Read zande Pa Geda Aboro 29 Bible Online

Pa Geda Aboro 29 - zande bible

Pa Geda Aboro 29

¹“Ti saba diwi, ti bambata uru nga ga gu diwi re, oni animangi kparakpara dungurati; oni animangi nga nyanyaki sunge te. Si nga uru vuda ambanya fu roni,

²oni ki nitumo ni zozo motumo ni guzuguzu fuõhe fu Yekova: paranga babagara sa, bakandoro sa, wiri abaakandoro ni abara saba du garãra sa zanga serõ;

³na gaami motumo riahe nga fufurũ ngungo kodi yo ho na nzeme, wa aritere bawe na bebere he tipa babagara sa, na wa aritere saba tipa bakandoro sa,

⁴na wa aritere biata na bebere he tipa wiri akandoro ni ba sa sa wa du ami saba;

⁵na bameme sa tipa motumo ingapai, ka manga pa dada ingapai tipa roni;

⁶ku ri gu zozo motumo nga ga fogo diwi, na gaha motumo riahe, na gu zozo motumo i ka atúmo na ni na uru kindi, na gaha motumo riahe, na gaha mbirimbiri amotumo, kuti sangba gu rugute nga gaha, ni guzuguzu fuõhe a, nga gu motumo i namanga ha ni we fu Yekova.

⁷“Ti rame bawe nga ga gi saba diwi re oni animangi kparakpara dungurati, oni anisungu na rungo kpotoroni yo; oni animangi nga wiri ngbatunga sunge wa sa te,

⁸ono oni ki nifu zozo motumo fu Yekova ni guzuguzu fuõhe: paranga bagara ni bara sa, bakandoro sa, wiri akandoro ni abara saba du garãra sa; ami adú zanga serõ;

⁹na gaami motumo riahe nga fufuru ngungo kodi yo ho na nzeme, wa aritere bawe na bebere he tipa babagara, na wa aritere saba tipa bakandoro,

¹⁰na wa aritere biata na bebere he tipa wiri akandoro ni ba sa sa wa du ami saba:

¹¹bameme sa tipa motumo ingapai, ku ri motumo ingapai nga ga pa dada ingapai, na gu zozo motumo i ka atumo na ni na uru kindi, na gaha motumo riahe, na gaha mbirimbiri amotumo.

¹²“Ti 15 uru nga ga saba diwi oni ki nimangi kparakpara dungurati; oni animangi nga nyanyaki sunge te, oni ki nimangi pumbo fu Yekova tipa uru saba;

¹³oni ki nifu gu zozo motumo, nga gu motumo i namanga ha ni we, ni guzuguzu fuõhe fu Yekova, paranga abagara ni abara 13, abaakandoro ue, wiri akandoro ni abara 14 du garãra sa; ami adú zanga serõ;

¹⁴na gaami motumo riahe nga fufurú ngungo kodi yo ho na nzeme, wa aritere bawe na bebere he tipa babagara ni ba sa sa, wa du ami 13, na wa aritere saba tipa bakandoro ni ba sa sa, wa du ami ue,

¹⁵na wa aritere biata na bebere he tipa wiri kandoro ni ba sa sa wa du ami 14;

¹⁶bameme sa tipa motumo ingapai a; ku ri gu zozo motumo i ka atumo na ni na uru kindi, na gaha motumo riahe, na gaha mbirimbiri motumo a.

¹⁷“Ti ue uru oni ki nifu paranga abagara ni abara 12, abaakandoro ue, wiri akandoro ni abara 14 du garãra sa zanga serõ,

¹⁸na gaami motumo riahe na gaami mbirimbiri amotumo tipa abaabagara, tipa abaakandoro, na tipa wiri akandoro a, kuti gedigedi ra, wa du sangba rugute;

¹⁹na bameme sa tipa motumo ingapai, ku ri gu zozo motumo i ka atumo na ni na uru kindi, na gaha motumo riahe, na gaha mbirimbiri amotumo.

²⁰“Ti biata uru oni ki nifu abagara ni abara 11, abaakandoro ue, wiri akandoro ni abara 14 du garãra sa zanga serõ,

²¹na gaami motumo riahe na gaami mbirimbiri amotumo tipa abaabagara, tipa abaakandoro, na tipa wiri akandoro a, kuti gedigedi ra, wadu sangba rugute;

²²na bameme sa tipa motumo ingapai, ku ri gu zozo motumo i ka atumo na ni na uru kindi, na gaha motumo riahe, na gaha mbirimbiri motumo.

²³“Ti biama uru oni ki nifu abagara ni abara bawe, abaakandoro ue, wiri akandoro ni abara 14 du garãra sa zanga serõ,

²⁴na gaami motumo riahe na gaami mbirimbiri amotumo tipa abaabagara, tipa abaakandoro, na tipa wiri akandoro a, kuti gedigedi ra wa du sangba rugute;

²⁵bameme sa tipa motumo ingapai, ku ri gu zozo motumo i ka atumo na ni na uru kindi, na gaha motumo riahe, na gaha mbirimbiri motumo.

²⁶“Ti bisue uru oni ki nifu abagara ni abara ribua, abaakandoro ue, wiri akandoro ni abara 14 du garãra sa zanga serõ,

²⁷na gaami motumo riahe na gaami mbirimbiri amotumo tipa abaabagara, tipa abaakandoro, na tipa wiri akandoro a, kuti gedigedi ra, wa du sangba rugute;

²⁸bameme sa tipa motumo ingapai; ku ri gu zozo motumo i ka atumo na ni na uru kindi, na gaha motumo riahe, na gaha mbirimbiri motumo.

²⁹“Ti sita uru oni ki nifu abagara ni abara muambi, abaakandoro ue, wiri akandoro ni abara 14 du garãra sa zanga serõ,

³⁰na gaami motumo riahe na gaami mbirimbiri motumo tipa abaabagara, tipa abaakandoro, na tipa wiri akandoro, kuti gedigedi ra, wa du sangba rugute;

³¹bameme sa tipa motumo ingapai, ku ri gu zozo motumo i ka atumo na ni na uru kindi, na gaha motumo riahe na gaha mbirimbiri amotumo.

³²“Ti saba uru oni ki nifu abagara ni abara saba, abaakandoro ue, wiri akandoro ni abara 14 du garãra sa zanga serõ,

³³na gaami motumo riahe, na gaami mbirimbiri amotumo tipa abaabagara, tipa abaakandoro, na tipa wiri akandoro, kuti gedigedi ra, wa du sangba rugute;

³⁴bameme sa tipa motumo ingapai; ku ri gu zozo motumo i ka atumo na ni na uru kindi, na gaha motumo riahe, na gaha mbirimbiri motumo.

³⁵“Ti muambi uru oni ki nidungura tironi tipa irisiirisi gbuu: ka oni animangi nga nyanyaki sunge ya,

³⁶ono oni ki nifu zozo motumo, gu motumo i namanga ha ni we, ni guzuguzu fuõhe fu Yekova: babagara sa, bakandoro sa, wiri akandoro ni abara saba du garãra sa zanga serõ,

³⁷na gaami motumo riahe na gaami mbirimbiri amotumo tipa babagara, tipa bakandoro, na tipa wiri akandoro, kuti gedigedi ra, wa du sangba rugute;

³⁸bameme sa tipa motumo ingapai; ku ri gu zozo motumo i ka atumo na ni na uru kindi, na gaha motumo riahe, na gaha mbirimbiri motumo.

³⁹“Agi ahe re oni ka nifu he fu Yekova ti rago gaoni ringbisiringbisi apumbo, ku ri gaoni akidohe na gaoni gamunihe oni afu he zaza ni nyemuhe, tipa gaoni zozo amotumo, na tipa gaoni motumo riahe, na gaoni mbirimbiri amotumo, na tipa gaoni amotumo zereda.”

⁴⁰Mose ki gumba ha fu awiri aYisaraere kina kuti gu pai Yekova arugu ko na ni dunduko.