Read zande Pa Geda Aboro 36 Bible Online

Pa Geda Aboro 36 - zande bible

Pa Geda Aboro 36

¹Abaakumba ku ri gu rika nga ga awiri Girada, nangia wiri Makira, Makira ki ngia wiri Manase, nga ngbatunga awiri Yosefa, ki ye ki rabedi, ki gumba pai ku bara bangiri Mose, na ku bara bangiri abazogo, na ku bara bangiri agu yo du ku ri ga abayo ríka nga ga awiri aYisaraere;

²i ki ya, “Yekova arugu gi gbia ko fu ringara ni ringbisiringbisi he fu awiri aYisaraere ni gayo; Yekova ki rugu gi gbia ko fu gu ngbi nga ga wirinarani nga Serofada fu awiriko nga ade.

³Ono ka kura ngbatunga awiri aYisaraere ku bani rogo yo, i ki rogo gayo angbi aroga ku sa yo dagba ga abarani angbi, ki gbia ha kuti ga agu yo angbi rogo yo yo; si du i ka kusa ha ti ni ku sa yo ti gaani angbi.

⁴Ho ga awiri aYisaraere garã ngbiko ni ngbarago ka da ni, i ki gbia gayo angbi kuti gu angbi nga ga agu angbatunga du ade ni gayo yo; wo i ka roga gayo angbi dagba agu angbi nga ga ngbatunga abarani.”

⁵Mose ki rugu awiri aYisaraere kuti sangba Yekova, niya, “Awiri ngbatunga Yosefa nagumba kina rengo.

⁶Gere nga gu pai nga gu Yekova arugu tipa awiri Serofada nga ade, niya, ‘I rógo agu aboro rengbe yo na roga yo; ono kina aboro gu ngbatunga nga ga abayo i ka roga yo.

⁷Si du ka i asáka nga ga awiri aYisaraere angbi dagba angbatunga ku bani na ku bani ti ni ya; bambiko awiri aYisaraere ni ba sa sa nikaka kuti gayo angbi, gu ni kina kuti ga ngbatunga abani.

⁸Na agu awiriyo nga ade ni ba sa sa, nga agu yo du na angbi dagba ngbatunga awiri aYisaraere yo, i adu ni adia ngbatunga boro sa dagba ngbatunga bayo yo, awiri aYisaraere ni ba sa sa ki du na gayo angbi nga ga abayo.

⁹Si du ka i asáka nga angbi dagba ngbatunga na gu kura ngbatunga wa sa ya; bambiko angbatunga awiri aYisaraere ni ba sa sa nikanika kuti kina gayo angbi.’ ”

¹⁰A wa Yekova arugu Mose, wo awiri Serofada nga ade amangi he;

¹¹bambiko Mara, na Tirusa, na Ogura, na Mireka, na Noa, nangia awiri Serofada, kina awiri aunduru bayo narogo yo.

¹²I arogo yo ku rogo gu rika nga ga awiri Manase wiri Yosefa, gayo angbi ki nye kina rogo rika ngbatunga abayo.

¹³Gere nga agu arugute na asarangbanga nga gu Yekova arugu he ku ngba Mose fu awiri aYisaraere rogo gu kpasakpasa arago du Moaba yo pangba Yaradene ku Yereo yo.