Read zande Pa Geda Aboro 7 Bible Online

Pa Geda Aboro 7 - zande bible

Pa Geda Aboro 7

¹Si ki ta du wa gere ti gu uru nga gu Mose adigisi pa dua banye ti ni, ko ki mbedi he ki kpara ha ziazia, na aũhe dunduko, ki mbedi bamotumo ki kpara ha ziazia na agu aũsunge nga gaha dunduko,

²agu abazogo ki ye na ahe nga ga aYisaraere yo du ku ri ga abayo akporo, nga agu yo nangia abazogo angbatungayo, nga agu yo nadu ku ri agu yo i agedi yo.

³I ki ye na gayo gamunihe mbedisatise ku bara bangiri Yekova, nga angbagida ni dadidadi he sita na abaabagara 12; ngbagida sa tipa abazogo ni ba ue, ono babagara sa tipa yo ni ba sa sa; i ki ye na ni ki moi he barangba banye.

⁴Yekova ki ya fu Mose,

⁵“Mo rógo gamahe be yo, si du tipa manga pa sunge nga ga bamburoko dungurati, mo ki fu he fu aRevi, fu aboro ni ba sa sa wa du pa gayo sunge.”

⁶Mose ki di angbagida na abaabagara, ki fu ra fu aRevi.

⁷Ko afu angbagida ue na abaabagara biama fu awiri Gerusona, rengbe na pa gayo sunge;

⁸ko ki fu angbagida biama na abaabagara muambi fu awiri Merari, rengbe na pa gayo sunge, ku tii be Itamara nga wiri Arona nga boromotumo.

⁹Ono ko afu nga he fu awiri Koata wa sa te, bambiko gu sunge nangia ga kparakpara ahe angia gayo, nga gu i anatinda ha pagorõyo.

¹⁰Abazogo ki niye na ahe tipa kpara bamotumo rogo gu uru i ambedi he; abazogo aye na gayo gamunihe mbedisatise a ku barangba bamotumo.

¹¹Yekova ki ya fu Mose, “I ayé na gayo gamunihe mbedisatise, bazogo sa ti gani uru, tipa kpara bamotumo.”

¹²Gu ni naye na gani gamunihe mbedisatise ti bambata ha nangia Nasona wiri Aminadaba, nga ngbatunga Yuda;

¹³gako gamunihe mbedisatise adu ni kurungbu feda, barõa asekerehe adu wa akiro ue na agarama 100, na badungu sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

¹⁴barikare dahabu sa barõa asekerehe adu wa agarama 163, hi ahi be fuõnuua:

¹⁵paranga babagara sa, baka ndoro sa, wiri kandoro ni bara sa du garãru sa, tipa zozo motumo;

¹⁶bameme sa tipa motumo ingapai;

¹⁷na tipa amotumo zereda, abaabagara ki du ue, abaakandoro bisue, abaameme bisue, na wiri akandoro ni abara bisue a du garãra sa. Gere nangia gu gamunihe mbedisatise nga ga Nasona wiri Aminadaba.

¹⁸Ti ue uru Netanere wiri Sua, bazogo nga ga Yisasakara ko, ki fu he;

¹⁹ko afu he tipa gako gamunihe mbedisatise nga kurungbu feda sa, barõa asekerehe adu wa akiro ue na agarama 100, badungu sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

²⁰barikare dahabu sa barõa asekerehe adu wa agarama 163, hi ahi be fuõngua;

²¹paranga babagara sa, bakandoro sa, wiri kandoro ni bara sa du garãru sa, tipa zozo motumo;

²²bameme sa tipa motumo ingapai;

²³na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Netanere wiri Sua.

²⁴Ti biata uru Eriaba wiri Erono bazogo nga ga awiri Zeburuna ko ki fu he:

²⁵gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufuru ngungo ni kodikodi he na nzeme tipa motumo riahe;

²⁶barikare dahabu sa barõa asekerehe adu wa agarama 163, hi ahi be fuõngua;

²⁷paranga babagara sa, bakandoro sa, wiri kandoro ni bara sa du garãru sa, tipa zozo motumo;

²⁸bameme sa tipa motumo ingapai;

²⁹na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Eriaba wiri Erono.

³⁰Ti biama uru Erisura wiri Sedeura, bazogo nga ga awiri Rubena ko ki fu he:

³¹gako gamunihe mbedisatise mangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo du ni kodikodi he na nzeme tipa motumo riahe;

³²barikare dahabu sa barõa asekerehe adu wa agarama 163, hi ahi be fuõngua;

³³paranga babagara sa, bakandoro sa, wiri kandoro ni bara sa du garãru sa, tipa zozo motumo;

³⁴bameme sa tipa motumo ingapai;

³⁵na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Erisura wiri Sedeura.

³⁶Ti bisue uru Serumiere wiri Surisadai, bazogo nga ga awiri Simona ko ki fu he:

³⁷gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

³⁸barikare dahabu sa barõa asekerehe adu wa agarama 163, hi ahi be fuõngua;

³⁹paranga babagara sa, bakandoro sa, wiri kandoro ni bara sa du garãru sa, tipa zozo motumo;

⁴⁰bameme sa tipa motumo ingapai;

⁴¹na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Serumiere wiri Surisadai.

⁴²Ti sita uru Ereyasafa wiri Duere, bazogo nga ga awiri Gada ko ki fu he:

⁴³gako gamunihe mbedisatise nangia kurungbu feda sa barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufuru ngungo ni kodikodi he na nzeme tipa motumo riahe;

⁴⁴barikare dahabu sa barõa asekerehe adu wa agarama 163, hi ahi be fuõngua;

⁴⁵paranga babagara sa, bakandoro sa, wiri kandoro ni bara sa du garãru sa, tipa zozo motumo;

⁴⁶bameme sa tipa motumo ingapai;

⁴⁷na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Ereyasafa wiri Duere.

⁴⁸Ti saba uru Erisama wiri Amiuda, bazogo nga ga awiri Efuraima ko ki fu he:

⁴⁹gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba; wa du he ue tu ahi be fufurũ ngungo ni kodikodi he na nzeme tipa motumo riahe,

⁵⁰barikare dahabu barõa asekerehe adu wa agarama 163, hi ahi be fuõngua;

⁵¹paranga babagara sa, bakandoro sa, wiri kandoro ni bara sa, du garãru sa, tipa zozo motumo;

⁵²bameme sa tipa motumo ingapai;

⁵³na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Erisama wiri Amiuda.

⁵⁴Ti muambi uru Gamariere wiri Pedasura, bazogo nga ga awiri Manase ko ki fu he:

⁵⁵gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

⁵⁶barikare dahabu sa barõa asekerehe adu wa agarama 163, hi ahi be fuõngua;

⁵⁷paranga babagara sa, bakandoro sa, wiri kandoro ni bara sa du garãru sa, tipa zozo motumo;

⁵⁸bameme sa tipa motumo ingapai;

⁵⁹na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Gamariere wiri Pedasura.

⁶⁰Ti ribua uru Abidana wiri Gidoni bazogo nga ga Benyamina ko ki fu he:

⁶¹gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

⁶²barikare dahabu sa barõa asekerehe adu wa agarama 163, hi ahi be fuõngua,

⁶³paranga babagara sa, bakandoro sa, wiri kandoro ni bara sa du garãru sa, tipa zozo motumo;

⁶⁴bameme sa tipa motumo ingapai;

⁶⁵na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Abidana wiri Gidoni.

⁶⁶Ti bawe uru Aiyezere wiri Amisadai, bazogo nga ga awiri Dana ko ki fu he:

⁶⁷gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

⁶⁸barikare dahabu sa barõa asekerehe adu wa agarama 163, hi ahi be fuõngua;

⁶⁹paranga babagara sa, bakandoro sa, wiri kandoro ni bara sa du garãru sa, tipa zozo motumo;

⁷⁰bameme sa tipa motumo ingapai;

⁷¹na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Aiyezere wiri Amisadai.

⁷²Ti 11 uru Pagiere wiri Okerana, bazogo nga ga awiri Asera ko ki fu he:

⁷³gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufuru ngungo ni kodikodi he na nzeme tipa motumo riahe;

⁷⁴barikare dahabu sa barõa asekerehe adu wa agarama 163, hi ahi be fuõngua;

⁷⁵paranga babagara sa, bakandoro sa, wiri kandoro sa ni bara du garãru sa, tipa zozo motumo;

⁷⁶bameme sa tipa motumo ingapai;

⁷⁷na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Pagiere wiri Okerana.

⁷⁸Ti 12 uru Aira wiri Enana, bazogo nga ga Nafatari ko ki fu he:

⁷⁹gako gamunihe mbedisatise nangia kurungbu feda sa, barõa asekerehe adu wa akiro ue na agarama 100, badungu feda sa barõa asekerehe adu wa kiro sa na agarama 150, ringbisi he na gu sekere nga ga kparakpara ziazia ba, wa du he ue hi ahi be fufurũ ngungo ni kodikodi he na nzeme tipa motumo riahe;

⁸⁰barikare dahabu sa barõa asekerehe adu wa agarama 163, hi ahi be fuõngua;

⁸¹paranga babagara sa, bakandoro sa, wiri kandoro ni bara sa du garãru sa, tipa zozo motumo;

⁸²bameme sa tipa motumo ingapai;

⁸³na tipa amotumo zereda, abaabagara ki du ue, abaakandoro bisue, abaameme bisue, wiri akandoro ni abara bisue a du garãra sa. Gere nangia gu gamunihe mbedisatise nga ga Aira wiri Enana.

⁸⁴Gere nga gu gamunihe naadu tipa kpara bamotumo, be agu abazogo nga ga awiri aYisaraere yo, ni gu uru ho i ambedi he ni: akurungbu feda 12, abadungu feda 12,

⁸⁵akurungbu feda ni ba sa sa barõa asekerehe adu wa akiro ue na agarama 100, ga abadungu ni ba sa sa barõa asekerehe adu wa kiro sa na agarama 150, barõa asekere feda dunduko nga ga agu ahe re adu mbembedi wa akiro 40, ringbisi he na gu sekere nga ga kparakpara ziazia ba,

⁸⁶agu abaarikare dahabu 12, hi ahi be fuõngua, barõa asekerehe gu sa adu wa agarama 163, ringbisi he na gu sekere nga ga kparakpara ziazia ba, barõa asekere dahabu dunduko nga ga abaarikare adu mbembedi wa akiro ue;

⁸⁷gu zogozogo anya dunduko du tipa zozo motumo adu wa abaabagara 12, abaakandoro 12, wiri akandoro ni abara 12 du garãra sa, na gaami motumo riahe; agu abaameme du tipa motumo ingapai ki du 12;

⁸⁸gu zogozogo anya dunduko du tipa amotumo zereda ki du wa abaabagara 24, abaakandoro 60, abaameme 60, wiri akandoro ni abara 60 a du garãra sa. Gere nangia gu gamunihe naadu tipa kpara bamotumo, fuo mbeda yo ho.

⁸⁹Ono ho Mose anindu ni ku bamburoko dungurati yo ka fura na Yekova, ko ki nigi fugo si nifura koyo du ko ni ari ba ri bainapai nga gu nadu ku ri sanduki dezirepai, dagba agu akeruba nadu ue; Yekova ki nifura koyo du ko ni.