Read zande Pa Fu Rugute ni Ue he 1 Bible Online

Pa Fu Rugute ni Ue he 1 - zande bible

Pa Fu Rugute ni Ue he 1

¹Agi apai re nga gu Mose agumba ha fu aYisaraere dunduko mbiti Yaradene ngbakungba yo, du kpasakpasa rago yo pati Sufa, dagba Parana na Tofere, na Rabana, na Aserota na Di-zaba.

²Si nga uru 11 ni nunguro tona Orebe yo ngba gene Bagangara Seira ku Kadesa-baranea yo.

³Si ki ta du wa gere rogo 40 garã, rogo 11 diwi, ti bambata uru nga ga gu diwi re, Mose ki gumba pai fu awiri aYisaraere, kuti gu pai dunduko Yekova afu fu ko rogo rugute yo fu yo,

⁴fuo manga ko Siona nga bakindo aAmoro naaraka Esebona yo, na Ogo nga bakindo Basana, naaraka Asetareta yo na Ederei yo.

⁵Mose atona ka taka pande gi rugute re, mbiti Yaradene ringara Moaba yo, niya,

⁶“Yekova nga gaani Mbori agumba pai fu rani Orebe yo, niya, ‘Oni raki tipa gbanga rago rengbe pati gi bagangara re;

⁷oni ária tironi ki tona gaoni nunguro, ka ndu sa gu ringara abaagangara nga ga aAmoro, na ku rogo agu arago mbedi na yo, ku kpasakpasa rago yo, rogo ringara abaagangara, rogo tiditidi ringara, na ku Negebe yo, na ringara pangba baime, ringara aKanano, na Rebanona yo, ki da ku bakere di yo nga Ferata.

⁸Oni ngére, mi ringbisi ringara ku mbata yo fu roni; oni ndú koyo ka dia gu ringara re nga gu Yekova azunga he fu abaroni tipa ha, fu Abarayama, fu Yisaka, na fu Yakoba, ka fu he fu yo na fu atitayo fuo yo.’

⁹“Mi ki gumba pai fu roni ni gu rago re, ki ya. ‘Mi ni sa re arengba nga ka unda roni dũ te;

¹⁰Yekova gaoni Mbori ima ngeesa roni, oni ngére, oni areme wa akerekuru ngbangbaturũ yo tipa rimbasa roni.

¹¹Yekova nga gu Mbori nga ga abaroni ko, ngéesi roni ni ba dungu roni wa bara kutu ki susi wa gu du oni, ki fu maku fu roni, a wa ko akido roni!

¹²Waĩ rengbe mi ni sa re ka mbu mbugo gaoni dungbapai, na gaoni tindiro na gaoni kpata a?

¹³Oni sía airatatamana du na rugatinapai, ini oni pa yo, wa du angbatungaroni, mi amáa yo ni abarumbatayo fu roni.’

¹⁴Oni akaraga ha fere, ki ya, ‘Gu pai nga gu gumba mo, ngba ha angba fu rani ka manga ha.’

¹⁵Si du mi arogo abarumbatayo ti ni dagba angbatungaroni, nangia airatatamana, oni aini pa yo, ki moi yo ni abarumbatayo fu roni, ni abarutiri aboro nga ga akutu yo, ni abarutiri aboro nga ga akama yo, ni abarutiri aboro nga ga abisue bawe yo, na abarutiri aboro nga ga abawe yo, na abarumbatayo, wa du pa angbatunga roni.

¹⁶Mi ki rugu gaoni abasapungbanga ni gu rago re, ki ya. ‘Oni gí agu apai du dagba awirinaroni, ka sarangbanga ni ruru he dagba gu boro na wirinani, na dagba gu kungba boro du na ni.

¹⁷Ka oni kpara nga boro rogo pa sarangbanga ya; oni ka gia fugo umba boro wa sa na fugo kikindigi yo a; ka oni agúnde nga be bangiri boro ya, bambiko sarangbanga nga ga Mbori; ono gu pai nikanikpakara fu roni ki susi, oni aniye na ni fere, mi mkanigi he.’

¹⁸Mi arugu roni ni gu rago re na agu apai dunduko oni ka amanga.

¹⁹“Ani ki guari Orebe yo, ka ndu nunguro kindi rogo gu bakere iiriwo ngbakungba dunduko nga gu oni abi he, ngba gu gene ndu sa ringara abaagangara nga ga aAmoro, a wa Yekova gaani Mbori arugu rani; ani ki da ku Kadesa-baranea yo.

²⁰Mi ki ya fu roni, ‘Oni ye sa gu ringara abaagangara nga ga aAmoro, nga gu Yekova gaani Mbori nafu he fu rani.

²¹Oni ngére, Yekova gaoni Mbori moi gu ringara re ku barangba roni; oni ndú, oni dí he, wa Yekova ga abaroni Mbori agumba ha fu roni; ka oni gúnde nga ki yunguraaya.’

²²Oni aye kono du mi ni ni ba sa sa, ki ya, ‘Ani kédi aboro ku mbata yo fu rani, ya i ndu ka wisiga gu ringara re fu rani, i ki ye na gu pai fu rani berewe nga pa gu gene ka ani ndu ngba ha, na pa agu abaakporo ka ani ndu ku rogo.’

²³Gu pai re angba ti re wenengaĩ, mi arogo aboro 12 dagba roni, boro sa tipa ngbatunga ni ba sa sa;

²⁴i ki aria tiyo ki ndu ku ringara abaagangara yo, ki da kuti Ngboongboorago Esekore yo, ki moi he.

²⁵I adi zuzuhe nga ga gu ringara re ku be yo, ki yega na ni fu rani, ki yega na pai fu rani berewe a, ki ya. ‘Si nga wene ringara Yekova gaani Mbori nafu he fu rani.’

²⁶“Ono oni akpi nga nvemu ka ndu koyo te, ono oni asa mungu kuti sangba Yekova nga gaoni Mbori;

²⁷oni ki nigumba rimo rogo gaoni abamburoko, niya, ‘Si wo bambiko Mbori naasogo rani, ko akusi rani ringara Ezipeta yo, ka fu rani ku be aAmoro, i gbarasi rani.

²⁸Ani andú ku wari? Awirinarani ima zirĩsa kpotorani yo, niya, “Agu aboro re ni bakindigi yo ni gbangagbanga yo susi rani; abaakporo ni bakikindigi he na ngapa pati he kina ku ngbangbaturũ yo; ku ri agi apai re ani abi awiri Anaka yo.” ’

²⁹Mi ki ya fu roni tie. ‘Ka kiki yo zí nga roni ya, ka oni gúnde nga be yo a ya.

³⁰Yekova nga gaoni Mbori nangbe ku mbata yo fu roni, ko nikaso vura tipa roni, a wa ko amangi agu apai dunduko fu roni Ezipeta yo ku bangironi,

³¹na ngbakungba yo, yo oni abi waĩ Yekova nga gaoni Mbori aunda roni ni, wa boro niunda wirini, ngba agu agene dunduko oni andu ngba ha, ki da ti da oni ku rogo gi rago re.’

³²Ono rogo gi pai re oni aida nga pa Yekova nga gaoni Mbori te,

³³nga gu ko nangbe fu roni ku mbata yo gene, rogo we yo yuru, ka gbata ba fu roni oni dua gaoni abamburoko rogo, ka yugo ngba gu gene fu roni oni ka ndu ngba ha, na rogo dubo uru a.

³⁴“Ono Yekova agi fugoroni na gaoni apai, ko adu na zinga ki zunga he, ki ya.

³⁵‘Ni rengo a nga boro sa dagba gi gbegberẽ rikaaboro re nikabi gu wene ringara re te, nga gu mi azunga he ka fu he fu abayo,

³⁶kpara kina Kareba wiri Yefune, kina ko nikabi he tigako, ko mi ka fu gu sende fu ko ko asimbi he na fu awiriko a, bambiko ko napeke Yekova na kpotoko yo dunduko!’

³⁷Yekova adu na mi a na zinga tipa gaoni apai kiya. ‘Mo tigamo ada nga koyo a te:

³⁸ono Yosua wiri Nuna, nga gu ko ru ku barangba ro, konikada yo; mo ngárãsi ko; bambiko ko nikandu na aYisaraere i di kumbo gu ringara re.

³⁹Rukutu awironi a, oni aya i nikadu ni ũmozi na awironi, nga agu yo aina nga wenepai na gbegberẽpai ni gu rago re ya, kina yo nikada koyo, mi afú he fu kina yo, i nikadia ha.

⁴⁰Ono tipa roni tigaoni, oni ária tironi, ki ndu gaoni nunguro ku ngbakungba yo ngba gene ku Zamba Baime yo.’

⁴¹“Oni ki karaga ha ki ya fere, ‘Ani ingi pai kuti Yekova; ani tigaani andú ka so vura ku sangba agu apai dunduko Yekova gaani Mbori arugu rani na ni.’ Ono akumba ni ba sa sa dagba roni avodi tiyo na gayo aũvura, ki berẽ he ya ipi he aipo ka ndu ku ringara abaagangara yo.

⁴²Yekova ki ya fere. ‘Mo yá fu yo wẽ, Ka oni ndú nga ya, ka oni so nga vura a ya, bambiko mi dagba roni te; i ka tiwa barangba avurayo.’

⁴³Si du mi agumba pai ti ni fu roni, ono ka oni adega nga turoni sa ni ya; ono oni asa mungu kuti sangba Yekova, oni amangi he ni aura ki ndu ku ringara abaagangara yo.

⁴⁴Ono agu aAmoro naaraka rogo gu ringara abaagangara re, ki zingi kuti roni, ki dandi roni, wa kina anyege namanga, ki gbarasi roni da Seira yo ki da ku Oruma yo.

⁴⁵Oni akaraga tironi ki nikpari Ku bara bangiri Yekova; ono Yekova adega nga tuko sa fugoroni te, ko aye nga tuko koyo du oni ni a te.

⁴⁶Si du oni asungu ti ni Kadesa yo tipa dungu arame, kina kuti gu rame oni ara ha yo.