Read zande Pa Geda Aboro 3 Bible Online

Pa Geda Aboro 3 - zande bible

Pa Geda Aboro 3

¹Were agi yo re nga angbatunga aArona na Mose ni gu uru Yekova agumba pai fu Mose ri Bagangara Sinai yo.

²Gere nga rimo awiri Arona: Nadaba nangia bambata vungu, na Abiu, Erazara, na Itamara;

³gere nga rimo awiri Arona, nga aboromotumo i ambedi yo ni nzeme, nga agu yo ko akpara yo i nimangi pa sunge boromotumo.

⁴Ono Nadaba na Abiu akpiki bara bangiri Yekova, ni gu rago i aye ka fu kungba we fu Yekova, ngbakungba Sinai yo; i avunga nga agude te. Erazara na Itamara ki nimangi pa sunge boromotumo ti rago bayo nangia Arona.

⁵Yekova ki ya fu Mose,

⁶“Mo yé na ngbatunga Revi mbembedi kono, ki moi yo bara bangiri Arona nga boromotumo, i nimangi pa ko.

⁷I aúnda pa gako apai, na pa agu apai du tipa rimbasa aboro dunduko barangba bamburoko dungurati, ka manga pa banye;

⁸i abánda pa agu ahe du bamburoko dungurati yo, na gu pai dũ tipa awiri aYisaraere, ka manga pa banye.

⁹Ono mo afú aRevi ku be Arona na ku be awiriko; i fu yo dunduko ku be ko dagba awiri aYisaraere.

¹⁰Mo asía aArona na awiriko, i nga agu yo nikabanda pa sunge aboromotumo; ono gu kungba boro nikaniye mbembedi ku pati banye i aniimi ni aimo.”

¹¹Yekova ki ya fu Mose,

¹²“Mo ngére, mi tigimi sia aRevi dagba awiri aYisaraere yo ku ba gu bambata avungu dunduko nga agu yo naza rukumbu dagba awiri aYisaraere. ARevi ni kangia gimi yo,

¹³bambiko bambata avungu dunduko nga gimi yo; ni gu rago mi aimi bambata avungu ringara Ezipeta yo, mi akpara bambata avungu dunduko ringara aYisaraere ni gimi yo, nga ga aboro na ga anya a; i nikangia gimi yo: Mi nga Yekova.”

¹⁴Yekova ki ya fu Mose ngbakungba Sinai yo,

¹⁵“Mo géui awiri Revi wa du pa ku abayo, na arikayo; agu akumbagude du diwiyo sa na ka ndu ku mbata yo, i mo ka geda yo.”

¹⁶Mose ki gedi yo kina kuti sangba Yekova, wa ko arugu ko na ni.

¹⁷Agi yo re nangia awiri Revi na rimoyo: Gerusona, Koata, na Merari.

¹⁸Gere nangia rimo awiri Gerusona na arikayo: Ribini na Simi.

¹⁹Awiri Koata na arikayo: Amurama, Yisara, Eburone, na Uziere.

²⁰Awiri Merari na arikayo: Mari na Musi. Agi yo re nangia arika Revi wa ku abayo adu.

²¹Rika Ribini, na rika Simi aenge ti Gerusona; agu yo re nga arika Gerusona.

²²Agu yo i agedi yo dagba yo, kuti gedigedi akumbagude dunduko, tona ti agu yo du diwiyo sa na ka ndu ku mbata yo, agu yo i agedi yo dagba yo adu wa aboro 7,500.

²³Agu arika nga ga Gerusona yo adua gayo bataya gii banye ku dioyo,

²⁴gu bazogo nga ga arika Gerusona nikangia Ereyasafa wiri Raere.

²⁵Ono gu sunge nga ga awiri Gerusona rogo bamburoko dungurati yo nikangia banda banye, na bamburoko a, na agu ahe nadada ha, asiasi roko kparaba tipa ngbadimo bamburoko dungurati,

²⁶na gu asiasi aroko i aasa ha vurukporo ho, na asiasi roko kparaba iipa ngbadimo vurukporo, du pati banye na pati bamotumo kirikiri, na gaha agire; na gu sunge dunduko nga gaha.

²⁷Rika Amurama, na rika Yisara, na rika Eburone, na rika Uziere aenge ti Koata; agi yo re nga arika Koata.

²⁸Gedigedi akumbagude, tona ti agu yo du diwiyo sa na ka ndu ku mbata yo, i adu wa aboro 8,600, nga agu yo ka abanda kparakpara ziazia ba.

²⁹Agu arika nga ga awiri Koata nikadua gayo bataya pati banye ku sudiyo,

³⁰gu bazogo nga ga arika Koata nikangia Erisefana wiri Uziere.

³¹Gayo sunge nikangia sunge sanduki, na mbisa, na baduawe, na abamotumo, na agu aũsunge nga ga kparakpara ziazia ba nga gu i anamanga sunge na ni, na asiasi roko kparaba tipa ngbadimo; na gu sunge dunduko nga gaha.

³²Ono Erazara wiri Arona nga boromotumo nikangia gu bazogo ku ri agu abazogo nga ga aRevi yo, ka abi gu sunge nga ga agu yo nabanda kparakpara ziazia ba.

³³Rika Mari na rika aMusi aenge ti Merari: agi yo re nga arika Merari.

³⁴Agu yo i agedi yo dagba yo, kuti gedigedi akumbagude dunduko, tona ti agu yo du diwiyo sa na ka ndu ku mbata yo, i adu wa aboro 6,200.

³⁵Gu bazogo nga ga arika Merari angia Suriere wiri Abiyaira; i adua gayo bataya pati banye ku nodiyo.

³⁶Gu ringbisiringbisi sunge nga ga awiri Merari nikangia banda pa agbaraga nga ga banye na angbongboho, na adangbaha, na andu mburuhe, na aũhe dunduko; na gu sunge dunduko nga gaha;

³⁷na agu adangba du pangba vurukporo kirikiri, na andu mburuhe, na gaha aneri na agirihe.

³⁸Agu yo nikadua gayo bataya barangba banye ku uroyo, ku barangba bamburoko dungurati bara koyo uru naakura ni, nikangia Mose, na Arona na awiriko, ka abanda sunge kparakpara ba tipa manga agu apai dunduko du tipa awiri aYisaraere; gu kungba boro nikaniye mbembedi ku pati he, i aniimi ni aimo.

³⁹Agu yo dunduko i agedi yo dagba aRevi yo, nga agu vo aMose na Arona agedi yo ku sangba Yekova yo, wa du arikayo, akumbagude dunduko tona ti agu yo du diwiyo sa na ka ndu ku mbata yo, i adu wa aboro 22,000.

⁴⁰Yekova ki ya fu Mose, “Mo gédi bambata avungu nga ga awiri aYisaraere nga akumbagude tona ti agu yo du diwiyo sa na ka ndu ku mbata yo, ki ke gedigedi yo na rimoyo.

⁴¹Mo ki rogo awiri Revi tipa re ― Mi nga Yekova ku ― ba bambata avungu dunduko dagba awiri aYisaraere yo, na gu bambata wiri zogozogo anya nga ga aRevi ra ku ba gu bambata wiri zogozogo anya nga ga awiri aYisaraere ra.”

⁴²Si du Mose agedi bambata avungu nga ga awiri aYisaraere ti ni dunduko wa Yekova arugu ko na ni.

⁴³Na gu bambata avungu nga akumbagude dunduko kuti gedigedi rimoyo, tona ti agu yo du diwiyo sa na ka ndu ku mbata yo, agu yo i agedi yo dagba yo, i adu wa aboro 22,273.

⁴⁴Yekova ki ya fu Mose,

⁴⁵“Mo rogo aRevi dunduko ku ba bambata avungu dagba awiri aYisaraere yo, na gu zogozogo anya nga ga aRevi ra ku ba gayo ra; aRevi nikadu ni gimi aboro; Mi nga Yekova.

⁴⁶Ono tipa gu motumo nga ga gu 273 nga bambata vungu nga ga awiri aYisaraere yo, nga gu gedigedi aboro susi ga akumba dagba aRevi yo,

⁴⁷mo nikaroga asekere bisue tipa yo ni ba sa sa; mo aróga ra ringbisi he na gu sekere nga ga kparakpara ba, sekere du wa agera 20, wo mo ka roga ra.

⁴⁸Mo ki fu gu marã nasusi gedigedi aboro nga motumo fu Arona na fu awiriko.”

⁴⁹Si du Mose adungura gu marã motumo re be agu yo gedigedi yo asusi ku ri agu yo aRevi atumo yo;

⁵⁰be bambata avungu nga ga awiri aYisaraere ko arogo gi marã re ni, ami adu wa asekere 1,365, ringbisi he na pa gu sekere nga ga kparakpara ba.

⁵¹Mose ki fu gu marã motumo re fu Arona na fu awiriko, kuti sangba Yekova, wa Yekova arugu Mose na ni.