Read zande Pa Geda Aboro 33 Bible Online

Pa Geda Aboro 33 - zande bible

Pa Geda Aboro 33

¹Gere nangia ga awiri aYisaraere anunguro, ho i akuru ni ringara Ezipeta yo wa pa gayo arimbasa aborosovura adu ku tii be aMose na Arona.

²Ono Mose ake pa gayo nduge kuti pa gayo anunguro ku sangba Yekova yo; gere nga pa gayo anunguro kuti pa gayo anduge.

³I ki guari Ramesese yo ti bambata diwi, ti 15 rame ru; fuo gu girarago wiso fuo pumbo susiri awiri aYisaraere ki kuru na bidi ku bangiri aEzipeto dunduko,

⁴ho aEzipeto akpisida bambata awiriyo ni, nga agu yo Yekova aimi yo dagba yo. Yekova ki sari ngbanga a ku ri gayo ambori.

⁵Awiri aYisaraere ki guari Ramesese yo, na gayo nunguro, ki zi bataya Sukota yo.

⁶I ki guari Sukota yo, ki zi bataya Etama yo, nga gu nadu ti bangbanda ngbakungba.

⁷I ki guari Etama yo, ki sa tiyo ku Pi-airota yo berewe, nga gu nadu ku uroyo Barasefona yo; i ki zi bataya barangba Migedora.

⁸I ki guari Airota yo, ki si baime ku ngbakungba yo, ki ndu nunguro tipa rame biata rogo ngbakungba Etama, ki zi bataya Mara yo.

⁹I ki guari Mara yo, ki da ku Erima yo; Erima yo gugaabi adu ni 12, na angua ambiro 70, i ki zi bataya yo.

¹⁰I ki guari Erima yo, ki zi bataya pangba Zamba Baime.

¹¹I ki guari pangba Zamba Baime, ki zi bataya ngbakungba Sina yo.

¹²I ki guari ngbakungba Sina yo, ki zi bataya Dofeka yo.

¹³I ki guari Dofeka yo, ki zi bataya Arusa yo.

¹⁴I ki guari Arusa yo, ki zi bataya Refidimi yo, yo ime adu nga ni fu aboro ka i mbiri he ya.

¹⁵I ki guari Refidimi yo, ki zi bataya rogo ngbakungba Sinai.

¹⁶I ki guari ngbakungba Sinai yo, ki zi bataya Kiburota-atava yo.

¹⁷I ki guari Kiburota-atava yo, ki zi bataya Aserota yo.

¹⁸I ki guari Aserota yo, ki zi bataya Ritema yo.

¹⁹I ki guari Ritema yo, ki zi bataya Rimona-pereze yo.

²⁰I ki guari Rimona-pereze yo, ki zi bataya Ribina yo.

²¹I ki guari Ribina yo, ki zi bataya Risa yo.

²²I ki guari Risa yo, ki zi bataya Kerata yo.

²³I ki guari Kerata yo, ki zi bataya Bagangara Sefere yo.

²⁴I ki guari Bagangara Sefere yo, ki zi bataya Arada yo.

²⁵I ki guari Arada yo, ki zi bataya Makerotayo.

²⁶Ikiguari Makerota yo, ki zi bataya Tata yo.

²⁷I ki guari Tata yo, ki zi bataya Tera yo.

²⁸I ki guari Tera yo, ki zi bataya Miteka yo.

²⁹I ki guari Miteka yo, ki zi bataya Asemona yo.

³⁰I ki guari Asemona yo, ki zi bataya Moserota yo.

³¹I ki guari Moserota yo, ki zi bataya Bene-nyakana yo.

³²I ki guari Bene-nyakana yo, ki zi bataya Ora-gidigada yo.

³³I ki guari Ora-gidigada yo, ki zi bataya Yotebata yo.

³⁴I ki guari Yotebata yo, ki zi bataya Aburona yo.

³⁵I ki guari Aburona yo, ki zi bataya Esiona-gebere yo.

³⁶I ki guari Esiona-gebere yo, ki zi bataya rogo ngbakungba Zina si sa na Kadesa.

³⁷I ki guari Kadesa yo, ki zi bataya Bagangara Oro yo, ti bangbanda ringara Edome.

³⁸Arona nga boromotumo ki dakpa ku ri Bagangara Oro yo kuti sangba Yekova, ki kpi yo, rogo biama bawe garã fuo kura awiri aYisaraere ringara Ezipeta yo, rogo bisue diwi, ti bambata rame nga ga bisue diwi.

³⁹Ono garã Arona adu 123 ho ko akpi ni ri Bagangara Oro yo.

⁴⁰Boro Kanana, nga bakindo ku ri Arada agi pa ye awiri aYisaraere, ko araka Negebe yo ringara Kanana yo.

⁴¹I ki guari Bagangara Oro yo, ki zi bataya Saremona yo.

⁴²I ki guari Saremona yo, ki zi bataya Punona yo.

⁴³I ki guari Punona yo, ki zi bataya Oboto yo.

⁴⁴I ki guari Oboto yo, ki zi bataya Iyeabarima yo, rogo gu bangbanda rago nga ga Moaba.

⁴⁵I ki guari Iyama yo, ki zi bataya Dibona-gada yo.

⁴⁶I ki guari Dibonagada yo, ki zi bataya Aremona-diberataima yo.

⁴⁷I ki guari Aremona-diberataima yo, ki zi bataya dagba abaagangara Abarima yo, du barangba Nebo.

⁴⁸I ki guari dagba abaagangara Abarima yo, ki zi bataya rogo gu kpasakpasa arago du Moaba yo pangba Yaradene ku Yereo yo.

⁴⁹I ki zi bataya pangba Yaradene, tona Bete-yesimota yo da kina ku Abere-sitimi yo rogo gu kpasakpasa arago du Moaba yo.

⁵⁰Yekova ki gumba pai fu Mose rogo gu kpasakpasa arago du Moaba yo pangba Yaradene ku Yereo yo, ki ya.

⁵¹“Mo yá fu awiri aYisaraere. Ho oni ka si Yaradene ni ku ringara Kanana yo,

⁵²oni ki dandi agu aboro naraka rogo ringara dunduko barangba roni, ki gbarasi gayo sese kpiaahe du ni ambia ki gbarasi gayo zaragasizaragasi mekemeke kpiaahe dunduko, ki kuadi gayo tumbatumba aba dunduko.

⁵³Oni ki rogodi agu ahe nga ga gu ringara re ni gaoni, ki sungu rogo ho; bambiko mi fu gu ringara re fu roni ni gaoni.

⁵⁴Oni adía gaoni ngbi nga ga gu ringara re kuti ringbisiringbisi he wa du gaoni arika; agu angbatunga nge ange mo afú ngbi fu yo wa nge yo, fu agu angbatunga adu ni zogoro yo mo afú ngbi fu yo ni umba ha. Gu ni ringbisiringbisi he ka ti fu ni, gure nikaningia gani; kuti angbatunga abaroni kina wo oni ka roga angbi.

⁵⁵Ono ka Oni adánda nga agu aboro naraka rogo ringara barangba roni ya; si du agu yo ka oni mbu yo yo i nye yo, i adú wa gu he narupa bangironi, na wa akiwe narupa pavuroni, i amánga roni rogo gu ringara oni naraka rogo ho.

⁵⁶Si adú wa gere, wa mi aberẽ pa manga fu yo, wo mi ka manga fu roni.”