa Geda Aboro 26 - zande bible

Pa Geda Aboro 26

¹Si ki ta du wa gere fuo kaza gberãngbi. Yekova ki gumba pai fu Mose na fu Erazara wiri Arona boromotumo, ki ya,

²“Oni gédi oange awiri aYisaraere dunduko, du garãyo tona ti 20 na ka ndu ku mbata yo, wa du ku abayo, nga agu yo dunduko du ringara Yisaraere rengbe ka ndu sa vura.”

³AMose na Erazara boromotumo ki gumba pai fu yo rogo gu kpasakpasa arago du ringara aMoabo yo pangba Yaradene ku Yereo yo, ki ya,

⁴“Oni gédi bange aboro tona garãyo ti 20 na ka ndu ku mbata yo,” wa Yekova arugu Mose na ni. Agu awiri aYisaraere naakuru ringara Ezipeta yo angia agi yo re;

⁵Rubena, bambata wiri Yisaraere; awiri Rubena: Anoka ku ri rika aAnoka; Paru, ku ri rika aParu;

⁶Esorone ku ri rika aEsorone; Karumi ku ri rika aKarumi.

⁷Agi yo re nangia arika Rubena; i adu wa aboro 43,730.

⁸Awiri Paru nga Eriaba.

⁹Awiri Eriaba: Nemu-ere, Datana, na Abirama. Agi yo re nangia gu Datana na Abirama, i ayambu yo ku dagba rimbasa yo, nga agu yo nazingi kuti aMose na Arona rogo gu rika nangia ga Kora, ho i azingi ni kuti Yekova,

¹⁰sende ki za ngbaha ki mbiri yo du na Kora, ho gu rika akpi ni re, ni gu rago we ariti akumba 250; i ki du ni yuguyugupai.

¹¹Ono awiri Kora ni akumba akpika nga te.

¹²Awiri Simona wa du pa rikayo: Nemu-ere ku ri rika aNemu-ere; Yamima ku ri rika a Yamima; Yakina ku ri rika aYakina;

¹³Zera ku ri rika aZera; Saura ku ri rika aSaura.

¹⁴Agi yo re nangia arika aSimona, i adu wa aboro 22,200.

¹⁵Awiri Gada wa du pa rikayo: Sefona ku ri rika aSefona; Agi ku ri rika aAgi; Suni ku ri rika aSuni;

¹⁶Ozeni ku ri rika aOzeni; Eri ku ri rika aEri;

¹⁷Aroda ku ri rika aAroda; Areri ku ri rika aAreri.

¹⁸Agi yo re nangia arika awiri Gada kuti pa gedigedi yo i adu wa aboro 40,500.

¹⁹Awiri Yuda angia Ere na Onana; Ere na Onana akpiki kina ringara Kanana yo.

²⁰Awiri Yuda wa du pa rikayo: Sera ku ri rika aSera; Perese ku ri rika aPerese; Zera ku ri rika aZera.

²¹Awiri Perese: Eserone ku ri rika aEserone; Amura ku ri rika aAmura.

²²Agi yo re nangia arika Yuda kuti pa gedigedi yo i adu wa aboro 76,500.

²³Awiri Yisasakara, wa du pa rikayo: Tora ku ri rika aTora; Puva ku ri rika aPuna;

²⁴Yasuba ku ri rika aYasuba; Simerona ku ri rika aSimerona.

²⁵Agi yo re nangia arika Yisasakara kuti gedigedi yo i adu wa aboro 64,300.

²⁶Awiri Zeburuna wa du pa rikayo: Serede ku ri rika aSerede; Erone ku ri rika aErone; Yarere ku ri rika aYarere.

²⁷Agi yo re nangia arika aZeburuna kuti gedigedi yo i adu wa aboro 60,500.

²⁸Awiri Yosefa wa du pa rikayo: a Manase na Efuraima.

²⁹Awiri Manase: Makira ku ri rika aMakira; Makira ki batika Girada; Girada ku ri rika aGirada.

³⁰Agi yo re nangia awiri Girada: Iyezere ku ri rika aIyezere; Ereke ku ri rika aEreke;

³¹Asiriere ku ri rika aAsiriere; Sekeme ku ri rika aSekeme;

³²Semida ku ri rika aSemida; Efere ku ri rika aEfere.

³³Serofoda wiri Efere avunga nga kumbagude te, ono kina adegude: rimo awiri Serofada nangia ade angia Mara, Noa, Ogura, Mireka na Tirusa.

³⁴Agi yo re nangia arika Manase; i adu wa aboro 52,700.

³⁵Agi yo re nangia awiri Efuraima wa du pa rikayo: Sutera ku ri rika aSutera; Bekere ku ri rika aBekere; Tana ku ri rika aTana.

³⁶Agi yo re nangia awiri Setura: Erana ku ri rika aErana.

³⁷Agi yo re nangia arika awiri Efuraima kuti gedigedi yo i adu wa aboro 32,500. Agi yo re nangia awiri Yosefa wa pa rikayo adu.

³⁸Awiri Benyamina wa pa rikayo adu: Bera ku ri rika aBera; Asebere ku ri rika aAsebere; Airama ku ri rika aAirama;

³⁹Sefufama ku ri rika aSufama; Ufama ku ri rika aUfama.

⁴⁰Ono awiri Bera nangia Aruda na Namana: Aruda ku ri rika aAruda; Namana ku ri rika aNamana.

⁴¹Agi yo re nangia awiri Benyamina wa pa rikayo adu; i adu wa aboro 45,600.

⁴²Agi yo re nangia awiri Dana wa pa arikayo adu: Suama ku ri rika aSuama. Agi yo re nangia rika Dana wa pa rikayo adu.

⁴³Agu arika dunduko nga ga Suama, kuti gedigedi yo, i adu wa aboro 64,400.

⁴⁴Awiri Asera wa pa rikayo adu: Yimena ku ri rika aYimena; Yiseva ku ri rika aYiseva; Beria ku ri rika aBeria.

⁴⁵Awiri Beria: Ebere ku ri rika aEbere: Marekiere ku ri rika aMarekiere.

⁴⁶Rimo wiri Asera nangia de angia Sera.

⁴⁷Agi yo re nangia rika Asera kuti gedigedi yo i adu wa aboro 53,400.

⁴⁸Awiri Nafatari wa pa rikayo adu: Yasere ku ri rika aYasere; Guni ku ri rika aGuni;

⁴⁹Yesere ku ri rika aYesere; Sirema ku ri rika aSirema.

⁵⁰Agi yo re nangia rika Nafatari wa pa rikayo adu kuti gedigedi yo i adu wa aboro 45,400.

⁵¹Agi yo re nga agu yo i agedi yo dagba awiri aYisaraere yo, i adu wa aboro 601,730.

⁵²Yekova ki ya fu Mose:

⁵³“I ka kparaka ringara fu agi yo re ni gayo ngbi kina kuti gedigedi arimoyo.

⁵⁴Gu ngbatunga nge gbe mo afú ngbi fu yo a wa nge yo, gu ngbatunga du ni zogoro yo mo afú he fu yo ni umba ha; i afú ngbi kina kuti gedigedi agu yo i agedi yo dagba yo yo.

⁵⁵Ka si vura du wo i akpáraka ringara kina kuti ringbisiringbisi pa ha; kuti rimo angbatunga abayo i ka kparaka ha kuti ni ni gayo ngbi.

⁵⁶I akpáraka ringara kina kuti ringbisiringbisi yo, fu badungu yo na fu umba yo.”

⁵⁷Agi yo re nga agu yo i agedi yo dagba aRevi yo wa rikayo adu: Gerusona ku ri rika aGerusona; Koata ku ri rika aKoata; Merari ku ri rika aMerari.

⁵⁸Agi yo re nangia arika Revi: rika aRibini, rika aEburone, rika aMari, rika aMusi, rika aKora. Koata ki batika Amurama.

⁵⁹Rimo dia Amurama ki ngia Yokebede, wiri Revi, i avungu ri fu Revi Ezipeta yo; ri ki batika fu Amurama nga Arona na Mose, na dawiriyo nga Miriama.

⁶⁰Arona ki batika Nadaba, Abiu, Erazara na Itamara.

⁶¹Ono aNadaba na Abiu ki kpiki ho i aye ni na kungba we ku bara bangiri Yekova.

⁶²Ono agu yo i agedi yo dagba yo yo adu wa aboro 23,000 nga akumba ni ba sa sa tona diwiyo ti diwi sa na ka ndu ku mbata yo; bambiko i ageda nga yo ku dagba awiri aYisaraere yo te, bambiko i afu nga ringara fu yo ku dagba awiri aYisaraere yo a te.

⁶³Agi yo re nga agu yo aMose na Erazara boromotumo agedi yo, i nagedi awiri aYisaraere rogo gu kpasakpasa arago du ringara aMoabo yo pangba Yaradene ku Yereo yo.

⁶⁴Ono dagba agi yo yo re boro adu nga yo sa dagba agu yo aMose na Arona boromotumo agedi yo ngbakungba Sinai yo te, i nga agu yo nagedi yo.

⁶⁵Bambiko Yekova aya tipa yo, “I akpíka akpika ni rengo kina ngbakungba yo.” Ka boro anye nga sa dagba yo yo ya, kina Kareba wiri Yefune, na Yosua wiri Nuna.