Read zande Maraki 4 Bible Online

Maraki 4 - zande bible

Maraki 4

¹“Oni ngére, bambiko rago nikaye, si agbí wa gbigiwi, ho airaenda ka du ni wa kakarika na amangi gbegberẽpai dũnduko; gu rago nikaye azókoda yo, wo poi Yekova nga ga arimbasa ko, si du si ambú nga tarãha fu yo na behe a te.

²Ono tipa agu roni nagunde ti rimore uru rurupai akúra fu roni na ngua husa aboro ti he. Oni akúra ki niguku wa wiri abagara ho ami nakura ni rogo bambura yo.

³Oni asímba gbegberẽ yo ku sande, bambiko i adú wa kuke kpanduroni yo, ni gu rago mi ka manga pai, wo poi Yekova nga ga arimbasa ko.

⁴“Oni tíngidi pa gu rugute nga ga gi moyambu nga Mose, na gu rugapai na ruru sarangbanga nga gu mi arugu ko na ni Orebe yo tipa aYisaraere dunduko.

⁵“Oni ngére, mi akéda Eriya fu roni nga nebi mbata gu bakere iiriwo rago nikaye nga ha Yekova.

⁶Ko asá kpoto abaagude yo fu awiriyo na kpoto agude yo fu aba yo, mi ka ye ki tiwa ringara ni motiwa.”