Read zande Amokedi 6 Bible Online

Amokedi 6 - zande bible

Amokedi 6

¹Were ni gu rago re, ho abawiriki ange ni, agu aYudo i abatika yo rogo kura aringara ki nigumba pa kura aYudo bambiko i nihe gayo adekurugbo ahe wa i nagama ahe na uru.

²Agu yo nanidu bawe na ue i ki yambu rimbasa abawiriki koyo du yo ni ki ya, “Ru nga he ani tungusa ga Mbori pai kuti gama ahe te.

³Awirinarani, oni sia akumba saba dagba roni, agu yo ngba ringiyo angba, hiki De Toro na tatamana, ani asia pa gi pai re fu yo.

⁴Ono ani aka aka kuti kparakpe tigaani kindi na tungusapai.”

⁵Sangbayo ki, mbakadi rago ambakada bangiri rimbasa dunduko. I ki sia aSetefano nahi be idapase na Ziazia Toro, na Firipo na Purokoro na Nikanora na Timono, na Parumena, a Nikorao nangia boro Andiokia, naidi pa ga aYudo yugopai.

⁶I ki moi yo barangba amokedi. Ho i akpari ni i ki moi beyo ri yo.

⁷Ga Mbori pai ki ndu andu; abawiriki ki nge ange bakere gbe Yerusarema yo; bakere rimbasa aboromotumo ki ka kuti idapase.

⁸Setefano nahi be undahe na tandu, ki nimangi iiriwo apai na agu apai i aina pai ti ni dagba aboro.

⁹Agu yo ki mo ku ari dagba aboro gu bambutiria i aniya ti ni bambutiria aRibetino, na aKureno, a aAresandurio, na agu yo naye Kirikia vo na Asia yo, i ki niti kangu na Setefano.

¹⁰Ka i are nga na gu tatamana nga ga Ziazia Toro ko agumba pai sangbako yo ya.

¹¹I ki so kpekpe fu akumba, ya, “Ani agi he wa Setefano agumba apai nigberã ngbako yo fu Mose, na fu Mbori.”

¹²I ki zingisi aboro na ga aYudo abaakumoa a abakeapai, ki ye kuti ko ki zi ko ki ye na ko ku barondo yo,

¹³ki moi airabiriki adezire, naya, “Gi kumba re ko napiriga nga ti gumba pai kuti gi Ziazia ba re, na rugute te.

¹⁴Bambiko ani agi he ko nigumba ha, ya, gi Yesu nga boro Nazareta re, ko agbárasa gi ba agbarasa re, ki sa agu apai asa Mose afu fu rani.”

¹⁵Agu yo dunduko nasungu barondo yo ki ningana Setefano angana nganganga ki bi kpakpuko wa si adu wa kina kpakpu maraika.