Read zande Pa Geda Aboro 30 Bible Online

Pa Geda Aboro 30 - zande bible

Pa Geda Aboro 30

¹Mose ki gumba pai fu abaakumba nga ga angbatunga awiri aYisaraere yo, ki ya, “Gere nga gu pai Yekova arugu he.

²Ho kumba ka nikido he ni fu Yekova, watadu zungahe ka ka kuti ni kpotoni yo du ni gani zungahe, ni anisa nga gani pai wa sa te; ni animangi he kina kuti gu pai naakuru ngbani yo dunduko.

³De a wo, ho ri ka nikido kidohe ni fu Yekova, ki zi tiri ni sa ri ni gari zungahe, wa du ri ku bari ni parangari;

⁴bari ki gi pa gari kidohe, wa kido ri he ki du ni zizi ri na torori a; ono bari ki ongo aonga; si du gari akidohe dunduko adú kina wo, na agu azungahe dunduko zunga ri he, si anidu kina wo.

⁵Ono ka bari aida nga ha fu ri ni gu uru ko agi pa ha ya, a nga gari kidohe sa, watadu gari azungahe zi ri torori na ni, ka i iai pa ha te; Yekova nikanivu ri ti ni, bambiko bari aida nga pa ha fu ri te.

⁶Ono ka kumba di ri, ho du ri ni na pa gari kidohe ku ri ri, watadu gu gusa gumbapai nga gari ni ngbai, ri azi torori na ni ni zungahe,

⁷ono ka kumbari gi pa ha, ki ongo aonga ni gu uru ko agi pa ha; si du pa gari akidohe ki du kina wo, agu azungahe zi ri toron na ni ki du kina wo.

⁸Ono ka kumbari aida nga pa ha fu ri ni gu uru ko agi pa ha ya si du ko ki sa gari kidohe si du gbua nga gu du ku ri ri, na gu gusa gumbapai nga ga gari ni ngbari, nga gu ri azi torori na ni; Yekova nikanivu ri ti ni.

⁹Ono gu kidohe nga ga dekurugbo, watadu gu ri mbu yo ri, agu apai dunduko nga gu zi ri torori na ni adú kina ku ri ri.

¹⁰Ka ngia ri akiao he ho ri adu ni ku kumbari yo, watadu zia torori ni zungahe,

¹¹kumbari ki gi pa ha, ki ongo aonga fu ri, ki idi pa ha fu ri; si du gari akidohe ki du kina wo dunduko. Agu azungahe dunduko nga gu ri azi torori na ni ki du kina wo.

¹²Ono ka kumbari mangi he ka ima ha adu nga ti ni ya si ki du ni kungba pai ni gu uru ko agi pa ha, si du agu apai naakuru ngbari tipa gari akidohe na tipa gu zungahe nga ga torori, si ki du gbua, kumbari sa ha ni kungba pai. Yekova nikanivu ri ti ni.

¹³Akidohe dunduko, na agu azungahe nazia torori, kina kumbari nikanyakasa ha, watadu kina kumbari nikanisa ha ni kungba pai.

¹⁴Ono ka kumbari ongo aonga na uru du; si du ko ki nyakasi pa gari akidohe dunduko, watadu pa gari azungahe dunduko, nga gu du ku ri ri; ko ki ima nyakasa pa ha, bambiko ko aongo aonga ni gu uru ko agi pa ha.

¹⁵Ka ko mangi he ka ima ha adu nga ti ni ya si ki du ni kungba pai fuo gia ko ho, si du kina ko ki mbu mbugo gari irairapai.”

¹⁶Gere nga gu rugaapai, nga gu Yekova arugu Mose na ni, dagba kumba na diani, dagba bagude na wirini nga de, wa du ri ni parangari ku bari.