Read zande Zekaraya 4 Bible Online

Zekaraya 4 - zande bible

Zekaraya 4

¹Gu maraika nafu na mi ki ye berewe, ki zingisi re rame yo, wa gu boro i nizingisi ni rogo gani wene rame.

²Ko ki ya fere, “Gini he mo abi?” Mi ki ya, “Mo ngére, mi bi baduawe ni kinaku dahabu dunduko, gaha inga ki du ri he, na atara ti ri he saba, na agene nzeme saba ti ngba agu atara saba re ni ba sa sa nga gu nadu ti ri he.

³Angua eraya ki du ue pati he, gu sa ku kumbabe inga yo na gu kura ha ku garebe.”

⁴Mi ki ya fu gu maraika nafu na mi, “Gigbia, aginiahengaagere?”

⁵Gu maraika nafura na mi ki karaga pai fere ki ya, “Mo aina nga pa agi ahe te re?” Mi ki ya, “Oó, gi gbia.”

⁶Ko ki ya fere, “Gere nga sangba Yekova fu Zerubabera: Be ngarã te, be tandu a te, ono be gi Toro, wo poi Yekova nga ga arimbasa ko.

⁷Ako bakere bagangara, gini he nga mo? Mo asa tiro ni kpasakpasa rago barangba Zerubabera; ko ki ye na gu mbia du ri he nita wawa niya, ‘Undahe, undahe fu he!’ ”

⁸Sangba Yekova ki ye ku ri gere fere, niya,

⁹“Be Zerubabera moi mburu gi bambu re; kina beko nikanyasa ha a. Si du mo aina ha ya Yekova nga ga arimbasa ko nakedi re kono du mo ni.

¹⁰Bambiko agu yo napayasi gu uru nga ga rukutu apai, i nikangi, ki nibi giri ringbisa ahe ku be Zerubabera. “Agi ahe saba re nga bangiri Yekova, nga gu nangera auru kpotosende dundiíko.”

¹¹Mi ki ya fu ko, “Gine nga agi angua eraya ue re du ku kumbabe baduawe na ku garebe he yo?”

¹²Mi ki ya fu ko ni ue he, “Gine nga agi abe ngua eraya du ue re, du pati agi agbagaza he ue re du ni dahabu i nauka nzeme rogo ho re?”

¹³Ko ki ya fere, “Mo aina nga pa agi ahe te re?” Mi ki ya, “Oó, gi gbia.”

¹⁴Ko ki ya, “Agi yo re nga gu mbedimbedi yo rundu ue pati Yekova nga ga kpotosende ko dunduko.”