Read zande Ruka 3 Bible Online

Ruka 3 - zande bible

Ruka 3

¹Were ti gu bawe na bisue garã nga ga ga Tiberia Kaisara zogarago, Pondio Pirato ki du ni bazogorago Yuda yo, Erode ki du ni bazogorago Gariraya yo, wirinako nangia Firipo ki du ni bazogo gu ringara nga Ituraya na Turakoniti, Rusania ki du ni bazogorago Abirene yo,

²ni gu rago Ana adu ni gbiamotumo na Kayafa, sangba Mbori ki ye fu Yoane ngbakungba yo nangia wiri Zakaraya.

³Ko ki ta ye rogo gu ringara nadu pavuru Yaradene kirikiri dunduko nitungusi pa gu bapatiza nga ga saberã sa vu boro ti ingaapai.

⁴Wa du he ni keke he rogo gu kitabu nga ga ga Yesaya pai nangia nebi, “Fugo boro napaa ngbakungba yo: ya Oni mbákadi ga Gbia gene, oni rúrugu gako agene.

⁵I ahísa ngboongboo arago dunduko, i ki zogo abaagangara azoga na agangara dunduko, iraira ahe ki du ni ruru he, keteruketeru agene ki du adu ni kpasakpasa ha,

⁶aboro abí ga Mbori bata abi dunduko.”

⁷Si du ko aya ti ni fu gu rimbasa aboro naakura ko bapatizi yo, “Oni, awiri awo! Da rugu roni oni oro be gu zinga nikaye?

⁸Oni zúku rindi ngua tie rengbe na saberã, ka oni tona nga ka ya ku kpotoroni yo, ‘Ani na barani nga Abarayama ya’; bambiko ya mi fu roni, Mbori rengbe na sa agi ambia asa re si du ni awiri Abarayama.

⁹Wa du rago re a i moi mangua ti tarã angua; si du i adéwa agu angua adewa ti ni dunduko azu nga wene zuzuhe ya, ki bafu he ku we yo.”

¹⁰Rimbasa aboro ki sana ko, ki ya, “Ani amánga wãi tie?”

¹¹Ko ki karaga ha ki ya fu yo, “Gu ni na abaukadi be ni ue, ni fu gu fu gu ni adu nga ha be ni ya; gu ni du riahe be ni, ni mangi kina wo.”

¹²Abarogo marã ngbeti ki ye a ko bapatizi yo, i ki ya fu ko, “Bayugupai, ani amánga wãi?”

¹³Ko ki ya fu yo, “Oni rogo kina gu i aringbisi he fu roni.”

¹⁴Abanzengere ki sana ko a ki ya, “Ani amánga wãi tigaani?” Ko ki ya fu yo, “Ka oni zúba nga boro wa sa ya, ka oni kíti nga ngbanga boro gbua a ya; oni súngu zezeredi na gaoni mosoro.”

¹⁵Wa aboro aza ka angera, aboro ki saki pa Yoane kpotoyo yo dunduko, ya si ngia Kristo nangia ko.

¹⁶Yoane ki ta karaga ha niya fu yo dunduko, “Mi nabapatizi roni ni ime ni rengo; ono gu ko nikaye ko nga bahe ti re, mi are nga na zaka giri gako rakata te; ko abapatizi roni ni Ziazia Toro na we.

¹⁷Gakoũigita ahe du be ko, ko agirisa gako bataka zendeahe, ki ndukudi gako zendeahe ku rogo gako gbamu; ono umuhe ko ka zo ho ni gu we ka abisa nga ya.”

¹⁸Ko atungusi wene pangbanga tie fu aboro, ki nizungadi yo na dungu kura apai.

¹⁹Ono Erode nangia bazogo, gu ko Yoane aza ko tipa Erodia nangia dia wirinako, na tipa gu gbigbita apai dunduko Erode anamanga,

²⁰ko ki moi gere ti ri he dunduko, nga ko akisi Yoane ku bambukisa yo.

²¹Si ki du wa gere, ho i abapatizi aboro ni dunduko, i ki bapatizi Yesu a, wa ko akpari, ngbangbaturũ ki za,

²²Ziazia Toro ki zorõ wa kpia mbipo, fugo ki ye ngbangbaturũ yo niya, “Mo nga Wire, nyemuro namanga re; ngba mo ti re gbe.”

²³Yesu tigako, ho ko atona ka tungusa pai ni, garãko adu wa 30, ko nangia wiri Yosefa, wa aboro aberẽ he tigayo. Yosefa nangia wiri Eri,

²⁴Eri nangia wiri Matata, Matata nangia wiri Revi, Revi nangia wiri Mereki, Mereki nangia wiri Yana, Yana nangia wiri Yosefa,

²⁵Yosefa nangia wiri Matatia, Matatia nangia wiri Amosa, Amosa nangia wiri Nauma, Nauma nangia wiri Eseri, Eseri nangia wiri Naga,

²⁶Naga nangia wiri Mata, Mata nangia wiri Matatia, Matatia nangia wiri Simi, Simi nangia wiri Yoseke, Yoseke nangia wiri Yoda,

²⁷Yoda nangia wiri Yoana, Yoana nangia wiri Resa, Resa nangia wiri Zerubabera, Zerubabera nangia wiri Saratiere, Saratiere nangia wiri Nere,

²⁸Nere nangia wiri Mereki, Mereki nangia wiri Adi, Adi nangia wiri Kosama, Kosama nangia wiri Eremadama, Eremadama nangia wiri Ere,

²⁹Ere nangia wiri Yesu, Yesu nangia wiri Eriezere, Eriezere nangia wiri Yorima. Yorima nangia wiri Matata, Matata nangia wiri Revi,

³⁰Revi nangia wiri Simona, Simona nangia wiri Yuda, Yuda nangia wiri Yosefa, Yosefa nangia wiri Yonama, Yonama nangia wiri Ereyakima,

³¹Ereyakima nangia wiri Merea, Merea nangia wiri Mena, Mena nangia wiri Matata, Matata nangia wiri Natana, Natana nangia wiri Dawidi,

³²Dawidi nangia wiri Yisai, Yisai nangia wiri Obede, Obede nangia wiri Boaza, Boaza nangia wiri Saramona, Saramona nangia wiri Nasona,

³³Nasona nangia wiri Aminadaba, Aminadaba nangia wiri Aruni, Aruni nangia wiri Eserone, Eserone nangia wiri Perese, Perese nangia wiri Yuda,

³⁴Yuda nangia wiri Yakoba, Yakoba nangia wiri Yisaka, Yisaka nangia wiri Abarayama, Abarayama nangia wiri Tera, Tera nangia wiri Naora,

³⁵Naora nangia wiri Seruga, Seruga nangia wiri Ru, Ru nangia wiri Perege, Perege nangia wiri Ebare, Ebare nangia wiri Sera,

³⁶Sera nangia wiri Kenana, Kenana nangia wiri Arufakasada, Arufakasada nangia wiri Seme, Seme nangia wiri Noa, Noa nangia Wiri Remeke,

³⁷Remeke nangia wiri Metusara, Metusara nangia wiri Enoka, Enoka nangia wiri Yarede, Yarede nangia wiri Maararere, Maararere nangia wiri Kenana,

³⁸Kenana nangia wiri Enosa, Enosa nangia wiri Sete, Sete nangia wiri Adama, Adama ki angia wiri Mbori.