Read zande Pa Geda Aboro 34 Bible Online

Pa Geda Aboro 34 - zande bible

Pa Geda Aboro 34

¹Yekova ki ya fu Mose,

²“Mo rúgu awiri aYisaraere, ki ya fu yo wẽ, Ho oni ka ye ni ku ringara Kanana yo, nga gu ringara nikadu fu roni ni gaoni, kina gu ringara nga ga Kanana kuti abangbandaha,

³si du pangba gaoni rago ku sudiyo ki du tona ngbakungba Zina yo pavuru Edome, na gaoni bangbandarago sudiyo adú ti digida Baime Tikpo ku uroyo;

⁴gaoni bangbandarago ki aria tihe kirikiri ku sudiyo ti ba dakpa ku Akurabima yo, ki susi yo ku Zina yo, digidaha ki du ku sudiyo pati Kadesa-baranea. Si andú ki kuru Asara-dara yo, ki susi kindi ku Azemona yo.

⁵Bangbandarago ki aria tihe Azemona yo sa gu Wiridi nga ga Ezipeta, digidaha ada kuti baime.

⁶“Ono tipa gu bangbandarago du ku dioyo, Bakere Baime adú ni bangbandarago, gere nikangia gaoni bangbandarago ku dioyo.

⁷“Ono gere nikangia gaoni bangbandarago ku dioyo; oni agbá gene tipa roni tona ti Bakere Baime ki da ku Bagangara Oro yo;

⁸tona Bagangara Oro yo oni agbá gene ki da ku barima ku Amata yo, digida bangbandarago ki da ku Sedada yo;

⁹bangbandaha ki ndu ki kuru ku Ziferona yo, digidaha ki da ku Asare-nana yo. Gere nikangia gaoni bangbandarago ku nodiyo.

¹⁰“Oni agbá gene tipa gaoni bangbandarago ku uroyo tona ti Asare-nana ki da ku Sefama yo;

¹¹bangbandarago ki ndu ki kuru Sefama yo ku Ribera yo, ku pavuru Aina ku uroyo. Bangbandarago ki ndu ki zorõ ki da ku pavuru Baime Kinerete ku uroyo;

¹²bangbandarago ki ndu kindi ki da ku Yaradene yo, digidaha ki da kuti Baime Tikpo. Gere nikadu ni gaoni ringara na abangbandaha dunduko pati he kirikiri.”

¹³Mose ki rugu awiri aYisaraere, ki ya, “Gere nga gu ringara oni ka rogo ha kuti ringbisiringbisi he ni gaoni, nga gu Yekova arugu paha ka fu he fu angbatunga ribua, na fu gu bebere ngbatunga sa;

¹⁴bambiko ngbatunga awiri Rubena adi gayo ngbi kuti pa ga abayo akporo, na ngbatunga awiri Gada kuti pa ga abayo akporo, na bebere ngbatunga Manase adi gayo ngbi a.

¹⁵Agu angbatunga ue re na gu bebere ngbatunga sa re arogo gayo mbiti Yaradene Yereo yo ku uroyo, yo uru nakura ni.”

¹⁶Yekova ki ya fu Mose,

¹⁷“Gere nga rimo agu akumba nikakparaka ringara fu roni ni gaoni: Erazara boromotumo na Yosua wiri Nuna.

¹⁸Ono oni adia bazogo sa dagba angbatunga ni ba sa sa, i kpáraka ringara ni gaoni.

¹⁹Rimo agu akumba re du re: Dagba ngbatunga Yuda yo, Kareba wiri Yefune.

²⁰Dagba ngbatunga awiri Simona yo, Semuere wiri Amiuda ki du.

²¹Dagba ngbatunga Benyamina yo, Eridada wiri Kisirona ki du.

²²Dagba awiri Dana yo bazogo ki du sa, nga Buki wiri Yogeri.

²³Dagba awiri Yosefa yo: na dagba awiri Manase yo bazogo ki du sa, nga Aniere wiri Efoda.

²⁴Dagba ngbatunga awiri Efuraima yo bazogo ki du sa, nga Kemuere wiri Sifetana.

²⁵Dagba ngbatunga awiri Zeburuna yo bazogo ki du sa, nga Erisafána wiri Parunaka.

²⁶Dagba ngbatunga awiri Yisasakara vo bazogo ki du sa, nga Paretiere wiri Azana.

²⁷Dagba ngbatunga awiri Asera yo bazogo ki du sa, nga Aiyuda wiri Seromi.

²⁸Dagba ngbatunga awiri Nafatari yo bazogo ki du sa, nga Pedaere wiri Amiuda.

²⁹Agi yo re nga agu yo Yekova arugu yo i ka kparaka angbi fu awiri aYisaraere ringara Kanana yo.”