Read zande Matayo 1 Bible Online

Matayo 1 - zande bible

Matayo 1

¹Gu kitabu nga ga ngbatunga Yesu Kristo, nga tita Dawidi, nga tita Abarayama.

²Abarayama abatika Yisaka; Yisaka ki batika Yakoba; Yakoba ki batika Yuda na awirinako;

³Yuda ki batika Perese na Zera ti Tamara; Perese ki batika Eserone;

⁴Eserone ki batika Rama; Rama ki batika Aminadaba; Aminadaba ki batika Nasona; Nasona ki batika Saromona;

⁵Saromona ki batika Boaza ti Raba; Boaza ki batika Obede ti Ruta; Obede ki batika Yisai;

⁶Yisai ki batika Dawidi nadu ni bakindo. Dawidi ki batika Soromo ti gu ri nangia dia Uriya;

⁷Soromo ki batika Rabama; Rabama ki batika Abiya; Abiya ki batika Asa;

⁸Asa ki batika Yosafata; Yosafata ki batika Yorama; Yorama ki batika Uziya;

⁹Uziya ki batika Yotama; Yotama ki batika Aza; Aza ki batika Izikiya;

¹⁰Izikiya ki batika Manase; Manase ki batika Amona; Amona ki batika Yosiya;

¹¹Yosiya ki batika Yekonya na awirinako, ho i aga na yo ni ku Babera yo.

¹²Fuo ga yo na yo ku Babera yo; Yekonya ki batika Saratiere; Saratiere ki batika Zerubabera;

¹³Zerubabera ki batika Abiuda; Abiuda ki batika Ereyakima; Ereyakima ki batika Azora;

¹⁴Azora ki batika Sadoka; Sadoka ki batika Akimi; Akimi ki batika Eriyuda;

¹⁵Eriyuda ki batika Erazara; Erazara ki batika Matana; Matana ki batika Yakoba;

¹⁶Yakoba ki batika Yosefa kumba ku Maria, nga gu ri naabatika Yesu nga gu ko i ayambu rimoko nga Kristo.

¹⁷Were rika aboro dunduko tona ti Abarayama dati Dawidi nga rika aboro bawe na biama; na tona ti Dawidi dati sa aboro ku Babera yo nga rika aboro bawe na biama: na tona ti ga na aboro ku Babera yo dati Kristo nga rika aboro bawe na biama.

¹⁸Pa batika Yesu Kristo adu wa gere. Ho i apazua nako ni nga Maria fu Yosefa, mbata i nikakpamia tiyo ri ki du na gude be Ziazia Toro.

¹⁹Yosefa nga kumbari, aberã pa mbu ri ni gbuko, bambiko ruru kumba nangia ko, ka ko aida nga ka kusa pari ya.

²⁰Ho ko aberã agi apai ni re, oni ngére, ga Gbia maraika ki yugu tiko fu ko rogo musumo, ki ya, “Yosefa, nga wiri Dawidi, ka mo gúnde nga ti dia diaro nga Maria ya; bambiko gu mobara du ri na n, si mbiko Ziazia Toro.

²¹Ri abátika wiriri; mo ki yambu rimoko nga Yesu; bambiko ko nga gu ko nikabatasa gako aboro ti gayo ingaapai.”

²²Were agi apai ki mangi dunduko re, gu pai ki da ti rengo Gbia agumba ha ku ngba nebi, niya,

²³“Oni ngére, ngasu de nikadu na gude, ki batika wiriri, i ayámba rimoko nga Imanuere” (si wa ka i ya, Mbori du na ani).

²⁴Yosefa ki zingi be gako rame, ki mangi wa ga Gbia maraika arugu ko na ni, ki di diako;

²⁵ka ko aina nga ri ni de ya ki da ho ri abatika wiriri ni. Ko ki yambu rimoko nga Yesu.